Бағдарламалар директоры және оның лауазымдық міндеттері бетінің бастапқы мәтінін қарау

'''Бағдарламалар директоры және оның лауазымдық  міндеттері'''<ref>Қазақ телевизиясы. Энциклопедия. – Алматы: «ҚазАқпарат», 2009,1-т.–640 б.ISBN 978-601-03-0070-5</ref>. Бағдарламалар дирекциясы қызметінің барлық түрлерін басқарады. Оның құрылымдық бөлімшелерінің жұмысын ұйымдастырып бағыштайды, жоғары идеялық-көркемдік денгейдегі [[теледидар]] [[бағдарлама]]ларын қалыптастыруды, сондай-ақ хабарларды жоспарлау мен эфирге шығару жөніндегі барлық буындардың тиімді өзара әрекеттестігін қамтамасыз етеді. Жарияланған бағдарламаларды жедел өзгерту жөніндегі жұмысты ұйымдастырады. [[Хабар]] таратудың ұзақ мерзімдік тұғырнамасын жасау, өзгерту және нақтылау жөніндегі жұмысты басқарады. Теледидардың келесі жылға арналған күнтізбелік-тақырыптық жоспарының жобасын әзірлеуді ұйымдастырады, оның РТО техникалық құралдарының мүмкіндіктерімен, нормативтік негіздегі қаржылық және материалдық ресурстардың қолда бар санымен теңгермеленуін қамтамасыз етеді. Басқа кәсіпорындар мен ұйымдар, мекемелер тапсырыс берген теледидар өнімін жасау жөніндегі өндірісті жоспарлау мен ұйымдастыруға қатысады. Мемлекеттік шаруашылық басқару органдарымен, қоғамдық ұйымдармен және шығармашылық одақтармен тұрақты байланысты жүзеге асырады. [[Редакция]]лар әзірлеген теледидар бағдарламалары туралы қоғамдық пікірді анықтау жөніндегі жұмысты басқарады. Теледидар бағдарламалары құрылымына талдау жасау мен салалық редакциялардың көкейкесті мәселелер мен проблемаларды жариялаудағы тәжірибелермен қорыту бойынша жұмыс атқарады. Қолданыстағы хабарлар кестесін өзгерту, теледидар бағдарламаларын үйлестіру бойынша ұсыныстар енгізеді, баспасөзде, теледидар мен радиода хабарларды жарнамалауды қамтамасыз етеді. Редакциялардың тақырыптық жоспарды орындауына бақылау жасауды ұйымдастырады. Салалық редакциялар мен атқарушы бөлімдер басшылығымен өндірістік кеңестер өткізеді. Редакциялардың облысыстық телерадиокомпаниялармен бірге жасайтын, сондай-ақ ҚР ТРК-ның шетелдік ұйымдармен бірге ұйымдастыратын бағдарламаларын дайындау мен өткізу жөніндегі іс-тәжірибелік жұмысты басқарады. Өз құзіреті шектерінде авторлармен және бөтен кәсіпорындармен, ұйымдармен және мекемелермен шарттар жасайды. Бағдарламалар редакциясы бөлген қаржылық және техникалық құралдарды ұтымды пайдалануды қамтамасыз етеді. Штаттағы және штаттан тыс қызметкерлердің, авторлар мен хабарларға қатысушылардың еңбегіне ақы төлеу жөніндегі құжаттарды бекітеді. Бағдарламалар дирекциясын біліктілігі жоғары қызметкерлермен қамтамасыз ету шараларын қабылдайды, жүктемелерді ұтымды болуды қамтамасыз етеді жәнеқызметкерлердің біліктілігін арттыру мен тұрақты шығармашылық өсуі үшін жағдайлар жасайды. Кадрларды жұмысқа деген саналы, адам ниетті және шығармашылық көзқарас рухында тәрбиелеу, мемлекеттік мүдделерді сақтауды қамтамасыз ету, енбек және өндірістік тәртіпті нығайту бойынша жұмыс жүргізеді. Әлеуметтік әділеттілік қағидаттарын дұрыс қолдану ережелерін, басқарудың экономикалық және әкімшілік әдістерін, теледидар бағдарламаларының сапасын, теледидар өндірісінің тиімділігін арттыруға моральдық және материалдық ынталандыруды үйлестіруді қамтамасыз етеді. Барлық мәселелерді заңдылықты сақтау негізінде шешеді, теледидар өндірісін басқаруды жетілдіру үшін құқықтық құралдарды белсенді пайдаланады. Тарифтеу, жұмысқа қабылдау, жұмыстан босату және үздік қызметкерлерді мадақтау, сондай-ақ жазалау шараларын қолдану мәселелерінде ұсыныстар енгізеді және өз құзіреттілігі шектерінде шешеді.
== Білуі тиіс==
Қазақстан Республикасының саясат, идеология, сондай-ақ экономикалық және әлеуметтік даму мәселелері жөніндегі заңнамасын; жоғары тұрған және өзге де ұйымдардың теледидар хабарларының идеялық-көркемдік деңгейі мен бағдарламалар дирекциясы қызметіне қойылатын талаптарды анықтайтын қаулыларын, жарлықтарын, өкімдерін, бұйрықтарын жәнебасқа да басшылық материалдарын; қоғамдық-саяси оқиғаларды; ҚР мен шетелдердегі шаруашылық, ғылыми және мәдени өмірдің мән-жайы мен даму перспективаларын; теледидар мен радиохабарларын ұйымдастырудың отандық және шетелдік алдыңғы қатарлы тәжірибесін; теледидар хабарларын жасау технологиясы мен техникалық құралдарын; құқық негіздерін, авторлық және енбек заңнамасын, авторлық шарттарды жасасу реті мен оны орындауды; экономиканы, өндірісті, еңбекті жәнебасқаруды ұйымдастыруды; жоспарлау мен қаржыландырудың негіздерін; шаруашылық есеп әдістерін; енбекке ақы төлеу және материалдық ынталандыру жүйелері мен формаларын; шығармашылық қызметкерлердің енбегін ұйымдастыру, нормалау мен ақы төлеу жөніндегі салалық нормативтік актілер мен әдістемелік ұсынымдарды; еңбекті қорғау мен қауіпсіздік техникасы ережелері мен нормаларын. 
==Біліктілігіне қойылатын талаптар==
Жоғары білім және шығармашылық немесе соған ұқсас ұйымдардағы басшылық лауазымдарындағы жұмыс өтімінің 5 жылдан кем болмауы.

== Дереккөздер ==
<references/>

{{Суретсіз мақала}}
[[Санат:Журналистика]]
[[Санат:Бұқаралық ақпарат құралдары]]