Бала тілеу бетінің бастапқы мәтінін қарау

Бала тілеу - [[перзент|перзентсіз]] [[ата-ана|ата-ананың]], бала көтере алмай жүрген әйелдің [[әулие]], қасиетті адамның [[зират|зиратының]] басына барып, тілеуханаға түнеп, мал сойып, құдайы таратып, бала тілеп, мінәжат ету рәсімі.

Дәстүрлі қазақ қоғамында әйелдер Бибәтимаға жалбарынып: «Пірім, бибі Бәтима, өзің қолдай гөр, сақтай гөр» деп сыйынады. Бибі Бәтима [[Мұхаммед пайғамбар|Мұхаммед (с.ғ.с.) пайғамбардың]] қызы, халық ұғымында қысылғанда жәрдем, қиналғанда көмек берер әулие адам.

Қазақтың халық ауыз әдебиеті үлгілерінде, оның ішінде байырғы [[эпос|эпостық жырларда]] ата-анасының осындай әулие-әнбиелердің басына мал атап, қорасанға қой атап, сыйынып жалбарынудың нәтижесінде ел қорғаны болған [[батыр|батырлардың]], еңселі ерлердің дүниеге келгендігі баяндалады. Бала сұраушы әйел жақсы нышанды түс көрсе ниеті қабыл болады деп ырымдайды. [[Қызылорда облысы|Қызылорда облысындағы]] экспедициялық ізденіс барысында төмендегідей мәліметті кездестірдік. Жаңақорған ауданындағы [[Қорасан ата]] бейітінің басында түнеген бір әйелдің түсінде сақалды, ақ киімді шал келіп үстіне құндыз шапан жауып кеткен. Көп ұзамай, бір ұлды, бір қызды болып, үй-іші берекеге толған деседі.<ref> Қазақтың этнографиялық категориялар, ұғымдар мен атауларының дәстүрлі жүйесі. Энциклопедия. - Алматы: DPS, 2011. - ISBN 978-601-7026-17-2 </ref>

== Дереккөздер ==
<references/>

{{wikify}}
{{Суретсіз мақала}}
{{stub}}
[[Санат:Мәдениет]]
[[Санат:Терминология]]