Арал теңізі бетінің бастапқы мәтінін қарау

{{otheruses|Арал (айрық)}}
{{Көл
 |Атауы             = Арал теңізі
  |Төл атауы        = uz/Orol dengizi, Орол денгизи/kaa/Aral teńizi, Арал теңизи
 |Сурет             = Aralsea tmo 2014231 lrg.jpg
  |Сурет тақырыбы   = Арал теңізі, тамыз 2014 жыл 
 |Координаттары     = 44.8131/59.6153
  |CoordScale       = 10000000
 |Теңiз деңгейiнен биіктігі   = 
 |Ұзындығы       = 
 |Ені            = 
 |Ауданы         =8303<br />17,160 (2004)<br />28,687 (1998)<br />68,000 (1960)
 |Көлемі         = 75 кем
 |Жағалау сызығының ұзындығы   = 
 |Тереңдігі   = Солтүстік:<br>42 м (2008)<br>18 м (2007)<br>30 м (2003)<br>Оңтүстік:<br>37-40 м (2005)<br>102 (1989)
  |Орташа тереңдігі      = Солтүстік: 8.7 м (2014)<br>Оңтүстік: 14-15 (2005)
 |Судың тұздылығы        =
 |Судың мөлдірлігі       = 
 |Суды жинау ауданы      = 
  |Құятын өзендер     = Сырдария/Әмудария
  |Шығатын өзендер    = 
 |Ел       = Қазақстан/Өзбекстан
  |Аймақ     = Ақтөбе облысы/Қызылорда облысы/Қарақалпақстан
  |Аудан     = 
 |Позициялық карта       = 
  |Позициялық карта 1    = 
 |Ортаққордағы санаты    = Aral Sea
}}
'''Арал теңізі''' ({{lang-uz|Orol dengizi}}; {{lang-kaa|Aral teńizi, Арал теңизи}}) — [[Қазақстан]] мен [[Өзбекстан]] шекарасында орналасқан ірі көл. Теңіз [[XX ғасыр|XX ғасырда]] ауданы жағынан (''68 мың км<sup>2</sup>'') [[әлем]]де төртінші орында болған, алайда [[1960]] жылдардан бастап теңіздің [[су]] деңгейі азайып келеді.

== Арал теңізінің тарихы ==
[[Сурет:Survey of the Sea of Aral 1853.jpg|thumb|left|170px| Арал теңізінің картасы, 1853 жыл, [[:ru:Королевское географическое общество|Royal Geographical Society]] журналы, [[Лондон]].<ref>[http://en.wikipedia.org/wiki/Aral_Sea Ағылшын уикипедиясы, Aral Sea, The Map of Aral Sea.]</ref>  ]]
[[Сурет:Kos-aral.jpg|thumb|250px|Бірінші орыс қайықтары, 1848]]
[[Сурет:Aral Sea.gif|thumb|250px|Әр жылдық анимациялық карта]]

Арал теңізі, [[Кайнозой]] дәуірінің орта шетінде, яғни бұдан ''21 млн. 1200 жыл'' бұрын [[Каспий теңізі]]не қосылып жатқан. Бұған теңіздің терістік бетіндегі қазіргі [[Үлкен Сарышығанақ|Сарышығанақ]], [[Ақеспе (Қызылорда облысы)|Ақеспе]] тұсынан 80 метр тереңдіктен [[Олигоцен]] уақытында өмір сүрген [[Бекіре|қызыл балықтың]], ірі [[Ұлулар|ұлудың]], [[Киттәрізділер|киттің]] омыртқа сүйектерінің тасқа айнала бастаған күйінде табылуы дәлел болмақ. Бұл теңіздің кезінде [[мұхит]]пен қосылып жатқандығын көрсетеді. Сондай-ақ Арал маңынан [[акула]]ның тісі мен сүйегі табылды. [[XIX ғасыр|ХІХ ғасырдың]] орта кезіндегі Арал-Каспий ойпатының пайда болуы жөніндегі болжамдардан Арал бассейнінің [[геология]]лық ерте кезеңде [[Жерорта теңізі]]мен тұтасып жатқан су айдыны екенін, оның кейінгі [[Альпі]]лік дәуірлерде жер қыртысының көтерілуіне байланысты ұсақ су айдындарына бөлінгенін білеміз. Сондай-ақ, Арал теңізінің көлемі жайлы, Арал теңізі жайлы ұғымдар сонау ерте дүние әдебиеттерінде де кездеседі.

Ендеше қазіргі кезде әлем елдері назарын өзіне аударып отырған осы су айдынын зерттеу сол ерте заманан бүгінгі күнге дейін жалғасып келеді, деуге болады. Міне, сондықтан да көне зерттеулер мен қазіргі жаңа мәліметтерді салыстыру арқылы Арал теңізі бассейнімен оның жағалауының даму [[эволюция]]сын, сондай-ақ ғасырлар бойы өзгеру сипатын анықтау қиын емес. Мысалы, ежелгі заманның өзінде Арал теңізі көп елдерге мәлім болған. Өйткені, сол IХ-X ғасырлардағы араб ғалымдары – [[Ибн Хордадбех]], [[Ахмед ибн Рүсте|Ибн Руста]], [[Әл-Масуди]], [[Әл-Истахри]] келтірген мәліметтер аса құнды саналады. Демек, бұл еңбектерден сол кездегі Аралдың көлемі мен жағаларының пішіні туралы мағлұмат алуға болады.

[[Ибн Хордадбех|Ибн-Хордадабех]] «''Китаби-ал-масалик Вал-мамлик''» саяхаттар мен мемлекеттер кітабы атты еңбегінде [[Әмудария|Амударияны]] -Жейхун, Арал теңізін - Күрдер көлі деп атайды. Ал [[Ахмед ибн Рүсте|Ибн-Рустеннің]] Амудария мен Арал теңізі туралы жазғандары неғұрлым нақты, оның мәліметтері бойынша, Арал теңізінің көлемі 80 фарсах (бір фарсах-6 шақырым). Теңіздің басты жағалауындағы Жоталары Сиякух (қара таулар) деп аталады. Ал оң жақ жағалауы батпақты, онда қалың орман өскен. Демек аталмыш Сиякух – үстіртің тік жарлы құздары болуы мүмкін. Өйткені оның батыс жағалауы қазір де биік келеді, кейбір нүктелердің биіктігі 190 метрге жетеді.

Сол сияқты Араб географы [[Әл-Истахри]] Арал теңізін «''Хорезм көлі''» деп атаған және [[Сырдария]] жөнінде мәліметтер келтірген. Истахри былай дейді: «''Бұл көлдің айналасы 100 фарсах. Суы тұзды, көлге Жейхун, Илаш Сырдария және басқа өзендер құяды''». Сондай-ақ Х ғасырда өмір сүрген белгісіз автордың парсы тілінде жазған «''Худуд-ал Алам шығыстан батысқа дейінгі әлем облыстары''» атты қолжазбасында да Арал теңізінің сипаттамасы берілген. Мұнда теңіздің көлемі 300 фарсахқа тең келетіні және [[жағалау]]ларының құмды екені жазылған. Жоғарыдағы Арал теңізі жөнінде мәлімет қалдырушылар негізінен теңізді арнайы зерттеген адамдар емес, жолшыбай көргенін жазған саяхатшылар, жалпы дүниежүзілік [[әдебиет]]ке  қатысты шағын дерек жинаған шолушылар. Сондықтан бұл кезде Арал теңізі жайлы нақты ғылыми зерттеулер болған жоқ деуге болады. Дегенмен осы өлкенің сол кезеңдегі көрсетілген табиғат жағдайлары мен қазіргі табиғатының өзгерісін салыстыра қарағанда өңірдің сипатынының бұрынғы кезде нақты қандай болғандығына көз жеткізуге болады.

Негізгі Арал теңізі жайлы нақты деректі мәліметтердің жиналуы, яғни арнайы зерттеулердің басталуы ХVІІ-ХІХ ғасырлардың еншісіне тиеді. Өйткені бүгінгі Арал деген атау сол ХVІІ ғасырдан бергі жерге берілген. Яғни 1740-1741 жылдары [[Сырдария]] мен Арал маңын зерттеуге алғашқылардың бірі болып, Иван Мурауин қатысып, тұңғыш рет Арал теңізінің шығыс жағалауларын өте дәлдікпен арнайы түсірілімге түсіріп, карта жасаған. Жалпы Арал теңізі жайлы соңғы толық зерттеулер 1946–1950 жылдар аралығында болған. Ондағы мәліметтер бойынша теңіз көлемі ''66 мың'' шаршы шақырымды құрап, ең ұзын бөлігі 424 шақырым, ал ендігі бөлігі 292 шақырым, орташа тереңдігі ''16,1 метр'', ең терең жері ''68 метр'' деп сипатталып жазылған. Содан қалған бүгінгі теңізде шамамен ''15-20 мың'' шаршы шақырымға жуық қана су айдындары бар көрінеді. Теңіздің осындай тартылуына орай өңірде алғаш рет 2001 жылы Арал теңізінің табаны қала орны болған деген болжам жасалды, ал бұл күндері осы болжам шындыққа айнала бастағандай.

Өйткені бұрын Арал теңізі өз деңгейін сақтап тұрған жылдары сол жағасынан көне заманға тән [[ою-өрнек]]тер, адам сүйектері ұшырасқан кездері болғаны жөнінде кезінде теңізде жүзген кейбір қарт кеме капитандарының талай өз аузынан естіген кездеріміз де болды. Бірақ та, ол кезде теңіз астында қала барын кім білсін. Ал енді теңіз тартылып, жағасы әр деңгейде ашыла бастағанда, қазір де бұл жағдай жиі көріне бастады. Өйткені қазіргі [[Археология|археолог]] ғалымдардың деректері бойынша құрғаған теңіз табанынан табылған әлгі [[мешіт]]тің ою-өрнектерді сол 12-15 ғасырлардың еншісіне жатқызады. Сондай-ақ бұған дәлел ретінде Арал тарихынан белгілі сол 1592 жылдарға дейін қазіргі табылған қала орны яғни, «[[Барсакелмес]]»  аралының батыс беті құрлықпен бірігіп жатқан көрінеді. Кейін теңіз суының көтерілуіне байланысты құрлықтан бөлініп қалған. Сондай-ақ жоғарыда сөз болғандай сол ертедегі араб ғалымдарының деректері бойынша да теңіз көлемі сол әрқили көлемде өзгеріп отырған. Мысалы, 80,100 және 300 фарсах мөлшерінде. Егер де бір фарсах 6 шақырым болса, сонда кезінде теңіздің ең үлкен деген көлемі не бәрі 300 х 6 = 1800 шақырым ғана. Бұл – теңіздің сол 1950 жылғы көлемімен салыстырғанда төмен екенін көрсетеді. Міне осыған орай бір сөэбен айтқанда «[[Барсакелмес]]» аралы сол 1592 жылға дейін құрлықпен жалғасып жатыр деген сөз шындыққа жақын.

Тарихи жазба ескерткіштерінде біздің заманымыздың III ғасырына дейін ол Оксин көлі деп аталған. Көптеген зерттеушілер Арал сөзін орал-алтай тіл бірлестігіне жатқызады. А.К.Матвеев венгер тіліндегі ар-ер - "су ағысы, тасқын" десе, Е.И.Рамбандеева оның манси тіліне тән ара - "өзен" деген сөзі екенін айтады. Ар компонентті топотерминдер түркі тілдерінің көбінде бар. Якут тілінде Арыы - "арал", Улу Арыы - "үлкен арал", Уон Арыы - "он арал" дегенді білдіреді.<ref>{{кітап|авторы=Телғожа Жанұзақ|бөлімі=|бөлім сілтемесі= |тақырыбы=Жер-су атаулары |шынайы атауы= |сілтеме= |уикитека= |жауапты= |басылым= |орны=Алматы|баспасы="Өнер"|жыл=2011|томы= |беттері=|барлық беті=496|сериясы= |isbn=978-601-209-161-8|тиражы=3000 }}</ref>

== Арал ойысы ==
[[Сурет:NizinaTuranska2001grudzien.jpg|thumb|left|200px|[[Арал ойысы]]]]

Арал ойысы – Арал теңізі [[ойпат]]ын және оның солтүстігін, шығысы мен оңтүстік-шығысын алып жатқан [[мезозой]]-[[кайнозой]] шөгінділерінен құралған тектоникалық құрылым; геоморфология тұрғыдан алғанда солтүстік [[Қызылқұм (шөл)|Қызылқұмға]] жалғасып жатқан ойпат. [[Тұран ойпаты|Тұран плитасының]] құрамына енеді. Ауданы ''350 мың км<sup>2</sup>'' шамасында. Арал ойысының солтүстік-шығысы, [[Тұран]] шығысы, оңтүстігі жайпақ жазық, ал [[Үстірт]]ке жалғасатын батыс жағы тік жарлы болып келеді.

Арал ойысы  солтігінде Торғай ойысының оңтүстік шетімен, шығысында [[Аққырқақұм қыраты]]мен, оңтүстігінде төменгі [[Әмудария]] мегаантиклиналімен шектеседі. Ойыстың оңтүстік-шығысындағы [[Бозкөл]] қырқасы оны шығыс Арал және Тәжіқазған қазаншұңқырларына бөледі.

Арал ойысы табанының жоғары бөлігі [[палеозой]] мен [[Триас дәуірі|триас]] шөгінділерінен түзілген. Оның үстін [[мезозой]] мен [[кайнозой]]дың қалыңдығы 1800 – 2000 м шөгінді жыныстары ([[саз]], [[құмтас]], [[әктас]], [[мергель]]) жауып жатыр. Арал ойысының [[Юра кезеңі|юра]] мен [[Бор (элемент)|бор]] шөгінділерінде [[мұнай]] мен [[газ]], [[палеоген]] жыныстарында қоңыр [[көмір]], [[темір]] кендері кездеседі, сондай-ақ жер асты суының мол қоры бар.
{{clear}}

== Арал флотилиясы ==
[[Сурет:Арал флотилиясы.jpg|thumb|250px|Арал флотилиясы <ref>[http://www.liveinternet.ru/community/2216771/post83180491/, Аральское море: кладбище кораблей]{{Deadlink|date=January 2022 |bot=InternetArchiveBot |fix-attempted=yes }}</ref>]]

19-ғасырдың ортасында [[Ресей|Ресей патшалығы]] [[Орта Азия]] хандықтарының, Арал теңізі мен [[Әмудария]]ның шекараларына жақындай түсуі бұл өңірде порттар салып, Арал флотилиясының құрылуына әкелді. Ең алғашқы әскери «Николай» шхунасы 1847  жылы  Орынборда құрастырылып, Сырдарияның жоғары ағысы арқылы [[Райым]] бекінісіне жеткізілді. 1847  жылы  20 тамызда  шхуна [[Хиуа]] бекінісі жаңа қаланы алу шайқасына қатысты. 1848  жылы  Арал теңізін зерттеу лейтенант А.Бутаков пен прапорщик Поспеловке жүктелді. Олар сапарға «Николай» және «Константин» (1848) шхуналарымен шығып, [[Хиуа хандығы]]на қарайтын Аралдың  [[оңтүстік]] жағалауы мен [[Әмудария]] жағалауларын зерттеді. 1850  жылы  [[Швейцария]]да Маталь зауытында теңізде де, өзенде де жүзетін «Перовский» кемесі мен Обручев баркасы жасалды. 1852  жылы  олар [[Сырдария]] жағалауына жеткізіліп, 1853  жылы  ақпанда суға түсірілді. 1853  жылы  5 маусымда «Перовск» кемесі [[Қызылорда|Ақмешітті]] алуға қатысты. 1856 жылы 5 маусымда Бутаков баржамен [[Әмудария]] арқылы Қоңыратқа жетті. 1873  жылы [[Хиуа жорығы]]на 2 кеме, 3 баркас қатысты. Жалпы Арал флотилиясының құрамында 4 кеме («Самарқанд», «Арал», «Ташкент», «Сырдария»), 11 баркас, 10 баржа және бес сал болды. 1877 – 78 жылы кемелер 4 телім (Қазалы – Перовск, Перовск – Чинар, Қазалы – Қосарал және Қосарал – Николай аралы) аралығында адам, жүк тасымалдады. 1888 жылы «Самарқан» кемесі Перовск қаласы жанында суға батып кетті. 1882 жылы 26 қазанда генерал-адъютант Черняев Арал флотилиясын тарату туралы комиссия құрды. 1883 жылы 7 сәуірде комиссия флотилияны жойды. Арал флотилиясының орнына 1888 жылы Әмудария флотилиясын құрылды.

==Арал қазба фаунасы==
[[File:Diceros bicornis.jpg|thumb|250px|[[Мүйізтұмсық]]]]

Арал қазба фаунасы – Арал теңізінің солтүстік жағалауындағы (Ақеспе елді мекені маңынан) [[олигоцен]] дәуірінің аяқ кезіндегі құрлық шөгінділерінен табылған [[жануарлар]] қалдығы. Қазба жұмыстарын 1930 ж. КСРО Ғылым Академиясының [[Палеонтология]] институты және [[Қазақстан Республикасының Ұлттық ғылым академиясы|Қазақстан Ғылым Академиясының]] [[Зоология]] институты (1952, 1966, 1981, 1990 – 1991 ж.) жүргізді. Қазбадан: [[мүйізтұмсықтар]] (''Paraceratherіum, Aceratherіum, Protaceratherіum, Aprotodon, Gіgantamynodon''), бұғытәрізділер (''Lophіomeryx, Mіomeryx, Prodrematherіum, Amphіtragulus''), [[Кеміргіштер|кемірушілер]] (''Propaleocator, Aralomys, Argіromys, Agіspelagus, Protalactaga, Eumysodon''), бауырымен жорғалаушылар (''Chelonіa, Testudo''), құстар (Anas) қалдықтары табылды. Олар шамамен 25 – 26 млн жыл бұрын ылғалды [[орман]]дар мен [[көл]]ді, батпақты аймақтарда тіршілік еткен. Арал қазба фаунасының жер қабатының [[Геологиялық көнелік|геологиялық салыстырмалы жасын]] анықтауда маңызы зор.
{{clear}}

== Арал теңізінің экологиялық ахуалы ==
[[Сурет:Aral sea.gif|250px|thumb|[[2000]]-[[2011]] жылдардағы спутниктік түсірілім]]

Арал теңізі – Қазақстанның інжу-маржаны, шөл белде-міндегі бірден-бір көгілдір су айдыны еді. Оның апатқа ұшырағанға дейінгі көлемі – 1066 км³, тереңдігі – 30-60 метр, тұздылығы – 10-12% болған. Қойнауы кәсіптік бағалы балықтарға бай, жағасы қоға мен қамысты теңіз еді. Сол кездерде жылына 50-150 мың балық ауланса, теңіз жағасынан едәуір мөлшерде бұлғын терісі игерілген.
Арал өңірінің тұрғындары 1970 жылдарға дейін әлеуметтік-экономикалық тұрғыда жақсы қамтамасыз етілген тіршілік кешті. Теңіз өңіріндегі елді мекендерде 17 балық колхозы, 10 балық өңдейтін зауыт және 2 балық комбинаты тұрақты жұмыс істеген.

1960 жылдардан бастап Арал өңірін игеру қолға алынды. Осы аймақтағы игерілетін жер көлемі бұрынғыдай [[Өзбекстан]] мен [[Тәжікстан]]да 1,5, [[Түрікменстан]]да 2,4, [[Қазақстан]]да 1,7 есеге өсті. Ал Әмудария мен Сырдария бойындағы Халықтың саны 1960-1987 жылдар аралығында 2,2 есеге артты. Халық санының өсуіне орай суға деген қажеттілік те артты. Осыған орай, 1970-1980 жылдар аралығында Аралға құйылатын су мөлшері азайды. Оның негізгі себептері антропогендік факторлар еді. Екі өзен бойындағы суды мол қажет ететін күріш пен мақта өсіру ісі қарқындап дамыды (Шардара).

Оның үстіне ауыл шаруашылығының басқа да салалары барынша дамыды. Өзен бойлары игеріліп, суды ысырапсыз пайдалану жүзеге асты. Мәселен, Арал 1960-1965 жылдар арасында 44 мың м³, ал 1990 жылдары екі есеге қысқарды. Нәтижесінде, Арал теңізінің деңгейі 23 метрге дейін төмендеп, оның су айдыны 30-200 км-ге дейін қусырылды. Судың тұздылығы 40 пайызға дейін артты. Оның үстіне екі өзен бойындағы шаруашылықтарда тыңайтқыштар мен химиялық препараттарды қолдану 10-15 есеге өскен. Осындай антропогендік факторлар Арал өңірін экологиялық апатқа ұшыратты.

Құрғап қалған теңіз түбінен жыл сайын айналаға зияндылығы өте жоғары 2 млн тұзды шаңдар көтеріліп, желмен тарай бастады.

===Арал апатына себеп болған факторлар:===
* жергілікті жердің тарихи-табиғи ерекшеліктерін ескермеу;
* ауыл шаруашылығын дұрыс жоспарламау, судың қорын есепке алмау;
* суды өте көп қажет ететін күріш, мақта дақылдарын барынша көбейтіп жіберу;
* жерді игерудің агротехникалық шараларын сақтамау және суды үнемді пайдаланбау;
* табиғат ресурстарын пайдалануға жіберілген қателіктер мен оны меңгерудің ғылыми тұрғыдан негізделмеуі болып табылады.

[[Сурет:Aralzee.jpg|thumb|180px|left|Серіктік суреттер: сол жақта - 1989; оң жақта - 2003 жж.]]

Осы аталған фактілер Арал теңізі экожүйесіндегі тіршілік атаулыны экологиялық дағдарысқа әкелді. Бұл жағдайлар адам баласының қолдан істелген қателігі ретінде дүние жүзіне белгілі болды.
Арал өңірінде туындап отырған қазіргі экологиялық апаттар нышаны жыл өткен сайын теңіз суын тарылтуда. Оның фаунасы мен флорасы жойылып бітуге жақын. [[Топырақ]]тың тұздануы өте жылдам жүруде. Арал теңізінде балық өсіру шаруашылығы тоқталып, соңғы 1-2 жылда ғана қайта қолға алынды. Ондағы тұрғындардың әлеуметтік жағдайы төмендеп кетті. Теңіз түбінен көтерілген улы тұздың мөлшері жылына 13-20 млн т деп есептеледі. Тіптен, тұзды шаңдар әсері сонау Орта Азия республикалары аумағына жетіп, ауыл шаруашылығына зардабын тигізуде. Топырақтың тұздануы Өзбекстанда – 60%, Қазақстанда – 60-70%-ға артып отыр. Мұның өзі жалпы [[шаруашылық]]а зиянын тигізуде. Арал өңіріндегі климаттың өзгеруі [[шөл]] белдемінің табиғи ландшафтарын бірте-бірте күрделі әрі қайтымсыз антропогендік экожүйелерге қарай ығыстыруда.

Арал өңіріндегі антропогендік факторлар ондағы тұрғындардың салт-дәстүріне, [[экономика]]лық-әлеуметтік жағдайына тікелей әсер етуде. Жұмыссыз қалған балықшылар әлеуметтік жағынан қорғаусыз қалып, басқа аймақтарға еріксіз қоныс аударуда.

Қазіргі арал өңірінде адамдардың денсаулығы күрт төмендеп кетті. Бұл өңірде соңғы мәліметтер бойынша туберкулез, бүйрекке тас байлану, сарысу, өкпе-тыныс өңірімен салыстырғанда жоғары көрсеткішті беріп отыр.

[[Қазақстан|Қазақстан Республикасы]] Президентінің 2003 жылғы 3 желтоқсандағы №1241 Жарлығымен мақұлданған ҚР-ның 2004-2015 жылдарға арналған экологиялық қауіпсіздігі тұжырымдамасында атап көрсеткендей, экологиялық қауіпсіздіктің негізгі міндеттерінің біріне экологиялық апат аймақтарын, әскери-ғарыш полигондары мен сынақ кешендерін оңалту жатады. Міне осы айтылған жәйттердің бәрі біздің өңірден тиісті өз орындарын алады. Мысалы, Арал апат аймағын, «[[Байқоңыр (ғарыш айлағы)|Байқоңыр»]] ғарыш аймағын және қауіпті «Возрождение» аралын бұған жатқызуға әбден болады. Демек, бұлардың қолайсыз экологиялық зардаптарының өңір халқының денсаулығына айтарлықтай зияндарын тигізіп келеді. Жеке тоқтап айтар болсақ, Арал өңірі экологиялық аймағында (186,3 мың халық бар 178 елді-мекен) тұрады. Сондай-ақ бұл өңір тұрғындарында ішек-қарын аурулары мен қан аздығы, әсересе әйелдер мен балалар арасында балалар өлімі мен туа біткен аурулар және балалардың жүйке аурулары көбею үстінде. Мысалы, облыста 2001-2003 жылдар аралығында 1408 бала алғаш тер мүгедектігіне куәландырылды. Демек, балаларды мүгедектікке шалдықтырып отырған негізгі аурулардың ішінде белді орынды жүйке (нерв жүйесі) аурулары иеленеді. Өткен жылы куәландырылған 355 баланың 104-і (29,9)  ал қайта куәландырылған 1186 баланың 364 (30,6%) осындай науқасқа шалдыққан. 2002 жылы бұл көрсеткіш 458 баланың 108-і (23,5%), қайта куәландырылған 1293 баланың 433-ін (33,4%) құраған-ды. Сондай-ақ өткен жылы алғаш рет 84 бала ақыл-есі кем балалар санатына жатқызылса, қайта куәландырылғандардан өткен жылы 250 бала (2002 жылы-317) осы дертке шалдыққан. Ал, былтыр 62 бала (2002 жылы – 98) бала туа бітті кемтарлыққа ұшыраған. Олблыс бойынша жалпы мүгедек балалардың 2003 жылы 1541 баланың 468-нің (2002 жылы – 1751 баланың 541) [[жүйке ауруы]]на шалдыққаны анықталды. Демек осы науқастың түрі балалар арасында жылдан-жылға етек алып еледі.

Жалпы, адам үшін бірінші байлық – [[денсаулық]]. Сондай-ақ, ертеңін ойлаған әрбір ел алдымен халқының саулығын, ұрпағының салауатты өмр сүруін қадағалайтынын әркез естен шығармағанда абзал. Сонымен бірге өңірде іш сүзегімен ауыратындар саны 7 есеге өскен. Сол сияқты қоршаған ортаның лакстануынан аймақта жүрек-тамыр және [[онкология]]лық ([[обыр]]) аурулары әлдеқайда жиі кездеседі. Демек, бұларды ғаламшар тұрғындарын өлім-жітімге душар ететін, осы заманғы бірінші орындағы аурулар десе де болады. Жалпы, планетадағы көлдердің арасында көлемі жағынан төртінші орынды иеленетін Арал теңізі бұл күндері жер бетінен біржолата жоғалу үстінде. Өйткені, бұрынғыдан 66 мың шаршы шақырымға жуық қана су айдыны қалып отырған сияқты. Ғалымдар теңіз 2015 жылдары жер бетіне толық жойылады деп отыр. Ал, Арал өңіріндегі экологиялық апат адам өміріне жыл өткен сайын өте қауіп төндіруде. Өйткені, республика территориясында алғаш теңіз жағалауы 100 шақырымнан артық қашықтап, кіші арал оқшаулана бастаған шақта, сол құрғаған теңіз ұлтанынан тұзды шаң көлемді аймаққа тарала бастаған сәтте Ю.У. Новиковтың деректеріне қарағанда Арал табанынан кезінде жылына 72 млн. Тонна тұз дүние жүзіне шаң болып тарап, ал Арал өңірінде әрбір гектар жерге 700 кг тұз аспаннан жауатынын дәлелдеген. Міне, осыған орай бұл күндері теңіздің 70-80 пайызы жалаңаштанып құрғаған теңіз табанынан жан-жаққа тарап ұшатын әлгі тұз шаңының көлемін есептеп шығу қиынға соқпайды. Демек, бұл күндері әлемнің түкпір-түкпіріне жылына орта есеппен теңіз табанынан 290 млн. Тоннаның үстінде тұз-шаң тарап жататыны белгілі болды. Қазіргі деректер бойынша Арал теңізіндегі тұздың жалпы массасы 10,7-ден 11,4 млрд тоннаға жетті. Аралдың тұзы таза табиғи тұз емес, құрамында [[тыңайтқыштар]] мен [[гербицидтер]]інің қалдықтары, [[гексохлоран]] сияқты аса қауіпті [[химикаттар]] ондаған жылдар бойы Сырдария мен Амудария ағынымен ілесіп, теңізге құйылады.

==Арал экологиялық дағдарысы==
[[Сурет:Aralship2.jpg|thumb|left|Тастанды кеме]]
[[Сурет:AralShip.jpg|thumb|Арал теңізіндегі тастанды кемелер]]
Арал экологиялық дағдарысы — адам қарекетінің әсерімен болған [[экологиялық дағдарыс]]тың неғұрлым айқын мысалы, Арал теңізі экологиялық жүйесінің құлдырауы.

Соңғы ондаған жылдар бойында халық санының көбеюі, суармалы жерлер аумағының 2-3 есе ұлғайтылуы, [[Арал алабы]]нда су тұтынудың едәуір артуы теңіз деңгейінің апатты түрде төмендеуінің негізгі себебі болды. [[Әмудария]] мен [[Сырдария]] сулары ағымының күрт азаюы (''1960 жылдардағы 50—60 км<sup>3</sup>-ден 1990 жылдардағы 5-7 км<sup>3</sup>-ге дейі''н) садцарынан оның деңгейі 1960 жылғы 53 метрден 1987 ж. ''40,3 метрге'' дейін жоне 1992 ж. 3''7,2 метрг''е дейін төмендеді.

1990 жылдардың басында теңіз айдынының ауданы ''45%''-дан астам кішірейіп, судың көлемі'' 65%''-ға кеміді, судың тұздылығы 3 еседен астам артты. Суы тартылған ''30 мың шаршы'' километрден астам орасан зор аумақ тұзды шөлге айналып, одан жылына ''40 млн'' тоннадан ''150 млн'' тоннаға дейін тұзды жел көтеріп теңізден мындаған шақырым шалғайға дейін тарап жайылатын болды. Арал төңірегінде [[антропогендік шөлдену процесі]] жедел өршіп, бұл орайда климаттың континенттенуі күшейді, шанды дауылдар жиілеп, топырақ қабаты, өсімдік жамылғысы күрт нашарлады, балықты айтпағанның өзінде, ауыл шаруашылығы дақылдарының түсімділігі мүлдем азайды. [[Жайылым]]дар мен [[шабындық]]тардың өнімділігі азайып, дәрі-дәрмектік өсімдіктер қоры кеміді. Табиғи орта сапасының нашарлауы салдарынан жергілікті халықтың денсаулығына қауіпті төтенше экологиялық, әлеуметтік- экологиялық және санитариялық- эпидемиологиялық жағдай қалыптасты.

== Теңізді құтқарудағы болжамдар ==
[[Сурет:Aral 1960 2010.gif|thumb|250px|Арал теңізінің 1960-2010 ж.ж. аралығындағы көрінісі]]
Арал теңізінің болашағы дүние жүзі халықтарын толғандыруда. Оның бір жолата жойылып кетуі Орта Азия мен Қазақстанды ғана емес көптеген Шығыс елдеріннің тыныс-тіршілігіне өзгерістер әкелмек. Ал әлемдік [[климат]]тың өзгеруі, шөлге айналу, [[атмосфера]]дағы ауытқушылықтар, антропогендік [[Экологиялық жүйе|экожүйелердің]] тұрақтсыздығын тудырады. Арал мәселесі соңғы 10 шақты жылда географ және эколог ғалымдар арасында жиі-жиі пікірталастар туғызуда. Арал мәселесі туралы халықаралық [[конференция]]лар ұйымдастырылды. Өркениетті елдер, халықаралық қоғамдастықтар қаржылай көмек көрсетуде. Олар негізінен Орта Азия республикалары, [[Ресей]], [[Америка Құрама Штаттары|АҚШ]], [[Жапония]], т.б. мемлекеттер. Қазақстан жағы өз тарапынан тым құрыса [[Солтүстік Арал теңізі|Солтүстік Аралды]] сақтап қалу үшін көптеген жұмыстар атқарды. Екіге бөлінген теңіздің Қазақстандық аймағындағы [[Солтүстік Арал теңізі|Солтүстік Аралдың]] деңгейі баяу болса да көтереліп келеді. 
Арал теңізін қалпына келтіріп жандандыру жөніндегі бірнеше ғылыми болжамдар мен жобалар бар. Олар:

# [[Сібір өзендерін Қазақстанға бұру]].
# [[Әмудария]] мен Сырдария өзендерінің суын реттеу арқылы суды молайту.
# Арал теңізін жартылай сақтап қалу.
# Каспий теңізінің суын жасанды канал арқылы әкелу.
# [[Жер асты суы|Жер асты суларын]] пайдалану.
# Арал теңізінің өздігінен табиғи ретттеулерін немесе толысуын күту.<ref>[http://temakosan.net/load/referaty_na_kazakhskom/ehkologija/aral_te_izi_zh_ne_ehkologijasy/19-1-0-4389 Образовательный сайт Казахстана, Арал теңізі және экологиясы, Temakosan] {{Webarchive|url=https://web.archive.org/web/20120505193152/http://temakosan.net/load/referaty_na_kazakhskom/ehkologija/aral_te_izi_zh_ne_ehkologijasy/19-1-0-4389 |date=2012-05-05 }}</ref>

Әрине, бұл жобалар болашақтың ісі болғанымен, уақыт талабы оны күттірмейді. Бәрі де қаражатқа кірелуі мүмкін. Ал оның іске асуы адамзат қауымының білімі мен біліктілігіне байланысты екені анық.

Қазіргі кезде аралды құтқаруда бағытында батыл да жоспарлы түрде ғылыми негізде жұмыстар жасалуда. «Арал тағдыры – адам тағдыры» болғандықтан, ғажайып су қоймасын оны сақтап қалу қазіргі ұрпақтың болашақ алдындағы борышы.<ref name="source1">«Қазақстан»: Ұлттық энциклопедия / Бас редактор Ә. Нысанбаев – Алматы «[[Қазақ энциклопедиясы|Қазақ энциклопедиясы»]] Бас редакциясы, 1998 жыл. ISBN 5-89800-123-9,  I том</ref>

== Арал теңізін сақтау және қалпына келтіру шаралары ==

=== Арал теңізі мәселелері жөніндегі келісім ===
Арал теңізі мәселелері жөніндегі келісім – Қазақстан Республикасының Президенті [[Нұрсұлтан Әбішұлы Назарбаев|Нұрсұлтан Назарбаевтың]] ұсынысымен [[Орталық Азия]] елбасыларының 1993 жылдың қаңтарында [[Ташкент]]  қаласында  қабылдаған шешімі бойынша 1993 жылғы 26 наурызда [[Қызылорда]]  қаласында  өткен Арал теңізі мәселелері жөніндегі 1-конференцияда жасалған келісім. Ол «Арал теңізі және [[Арал аймағы]] мәселелерін, экологиялық сауықтыруды, аймақтың әлеуметтік – экономикалық дамуын қамтамасыз етуді бірлесіп шешетін ортақ шаралар туралы Келісім» деп аталды. Келісімге Қазақстан Республикасының Президенті Н.Ә. Назарбаев, Қырғыз Республикасының Президенті Ақаев, [[Тәжікстан]] Республикасы Жоғарғы  Кеңесінің төрағасы Э.Ш. Рахмонов, [[Өзбекстан]] Республикасының Президенті И.А. Каримов, [[Түрікменстан]] Президенті С.А. Ниязов қол қойды.

Келісімнің арнайы баптарында Арал теңізі айдынындағы экологиялық дағдарысқа байланысты негізгі мәселелер нақтылы қаралды. Апаттың алдын алуға, қоршаған ортаны сауықтыруға және Арал аймағының әлеуметтік – экономикалық дамуын қамтамасыз ететін, денсаулық сақтау, тұрмыстық қажеттіктерді өтейтін істерге тікелей назар аударылды. Келісімді орындаудың алғашқы шарты есебінде [[Халықаралық Арал қоры]], Арал теңізі мәселелері жөніндегі мемлекетаралық кеңес құрылып, олардың ұйымдық мәселелері шешілді. [[БҰҰ]]-ның Бас хатшысына  [[Орталық Азия]] елбасыларының атынан [[Үндеу]]хат жолданды. Онда Аралды сақтап қалуға, [[Арал]] аймағының келелі мәселелерін шешуге арналған шараларға дүниежүзілік қауымдастықтың назары аударылды.

=== Арал теңізі мәселелері жөніндегі мемлекетаралық кеңес ===

Арал теңізі мәселелері жөніндегі мемлекетаралық кеңес'– [[Арал]] мәселелерімен айналысатын [[Орталық Азия]] елдері ([[Қазақстан]], [[Өзбекстан]], [[Қырғызстан]], [[Түрікменстан]]) Елбасылары кеңесінің атқарушы органы. 1993 ж. 26 наурызда [[Қызылорда]] қаласында құрылған. Кеңеске Орталық Азияның әр республикасы үкімет басшыларының орынбасарлары бастаған 5 адам және бақылаушы ретінде [[Ресей|Ресей Федерациясының]] өкілдері енді. Мемлекетаралық кеңесті әр жылда Орталық Азия елдерінің біреуі [[алфавит]] тәртібі бойынша кезекпен басқаратын болып шешілді.<ref name="source1"/>

Алғашқы кезек [[Өзбекстан|Өзбекстан Республикасына]] берілді. Кеңес өзінің атқарушы комитетін, су мәселелері жөніндегі әлеуметтік-экономикалық, ғылыми-техникалық және экологиялық даму жөніндегі комиссияларын бекітті. "Сырдария" және "Әмудария" алабының су шаруашылығы басқармаларын Кеңестің су моселелері жөніндегі комиссиясы басқаратын болды. Кеңес өз жұмысын "Халықаралық Арал қорымен" және [[Дүниежүзілік банк]]пен бірлесе отырып жүргізеді.<ref>[http://kaz.gazeta.kz/art.asp?aid=82503 Gazeta kz, Арал теңізінің мәселелері жөніндегі арнайы кеңес,]{{Deadlink|date=January 2022 |bot=InternetArchiveBot |fix-attempted=yes }}</ref>

=== Арал теңізін сақтау жөніндегі халықаралық шаралар ===

Арал теңізін сақтау жөніндегі халықаралық шаралар, Арал апатынан зардап шеккен елдер басшыларының іс-қимылдарына көмектесуге бағытталған алғашқы халықаралық келісім ''1990'' жылдың ''24–26'' қаңтарында [[Біріккен Ұлттар Ұйымы|БҰҰ]]-ның қоршаған орта Бағдарламасының ([[ЮНЕП]]) ұсынысымен жасалды.

Бұл халықаралық [[құжат]] «Арал теңізін сақтауға арналған нақтылы іске дайындыққа қатысу» деп аталды. ''1990'' жылғы ''11–12'' қарашада Хаттамаға қол қойылып, келісім заңды түрде бекітілді. Келісім бойынша дүниежүзілік дәрежедегі оқымыстылар мен [[маман]]дардың қатысуымен «Диагностикалық құжат» жасалды. Бұл үлкен ғылыми-тәжірибелік зерттеу [[Арал апаты]] кеселінің бетін ашып берді, нақтылы іске бағдарлама жасауға себін тигізді. «<br />
[[Диагностика]]лық [[құжат]]» ''1992'' ж. ''4'' тамызда ЮНЕП-тің басқаруымен [[Женева]] қаласында бекітілді, оған [[Қазақстан]] Республикасы атынан Ұ.Қараманов, К.Салықов, Н.Мұқитанов қол қойды. Келесі сатыда Дүниежүзілік [[Банк]] пен ЮНЕП, [[ПРООН]], [[ЮНЕСКО]], т.б. мекемелер қосыла отырып, Орталық Азия елдерінің мемлекетаралық кеңесінің және халықар. Арал қорының басшылығымен «Арал теңізі мәселелеріне нақтылы көмек бағдарламасын» іске қосты. Бұл тарапта ''7'' бағдарлама, ''18'' жоба жасалып, ауқымды жұмыс қолға алынды.<ref>«Қазақстан»: Ұлттық энциклопедия / Бас редактор Ә. Нысанбаев – Алматы «[[Қазақ энциклопедиясы|Қазақ энциклопедиясы»]] Бас редакциясы, 1998 жыл. ISBN 5-89800-123-9,  IV том</ref>

== Арал-Сырдария алабының су ресурстары ==

Арал-Сырдария алабының су ресурстары (''Водные ресурсы Арал-Сырдарьинского бассейна'') — [[Сырдария|Сырдария өзенінің]] алабы ''39° 23'—46''° солтүстік ендік пен'' 61°-78°—24''° шығыс бойлық бойында орналасқан. Солтүстіктен оңтүстікке қарай ''800 км''-ге, Батыстан Шығысқа қарай ''1600 км''-ге созылып жатыр. Жалпы өзен жүйесінің ағысынан арнасы бойынша ең шеткі нүктесіне дейін —'' 3019 км''. Өзен Орталық Азияның төрт мемлекетінің (''[[Қазақстан]], [[Қырғызстан]], [[Өзбекстан]], [[Тәжікстан]]'') аймағын басып өтеді. Оның алабында ұзындығы ''10 км''- ден асатын ''497'' тұрақты өзен бар. Бұлардың жиынтық ұзындығы — ''14750 к''м. Өзеннің су жинау алабының ауданы — ''462 мың км<sup>Superscript text</sup>2''. Антропогендік факторлардың сипатын анықтайтын алабының негізгі ерекшелігі — оның аумағының қалыптасу зонасы ағынды пайдалану немесе "таралу" зонасына бөлінуі.

Алаптың жазықтық бөлігін алып жатқан каналдар желісінің көмегімен тауларда қалыптасқан ағын аумақ бойынша таралады, содан кейін барып транспирацияға және жер асты суларының қорын толықтыру үшін сейіледі. Сонымен бірге тарамданған кәріздеу және коллектрлеу желісінің құрылысы ағындыны табиғи гидрографиялық желіге жоне көптеген табиғи төмендеген жер бедеріне жинауға мүмкіндік тудырады. Осының нәтижесінде табиғи ыңғайлы жағдайда ағынның сейілу зонасы мелиорация құрылысының кейбір этаптарында оның қайтадан қалыптасу зонасы болуы мүмкін.

=== Табиғат жағдайы ===
Табиғат жағдайының әр түрлілігі өзен алабын бірнеше бөліктерге бөлуде анықтаушы факторлар болып табылады. Сырдария өзені алабы жазық аумағының климаттық жағдайы жазда ауа температурасының жоғарылығымен, ұзақ жылы кезеңмен сипатталады. Негізінен қыс, коктем мезгілінде жауатын атмосфералық жауын-шашынның аздаған ғана мөлшері қолдан суландыруды қажет етеді. Соңғы уақытқа дейін Арал теңізіне суы толық екі ірі өзен — Сырдария мен Әмудария өзенінің суын бұрып әкету, суармалау мен суландыруға пайдалану бұл өзендердің гидрологиялық режіміне әсер етіп қана қоймай, Арал теңізі алабының экологиялық жағдайын тудырды. Арал маңының барлық аумағында жауын-шашын жеткіліксіз.

Жазда мұнда бірнеше ай бойы жауын-шашын мүлде түспеуі мүмкін. Мұнда оңтүстікте жылдық жауын-шашынның орташа мөлшері — ''90 мм'', ал солтүстікте — ''125 м''м. Қазақстан аумағынан шыққан кезде Сырдария өзеніне Келес, Арыс өзендерінің солтүстік жағасының салалары құяды. Оның барлық су жинау алабының ауданы — ''462000 км<sup>2</sup>''.

[[Шу]], [[Сарысу (өзен)|Сарысу]], [[Талас (өзен)|Талас]] және т.б. өзендердің бұрын Сырдария өзеніне кұйғаны анықталған. Ал казір олардың сулары оған жетпейді. Сырдария алабы ең негізгі артериясын Қазақстан шегінен алып жатқан Қарадария және Нарын өзендерінің қосылуынан алады. Олар Тянь-Шань тау жүйесінің қар мен мұздығынан мол қоректеніп ағады. Суы молы — Нарын, бұл өзенмен бірге Сырдария 2900 км ұзыңдықта, осы екі өзеннің суын қосып алған соң, Сырдария солтүстікте — [[Шатқал]], оңтүстікте — Түркістан беткейінің аралығында кең жайылған Ферғана аңғарымен (300 км аса) ағады. Аңғардың оңтүстік шетінде Үлкен Ферғана, ал солтүстік шетінде Солтүстік Ферғана каналы тартылған. Өзен аңғардан шыққан кезде Моғалтау жотасының Ферхад аласа тау жотасы сілемін қиып өтеді. Осы жерде ол Ферхад ГЭС-ы салынған Бекабад шоңғалын қалыптастырады.

Ағыс бойынша жоғарыда бөгенмен бірге Қайраққүм ГЭС-ы орналасқан. Осы өзеннен Киров атындағы, Дальверзинский және Голодностепной бас каналдары тартылған. Соңғысы дала жазығымен ''150 км'' қашықтыққа созыла келе, [[Қазақстан]] аумағына енеді. Бұдан кейін тағы да ''1000 км''-дей аға отырып, Арал теңізіне құяды. Сырдарияның төменгі ағысы Қазақстан аумағында Қызылорда облысымен'' 218,4 мың км²'' аудан түзеп құлай ағады. Сырдария өзен жүйесі Нарын, Қарадария, Келес және Арыс, сондай-ақ, солтүстік жағадағы шағын өзендерінің ағысын қосып алады.<ref>Қазақ тілі терминдерінің салалық ғылыми түсіндірме сөздігі. Су шарушылығы. – [[Алматы]], Мектеп, 2002.</ref>

==Бұрынғы порттары==
[[Сурет:Барсакелмес.jpg|thumb|250px| [[Барсакелмес]] аралы]]

* [[Арал (қала)|Арал]] (Қазақстан);
* [[Мойнақ]] (Өзбекстан);
* [[Қазақдария]] (Өзбекстан).

==Бұрынғы аралдары==
# [[Возрождение аралы]];
# [[Барсакелмес]];
# [[Көкарал]];
# [[Ақбасты]];
# [[Жыңғылдыарал]];
# [[Көзжетпес]];
# [[Манас аралы]];
# [[Қасқақұлан]];
# [[Қосарал]];
# [[Ұзынқайыр]];
# [[Ұялы аралы]].
# [[Константин аралы]]

== Арал теңізі трагедиясының тақырыбы өнерде ==
* Өзбек жазушысы Джонрид Абдуллахановтың «Борса-Келмас» роман-трилогиясы (1978).
* Александр Сидельниковтың режиссерлігімен түсірілген «Компьютерлік ойындар» деректі фильмі («Леннаучфильм», 1987 ж. «Ника» (киносыйлық, 1989 ж.)).
* «Ине» фильмінде (режиссері Рашид Нұғманов, «Қазақфильм», 1988) басты кейіпкер Моро (Виктор Цой) өзінің сүйіктісін есірткі проблемаларынан Арал теңізінің таяз аймағына алып кетеді. Бұл фильм КСРО-да Арал теңізінің қайғылы тағдырын көтерген алғашқы фильм болды.
* «Иттер» көркем фильмі Арал теңізінің кебуі нәтижесінде пайда болған адам мен табиғат арасындағы қайғылы қарым-қатынасты ашады (режиссері Дмитрий Светозаров, «Панорама студиясы», 1989).
* 2001 жылғы алғашқы қазақ рок-операсы «Тақыр», режиссері Насер Құлсариев.
* 2013 жылы Бахтиёр Худойназаровтың «Теңізді күту» көркем фильмі.
* Джеймс Роллинздің «Құдайдың көзі» романы (Sigma Force сериясы), 2013.
* «Ертең теңіз» (2016) - Катерина Суворованың Арал теңізінің бұрынғы жағалауындағы қазіргі тұрғындардың төрт өмірлік оқиғасына негізделген деректі фильмі.
* Поляк режиссері Марцин Саутердің қысқаметражды деректі фильмі «Жалаңаш: Бос жағалау» (2017).
* Қазақ жазушысы Роллан Сейсенбаевтың «Өлілер құмда адасып жүр» (1991) романы.
* Теңіз поэмасы. — Лиана Алавердова. Эмигранттар дәптері. Нью-Йорк: Александрия, 2004, 27–32 беттер.
* MetronomeFilm компаниясының қысқаметражды анимациялық фильмі «Қазақ бесік жыры» (2015).
* Қазақ жазушысы Бекнұр Қисықовтың «Я тебя...More» романы (2019).
* Қанат Бейсекеевтің «Соңғы кеме» деректі фильмі (2020).
* Суретші және режиссер Антон Гинзбург өзінің «Теңізде серуендеу» жобасын Арал теңізіне арнады, ол 2022 жылы Өзбекстанның ресми ұлттық павильонында өткен 59-шы Венеция биенналесінде ұсынылды.

== Қызықты айғақтар ==

* Аралабад кеңес курортты қаласы “[[Syberia]]” компьютерлік ойынында, атауына қарағанда Арал теңізінде орналасқан.
* Рашид Нығмановтың [http://ru.wikipedia.org/wiki/Игла_(фильм,_1988) «Ине»] ( Игла)  киносында басты кейiпкерлер (Цой, Смирнова)  Арал теңізіне барады.
* Арал теңiзiнiң таязданған түбiнде екi қоныс пен кесенелердiң қалдықтары табылған (солардың бірі [[Кердері кесенесі]]) <ref>[http://www.time.kz/index.php?newsid=1148 Аральская Атлантида]</ref>.
* [http://ru.wikipedia.org/wiki/Псы_(фильм) «Иттер»] ( Псы)  киносы (рөлдерде Андрей Краско, Юрий Кузнецов, Михаил Жигалов және б.)  Арал теңізінің құрғау нәтижесінде туындаған адам мен табиғаттың арақатынастарының трагедиясын ашып көрсетеді. Бұл кинода экспедиция аңшыларының, кезінде толы өмір мен су, ал қазір Арал теңізінің жағасындағы тастанды қалаға қасқыр-жалмауыздарды ату үшін баруы туралы айтылады.
* «[[Call of Duty: Black Ops]]» компьютерлік ойынында басты кейіпкер белгілі бір тапсырманы орындау барысында Арал теңізінің аралдарының біріне түсіп қалады.
* «[[X-Men: First Class]]» киносында Арал теңізімен аттас кеменің атауы жайлы айтылады.<ref name=source2>[http://ru.wikipedia.org/wiki/Аральское_море Орыс уикипедиясы, Аральское море]</ref>

<gallery style="margin:auto;">
Image:Aral Sea.gif|Арал теңізінің тартылуы.
Image:Aral sea 1985 from STS.jpg|Арал теңізі ғарыштан, Тамыз 1985
File:AralSea(1997)_NASA_STS085-503-119.jpg|Арал теңізі ғарыштан, 1997
Image:Aral Sea Continues to Shrink, August 2009.jpg|Арал теңізі ғарыштан, Тамыз 2009
</gallery>

==Тағы қараңыз==
* [[Арал апаты]]

== Дереккөздер ==
{{дереккөздер}}

== Сыртқы сілтемелер ==
{{commons|Aral Sea|Арал теңізі}}
* [http://www.cawater-info.net/ca/index.php?option=com_content&view=article&id=89:2008-09-04-11-08-38&catid=1:doc-kaz&Itemid=27/ Декларациялар] {{Webarchive|url=https://web.archive.org/web/20160312162104/http://cawater-info.net/ca/index.php?catid=1%3Adoc-kaz&id=89%3A2008-09-04-11-08-38&itemid=27%2F&option=com_content&view=article |date=2016-03-12 }}
* [http://www.parlam.kz/eng/SiteDep/Abenov/News/Razdel4/News1554/ АРАЛ ТЕҢІЗІ ЖӘНЕ БАЛЫҚ ШАРУАШЫЛЫҒЫ]{{Deadlink|date=January 2022 |bot=InternetArchiveBot |fix-attempted=yes }}
* [http://www.kitaphana.kz/ka/downloads/referatu-na-kazakskom/244-ekologia/3004-aral-tenizi.html  Арал теңізі және экологиясы]
* [http://www.aralvision.unesco.kz/ Водное видение бассейна Аральского моря.]{{Deadlink|date=June 2025 |bot=InternetArchiveBot |fix-attempted=yes }} Информация [[ЮНЕСКО]]
* [http://www.ec-ifas.org Международный фонд спасения Арала]
* [http://www.kazpravda.kz/index.php?uin=1152520370&act=archive_date&day=28&month=4&year=2005 Большие перспективы Приаралья]
* [http://www.ferghana.ru/article.php?id=5782 Водные проблемы возникают из-за «несоответствия интересов верховий и низовий»]
* [http://www.ntsomz.ru/projects/eco/econews_271108_beta Мониторинг падения уровня Аральского моря] {{Webarchive|url=https://web.archive.org/web/20141031093855/http://www.ntsomz.ru/projects/eco/econews_271108_beta |date=2014-10-31 }}

{{Таңдаулы мақала}}

[[Санат:Арал теңізі]]
[[Санат:Қызылорда облысы көлдері]]
[[Санат:Тұзды көлдер]]
[[Санат:Қарақалпақстан көлдері]]
[[Санат:Бұрынғы көлдер]]
[[Санат:Ақтөбе облысы көлдері]]