Менің атым Қожа (повесть) бетінің бастапқы мәтінін қарау

{{мағына|Менің атым Қожа (фильм)}}
'''"Менің атым Қожа"''' — [[1957 жыл]]ы жазылған, қазақ [[балалар әдебиеті]]нің озық туындыларының бірі саналатын повесть. Авторы – [[Бердібек Ыдырысұлы Соқпақбаев|Бердібек Соқпақбаев]]. 

Ол [[орыс тілі|орыс]], [[украин тілі|украин]], [[француз тілі|француз]], [[литва тілі|литва]], [[латыш тілі|латыш]], [[өзбек тілі|өзбек]] тілдеріне аударылды. 

1963 жылы "Қазақфильм" студиясы осы кітап бойынша жазылған киносценарийді экранға шығарды.

== Қысқаша мазмұны==
Повесте кішкентай Қожаның мектеп жасындағы бастан кешкен әр түрлі қызықты оқиғалары жайлы баяндалады. Ол қанша бұзықтық жасаса да жақсы адам болуға талпынысы бар. Өзінің  жасаған бұзықтығының бәрі  әкесіз өскендігінен деп ойлайды. Қожа өзінің мінезін, тәртібін  өзгертуге тырысады.
Әңгімеде Қожаның балалық махаббаты да үлкен рөл ойнайды. Ол сыныбындағы үлгілі, тәртіпті әрі сабағын үздік оқитын Жанар деген қызды жақсы көреді. Тіпті кей кездері Жанарға арнап өлең де шығарады. Жанарды әрқашан көргісі келіп тұрады. Қожа жазушы болуды армандайды.

== Шығарма кейіпкерлері==
*'''Қожа''' — Шын аты Қожаберген. Бір сыныпта екі Қожа болғандықтан, шатастырмас үшін оны "Қара Қожа" деп атайды. Кейде келемеждеп, «Қара Қожа» деудің орнына «Қара Көже» дейді. Фамилиясы Қадыров. Бір кезде «Қадырұлы» деп те жазып жүрді. Шашы қайратты. Бойы - орта бойлы, әжесі "әкең тәрізді сұңғақ боласың" дейді. Мектепте дәрігер өлшегенде бір жүз отыз тоғыз сантиметр шыққан. Жасы он екіде. Бесінші сыныпты бітірген. Арманы: оқу бітіріп, ер жету, университетке түсу. Жазушы болу.
*'''Жанар''' — Қожамен бірге оқиды. Қожаның ойынша "кластағы ең бір ақылды қыз. Сұлу."  Дауысы әдемі, ән салады. Басына үкілі тақия киіп, мың бұралып «Қамажайға» билейді. Өнерлі қыз. Сыныптағы бірінші үздік оқушы.
*'''Сұлтан''' —  ол Қожаның жан досы. Бойы ұзынша арық келген жігіт. Қожадан екі-үш жас үлкен. Әкесі Сүгір жылқы бағады. Бірақ ол біраз жыл бұрын оқуды тастап кеткен және жаман қылықтарға әуес.
*'''Қаратай''' — көрші колхоздағы комбайншы. Қаратайдың әйелі дүние салған. Ол Қожаның анасына үйленбекші. Қожа оны жек көреді.
*'''Жантас''' — Ол Қожамен бір сыныпта оқиды. Жантас пен Қожа бір бірін ұнатпайды. Себебі Жантас Қожаны үнемі «''Қара көже''» деп мазақтайды және екеуі де Жанарды ұнатқандықтан үнемі сөзге келіп қалады. Сол себепті өз сыбағасын алады.
*'''Майқанова''' — Қазақ тілі пәнінің мұғалімі (Майқанова Сәбира). Қожа оқитын сыныптың жетекшісі. Ол адамгершілігі мол әрі ақылды ұстаз.
*'''Әжесі''' — Қожаны қанаттыға қақтырмай, тұмсықтыға шоқтырмай қызғыштай қорғап өсіреді. Өзінің ерке немересін еш жамандыққа қимайтын жанашыр жан.
*'''Анасы''' — Қожаның анасының аты — Миллат. Ол ақылды, тәрбиелі адам. Ауылдың үлкен-кішісінің бәрі бірдей алдынан қия басып өтпей, хан көтеріп, құрметтеп тұрады. Екі бірдей сайлауда қатарынан аудандық советке депутат етіп сайланған.
*'''Сәйбек қарт''' — Мектеп күзетшісі. Ол Қожаның әкесі Қадырдың досы, әкесі туралы көп білетін әрі Қожаға ақыл айтқан кісі. 
*'''Оспанов''' — зоология пәнінің мұғалімі. Қожаның жақсы көретін мұғалімдерінің бірі. Ол Қожаның әкесінің көзі тірі кезіндегі жан досы болған.
*'''Жақанов''' — Қожаның сыныптасы.
*'''А.Михайловна''' — Толық аты: ''Анфиса Михайловна''. Орыс тілі пәнінің мұғалімі. Қожаның айтуынша, "мұғалімдердің ішіндегі алтын адам".  
*'''Сүттібайдың Қожасы''' — Қожаның сыныптасы. Сүттібайдың үлкен баласы. Бір сыныпта екі Қожа болғандықтан, шатастырмас үшін оны өңіне қарап "Сары Қожа" деп атайды.

== Тағы қараңыз ==
# [[Бердібек Ыдырысұлы Соқпақбаев|Бердібек Соқпақбаев]]
# [[Менің атым Қожа (фильм)]]

== Дереккөздер ==
<references/>
== Сыртқы сілтемелер ==
#[http://www.azattyq.org/content/Kazahstan_cinema_kozha_nurlan_segizbayev/1619721.html Нұрлан Сегізбаев: "Менің атым Қожада" мен өзімді-өзім ойнадым] 
#[http://ikitap.kz/kk/content/menin-atym-kozha Менің атым Қожа]
[[Санат:Қазақ әдебиеті]]
[[Санат:Балалар әдебиеті]]