Алкендердің алынуы және қасиеттері бетінің бастапқы мәтінін қарау

Алкендер [[химия|химиялық]] белсенді болғандықтан табиғатта өте сирек кездеседі. [[Алкендер|Алкендердің]] [[газ]] тәрізді [[мүше|мүшелерін]] [[мұнай|мұнайға]] серік газдардан немесе мұнай өңдегенде және көмірді кокстегенде бөлінетін газдардан алады. Алкендерді алкандардан және олардың [[туынды|туындыларынан]] да өндіреді.

1.	''Алкандарды крекингілеу''. [[Өнеркәсіп|Өнеркәсіпте]] алкандарды 700°С-қа дейін қыздырғанда, алкендер түзіледі:

::С<sub>8</sub>Н<sub>18</sub> → 	С<sub>4</sub>Н<sub>10</sub> + С<sub>4</sub>Н<sub>8</sub>

2.	''Алкандарды дегидрлеу''. Өнеркәсіпте алкендерді жоғары [[Температура|температурада]] [[сутек]] бөле отырып, сәйкес алкандарды айырып алады. Мысалы, этаннан этилен алуды қарастырайық:

::H<sub>3</sub>C — СН<sub>3</sub> → CH<sub>2</sub> = CH<sub>2</sub> + H<sub>2</sub>

Сутек бөліне журетін айырылу [[реакция|реакциялары]] дегидрлену деп аталады.

Лабораторияда алкендерді бірнеше жолмен алуға болады:

3.	''Спирттерді дегидраттау''. Өршіткі ретінде концентрлі [[күкірт]] қышқылы, фосфор қышқылы, алюминий оксиді сияқты су сорғыш заттар қолданылады.

[[Су]] бөліне жүретін айырылу реакциялары дегидратациялану деп аталады.

4. ''Галогеналкандарды дегидрогалогендеу''. Галогеналкандарға сілтілердің [[Спирттер|спирттегі]] ерітінділерімен әсер еткенде алкен түзіліп, галогенсутектер бөлінеді.

==Физикалық қаcиеттері==
Алкендердің гомологтық қатарындағы жалпы [[заңдылық|заңдылықтар]] (сан өзгерісінің сапа өзгерісіне ауысуы) алкендердің қатарында да байқалады. Гомологтардың [[молекула|молекулалық]] масcаларының өсулеріне [[байланыс|байланысты]] балкқу және қайнау температуралары мен тығыздықтары артады. Алкендердің алғашқы үш мүшесі (этен, пропен, бутен) газдар, пентеннен С<sub>5</sub>Н<sub>10</sub> бастап сұйық, ал С<sub>18</sub>Н<sub>36</sub>-дан бастап қатты заттар.

Нормальді [[құрылым|құрылымды]] алкендер тармақты изомерлерінен жоғарырақ температурада қайнайды. Цис- және транс- изомерлердің қайнау және балқу температураларында [[айырмашылық|айырмашылықтар]] болатыны туралы өткен тақырыпта қарастырылды. Алкендер судан жеңіл, суда нашар, органикалық еріткіштерде жақсы ериді.

==Химиялық қасиеттері==

Құрамында қос байланыс болғандықтан, алкендер едәуір белсенді [[қосылыс|қосылыстар]]. Алкендердің химиялық қасиеттері, негізінен, [[молекула]] құрамындағы қос байланыспен анықталады. Қос [[байланыс]] екі молекулалық орбитальдан тұрады: біреуі σ-, ал екіншісі π-типті. Әр түрлі реагенттердің әсерінен әлсіздеу π-байланыс үзіледі.

Алкендердегі қос байланыстың электрондары бір-бірінен тебілуі нәтижесінде π-байланыстың электрон тығыздығы көміртек [[атомдар|атомдарының]] ортасындағы осьтің бойынан қашығырақ орналасады. Сондықтан электрон беретін реагенттердің (теріс зарядты) жақындаулары қиын болады да, ал [[электрон]] қабылдайтын реагенттердің әсерінен әлсіздеу π-байланыс үзіледі.

[[Этилен]] мен оның гомологтары қосылу, полимерлену және тотығу реакцияларына түседі.

==Қосылу реакциялары==
Қанықпаған көмірсутектерге қосылу реакциялары тән. Еселі — қанықпаған (қос) байланысы бойынша алкендер қосылу реакцияларына жеңіл түседі. Себебі σ-байланысқа қарағанда әлсіз π-байланысы оңай үзіліп, [[көміртек]] атомының босаған валенттіктеріне әрекеттесуші [[реагент]] молекуласының атомдары мен атом топтары қосылады.

[[Реакция]] нәтижесіне көмірсутек молекуласындағы қос байланыстың біреуі — дара (σ-) байланыс қалып, алкандар немесе олардың туындылары түзіледі.

1. ''Гидрленуі (сутектің қосылуы)''. Алкендер сутекті қосып алып, сәйкес алкандарға айналады. Реакция металл [[катализатор|катализаторлар]] Ni, Pt, Pd қатысында жүреді. Мысалы, пропенге сутек косылғанда, пропан түзіледі:

::CH<sub>3</sub>—CH = CH<sub>2</sub> + H — H	→ CH<sub>3</sub> — CH<sub>2</sub> — CH<sub>3</sub>

Немесе осы реакцияны ықшамдап жазсақ:

::C<sub>3</sub>H<sub>6</sub> + H<sub>2</sub> → C<sub>3</sub>H<sub>8</sub>


Сутек қосыла журетін реакцияларды гидрлену реакциясы деп атайды.

Гидрлену реакциясын зерттеуде Д. В. Сокольскийдің [[Еңбек|еңбегі]] зор.

2. ''Галогенденуі (галогендердің қосылуы)''. Алкендер галогендермен әрекеттескенде, реакция қос байланыс бойынша жүріп, нәтижесінде, алкандардың дигалогентуындылары түзіледі. Реакция алкенді галогеннің ерітіндісімен кәдімгі температурада [[әрекет|әрекеттестіргенде]] жүреді. Алкендерді бромды сумен (бромның судағы ерітіндісі) әрекеттестіргенде, ерітіндідегі бромның қызыл қоңыр түсі жойылып, түссіз дибромалкандар (С<sub>n</sub>Н<sub>2n</sub>Вг<sub>2</sub>) түзіледі:

::Н<sub>2</sub>С = СН<sub>2</sub> + Вг<sub>2</sub> → ВгН<sub>2</sub>С - СН<sub>2</sub>Вr

Бромдау реакциясы алкендердің сапалық реакциясы болып табылады, [[бром|бромның]] түссізденуі бойынша алкендерді сапальщ анықтауға болады.

Алкендердің [[фтор|фтормен]] әрекеттесуі шабытты жүреді, ал йодпен әрекеттесуі баяу жүреді.

Этиленге хлор қосып, дихлорэтан С<sub>2</sub>Н<sub>4</sub>С<sub>12</sub> алуға да болады.

3. ''Галогенсутпектперді қосу''. Алкендерге галогенсутектердің қосылуы оңай жүріп, нәтижесінде, галогеналкандар түзіледі:

::H<sub>2</sub>C = CH<sub>2</sub> + Н - Сl → H<sub>3</sub>C - СН<sub>2</sub>Сl

Қосылу реакцияларының жылдамдығы, галогенсутек [[Қышқылдар|қышқылының]] күші өсуіне байланысты артады:

::HF < HCl < НВг < HI

Галогенсутектердің симметриялы емес алкендерге қосылу реакциялары В. В. [[Марковников ережесі]] бойынша жүреді. Галогенсутектің сутек атомы сутек көп [[Қышқылдар|көміртек]] атомына, ал галоген сутек аз көміртпек атомына қосылады:

::H<sub>2</sub>С = СН<sub>3</sub> - СН + Н - Вг → Н<sub>3</sub>C - СНВг - CH<sub>3</sub>

sp<sup>2</sup>-гибридтенген [[көміртек]] атомының электртерістігі sp<sup>3</sup>- гибридтенген көміртек атомына қарағанда жоғары. Сондықтан [[пропен]] молекуласындағы дара [[байланыс|байланыстың]] [[электрон]] тығыздығы ортаңгы sp<sup>2</sup>-гибридтенген көміртек атомына қарай ығысады. Соның әсерінен қозғалғыш π-байланыстың электрондары шеткі көміртек атомына қарай ауысады, яғни [δ<sub>2</sub><sup>-</sup>] < [δ<sub>1</sub><sup>-</sup>]

Галогенсутек [[молекула|молекуласы]] полюсті Н<sup>δ<sup>+</sup></sup> — X<sup>δ<sup>-</sup></sup> болатынын білесіңдер. Теріс заряды көбірек [[көміртек]] атомына реагенттің оң зарядты бөлігі (галогенсутектегі [[сутек]] атомы) келіп қосылады. Ал қалған бөлігі қос [[байланыс]] жанындағы екінші көміртек атомына қосылады.

4. ''Гидраттану''. Алкендер қос байланыс бойынша су [[молекула|молекуласын]] қосып алып, сәйкес спирттер түзеді:

::H<sub>2</sub>C=CH<sub>2</sub> + H - OH —>H<sub>3</sub>C - CH<sub>2</sub>OH

Бұл реакцияның [[өнеркәсіп|өнеркәсіптік]] маңызы зор.

Пропен молекуласына судың қосылуы [[Марковников ережесі]] бойынша жүріп, пропанол-1 емес, пропанол-2 түзіледі:

::СH<sub>3</sub>—СH =CH<sub>2</sub> + H - OH —> H<sub>3</sub>C - CHOH-CH<sub>3</sub>

5. Этиленді полимерлеп, [[полиэтилен]] алады.

Тотығу реакциялары. Алкендер алкандармен салыстырғанда оңай тотығады.

6. Алкендердің қалыпты [[жағдай|жағдайда]] тотығуы. Этиленді [[калий]] перманганатының ерітіндісі арқылы өткізсе, оның күлгін түсі жойылып кетеді. Бұл перманганаттың этиленді тотықтыратындығын көрсетеді. [[Реакция]] нәтижесінде екіатомды [[спирт]] — этиленгликоль түзіледі. 

7. Қатаң жағдайларда тотықтырғанда (күкірт қышқылы, перманганат немесе [[хром]] қоспасы катысында) алкен [[молекула|молекуласының]] қос байланысы үзіліп, оттекті органикалық [[қосылыс|қосылыстар]] түзіледі:

::HC<sub>3</sub> - CH=CH - CH<sub>3</sub> + /O/ → 2CH<sub>3</sub> - COOH

8. Алкендердің жануы. Сапалық [[құрам|құрамы]] алкандардай — көміртек пен сутектен тұратын болғандықтан, алкендер де жанады. Бірақ алкендер алкандарға қарағанда шала жануға (CO немесе күйе түзе) бейім болады. [[Оттек]] жеткілікті болғанда, алкендердің толық жануы нәтижесінде су мен көміртек (IV) оксиді түзіледі. Мысалы, этилен [[ауа|ауада]] жаркырап, жылу бөле жанады:

::С<sub>2</sub>Н<sub>4</sub> + 3О<sub>2</sub> 2СО<sub>2</sub> + 2Н<sub>2</sub>О + Q

Бірақ алкендерді отын ретінде пайдалану тиімсіз болғандықтан, олар [[энергия]] көзі ретінде қолданылмайды.

==Алкендердің жеке өкілдері және олардың қолданылуы==
''Этилен'' (этен) Н<sub>2</sub>С=СН<sub>2</sub> түссіз, иіссіз, суда нашар еритін, ауадан біраз жеңілдеу, жанғыш [[газ]]. [[Метан]] сияқты этилен де [[оттек]]пен және ауамен қопарылғыш қоспа түзеді. Этиленнің [[жеміс]]-[[жидектер]]дің пісуін тездететін ерекше қасиеті бар. [[Алмұрт]], [[қызанақ]], [[қауын]], [[лимон]] сияқты [[ауыл шаруашылығы]] өнімдерін жақсы сақтау үшін оларды піспей тұрғанда жинап алып, қоймада пісіреді. Ол үшін жабық қойма ауасына этилен жібереді.

Құрамында еселі байланыстары бар, реакцияға түскіш қосылыстар болғандықтан, алкендерден бағалы химиялық қосылыстар алады. Этиленнен полиэтилен, синтездік [[каучук]], этил спирті, этиламин, этилбензол, стирол, сірке альдегиді мен сірке қышқылын, т.б. заттар алады. [[Полиэтилен]] [[диэлектрик]] болғандықтан, электр сымдарын және кабельдерді оқшаулағыш материал ретінде электротехникада қолданылады. [[Су]] мен [[газ]]ды өткізбейтіндіктен, тағамдық өнімдер мен әр түрлі [[бұйым]]дарды орап сақтауға және жылыжайлар мен саяжайларда шынының орнына, сонымен қатар тұрмыста полиэтиленнің кеңінен қолданылатынын өздерің білесіңдер. Этил спирті — [[медицина]]да, тамақ және [[химия]] өнеркәсібінде кең пайдаланылатын зат. Одан каучук, резеңке, т.б. заттар алынады.

''Пропилен'' (пропен) СН<sub>3</sub>—СН=СН<sub>2</sub> — суда нашар, спирт пен эфирде жақсы еритін түссіз газ. Пропиленнен полипропилен, [[глицерин]], изопропил спиртін, ацетон, фенол, синтездік каучук, т.б. заттар алынады.

''Алкендер'' [[тұрмыс]] пен техникаға аса қажетті әр түрлі [[полимер|полимерлер]] (жоғары молекулалы қосылыстар) алуға қолданылады.

==Сокольский Дмитрий Владимирович==
Сокольский Дмитрий Владимирович (1910—1987)
Қазақстандық химик, [[Қышқылдар|академик]], Социалистік Еңбек Ері. [[Ғылым|Ғылыми]] жұмыстары органикалық қосылыстардың катализді гидрлену мен дегидрлену процестерін зерттеу мен олардың теориясына арналған. Реагент [[молекула|молекуласының]] катализатор бетімен түзетін химиялық байланысының сипаты мен [[энергия|энергиясын]] және катализатордың белсенділігін анықтаудың [[әдіс|әдістерін]] ашты. Майларды, көмірсуларды, алкиндерді, азотты қосылыстарды гидрогендеу реакцияларының және іштен жанатын козғалтқыштардың [[газ|газдарын]] толық жандыру процестерінің катализаторларын тапты. Катализ саласындағы мамандардың ғылыми мекте- бін [[ұйым|ұйымдастырды]]. "Ерітіндіде гидрлеу", "Гетерогенді катализ", т.б. [[оқулық|оқулықтардың]] авторы. Қазақстан ҮҒА Органикалық катализ және электрохимиясы институты Сокольскийдің есімімен аталады.

==Марковников Владимир Васильевич==
[[Сурет:MarkovnikovVV 1870.jpg|thumb|200px|]]
Марковников Владимир Васильевич (1837—1904)
Орыс химик-органигі. Ғылыми [[жұмыс|жұмыстары]] органикалық химияның теориясына, [[мұнай]] химиясына, органикалық синтезге арналған. Молекуладағы атомдардың өзара әсерін зерттеді. Орынбасу, ыдырау, изомерлену, қос [[байланыс]] бойынша қосылу реакцияларының [[бағыт|бағыттары]] туралы ережелерді тұжырымдады. Мұнайдың [[құрам|құрамын]] зерттеп, жеке [[Ғылым|ғылым]] ретінде мұнай химиясының негізін қалады. Органикалық косылыстардың жаңа класы — нафтендерді (циклоалкандарды) ашып, құрамында 3-тен 8-ге дейін көміртек [[Атомдар|атомдары]] кіретін циклдердің болатындығын дәлелдеді. Нафтендердің аромат [[көмірсутектер|көмірсутектерге]] айналуын алғаш зерттеді. Орыс химиктер қоғамының негізін қалаушылардың бірі.<ref>Химия: Жалпы білім беретін мектептің жаратылыстану-математика бағытындағы 11-сыныбына арналған оқулық / Ә. Темірболатова, Н. Нұрахметов, Р. Жұмаділова, С. Әлімжанова. – Алматы: «Мектеп» баспасы, 2007. – 352 бет, суретті. ISBN 9965-36-092-8 </ref>

==Пайдалнаылған әдебиеттер==
<references/>
{{stub}}
{{wikify}}


[[Санат:Химия]]