Серікбек Жүсіпбекұлы Дәукеев
Серікбек Жүсіпбекұлы Дәукеев (17 ақпан 1950 жылы туған, Шығыс Қазақстан облысы, Семей қаласы) – геология-минералдық ғылымдарының докторы (1997), Қазақстан Республикасы Ұлттық Ғылым Академиясының академигі (2003).
Арғын тайпасы Қаракесек руы Нұрбике-Шаншар руынан шыққан.<ref>Үлгі:Кітап</ref>
Қазақ политехникалық институтын (1972, қазіргі Қазақ ұлттық техникалық университеті) бітірген. 1972–79 жылдары Алматы облысы «Казгеофизика» өндірістік геология бірлестігі экспедициясында инженер-геофизик, аға геофизик, бас инженер, бас физик (1992), Қазақстан Республикасы Геология және жер қойнауын қорғау министрінің 1-орынбасары (1992—1993), Геология және жер қойнауын қорғау министрі (1993—1997), Қазақстан Республикасы Экология және табиғи ресурстар министрі (1997—1999), Табиғи ресурстар және қоршаған ортаны қорғау министрі (1999—2000), Атырау облысының әкімі (2000—2002), Қазақстан Республикасы Ұлттық ғылым Академиясының президенті (2002—2003), Геология институтының директоры (2002–04). 2006 жылдан «Қазмұнайтеххим» АҚ директорлар кеңесінің төрағасы қызметін атқарады. «Основные проблемы геологии, размещения полезных ископаемых и развития минерально-сырьевого комплекса Казахстана в условиях реформирования экономики» деген тақырыпта докторлық диссертацияны қорғады. Дәукеев 55 ғылым мақала мен 3 монографияның авторы. «Құрмет» орденімен марапатталған.<ref>Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2</ref>
Шығармалар:
- Минерально-сырьевая база РК на рубеже перехода к рыночной экономике. Минеральные ресурсы Казахстана, А., 1995;
- Атлас карт. Минеральные ресурсы Казахстана, А., 1996.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том</ref>
Дереккөздер
<references/>
