Мұрат Әбдрахманұлы Қалқабаев

Қазақстан Энциклопедиясы жобасынан алынған мәлімет

Мұрат Әбдрахманұлы Қалқабаев (1948 жылы 31 қазанда Шымкент облысы Ленгір ауданы Оңтүстік ауылы) - Кескіндемеші, мүсінші, сәндік және қолданбалы өнер суретшісі. Қазақстан мәдениет қайраткері. Қазақстанның Еңбек сіңірген қайраткері (2008).

Әкесі - Қалқабаев Әбдраман, ¥ОС мүгедегі. Анасы - Қалқабаева Қаламқас Жаманбайқызы, үй жұмысымен айналысады.

Н.В. Гоголь атындағы Алматы көркемсурет училищесін (1970); Львов мемлекеттік сәндік және қолданбалы өнер институтын бітірген (1975).

Жұмысының жанрлары - киізбен жұмыс және гобелен, сәндік және монументалды пластика. «Қобыз» (тең автор, 2003), «Қазақстан жерінде қуғын-сүргін жылдары қаза болғандарға» (тең автор, 2004), «Сталиндік қуғын-сүргін кезінде қаза болған ресейліктерге арналған естелік белгісі» (2004) монументтерінің, «Қаза болған шахтерлерге» ескерткішінің (тең автор, 2006) авторы. ҚР Көркемөнер академиясының академигі. 1976 жылдан бүкілодақтық, халықаралық, шетел, республикалық, облыстық көрмелердің қатысушысы.

1975 жылдан - Ә. Қастеев атындағы Шымкент көркемсурет училищесінің оқытушысы. 1977-1989 жылдары - Қарағанды көркемсурет және өндірістік шеберханалардың бас суретшісі.

1992 жылдан - Е. Бөкетов атындағы Қарағанды мемлекеттік университетінің сәндік, қолданбалы өнер және сурет кафедрасының меңгерушісі.

2000 жылдан - Қазақстан Суретшілер одағының Қарағанды облыстық ұйымының бас суретшісі, басқарма мүшесі.

2004-2009 жылдары - ҚР Суретшілер одағының Қарағанды облыстық ұйымының басқарма төрағасы.

КСРО және ҚР Суретшілер одағының мүшесі. «Астананың 10 жылдығы» медалімен (2008), Қазақстанның ЛКЖК ОК құрмет грамотасымен (1977), «Қазақстанның сәндік өнер саласындағы үздік жыл шығармасы үшін» дипломымен (1987) марапатталған. «Бейнелеу өнері» номинациясында Қарағанды облысы әкімі сыйлығының лауреаты (2001). Мәдениет қайраткері (2004).

  • Діни көзқарасы - атеист.
  • Саяси қайраткер ретіндегі идеалы - Н.Ә. Назарбаев.
  • Қазақстанның болашағы туралы болжамы - «Тұрақты даму».
  • Хоббиі - музыка, спорт, балық аулау.
  • Сүйіп оқитын әдебиеті - қазақ және әлем классикасы.
  • Үйленген. Жұбайы - Смағұлова Қаят Сартайқызы (1947 жылы туған), Қарағанды экономикалық университетінің декан орынбасары. Қыздары - Қалқабаева Айгүл Мұратқызы (1976 жылы туған), маркетолог; Гаухар Мұратқызы Қалқабаева (1978 жылы туған.), экономика ғылымдарының кандидаты, Қарағанды экономикалық университетінің кафедра меңгерушісі; Қалқабаева Самал Мұратқызы (1985 жылы туған), суретші, қаржыгер.<ref>Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2</ref>

Дереккөздер

<references/>

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}Үлгі:Bio-stub