Танго

2024-04-10T09:47:43Z

Omarova. ayagul: /* Кіріспе бөлімін өңдеді */

[[Сурет:Ballroom dance exhibition.jpg|300px|нобай|Танго билеп жатқан жұп]]

'''Танго''' ({{lang-es|tango}}), Аргентин тангосы - заманауи жұптық [[бал биі]]. [[Музыкалық өлшем|Музыкалық өлшемі]] жұп (негізінен 2/4) болып келеді. Әуені [[хабанера|хабанераға]] ұқсас. Америка мен Еуропада кеңінен тараған бал билерінің бірі болып саналады. Оның эстрадалық бірнеше түрлері бар. Танго [[ритм|ритмі]] аспаптық және вокалдық музыкада қолданылады.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

Танго 1890 жылдары [[Аргентина]] мен [[Уругвай]] табиғи шекарасы Рил де ла Плата өзені аймағында пайда болған, содан кейін бүкіл әлемге тарап кетті.<ref name=UNESCO>{{cite news|url=http://www.google.com/hostednews/afp/article/ALeqM5hy8EQ1hEp3BVG-vnlwrClzXfpA7A |title=Argentina, Uruguay bury hatchet to snatch tango honor |last=Termine |first=Laura |date=September 30, 2009 |accessdate=April 2, 2010 |location=Buenos Aires |archiveurl=http://web.archive.org/web/20091011083629/http://www.google.com/hostednews/afp/article/ALeqM5hy8EQ1hEp3BVG-vnlwrClzXfpA7A|archivedate=October 11, 2009}}</ref>

2009 жылы [[UNESCO]] Аргентина мен Уругвайдың біріккен өтінішін қабылдап, тангоны [[адамзаттың материалдық емес мәдени мұра тізімі]]не қабылдады. <ref>{{cite web|url=http://www.unesco.org/archives/multimedia/index.php?id_film=319&id_page=33&s=films_details|title=Culture:The Tango|work=UNESCO Archives Multimedia website|publisher=UNESCO|accessdate=30 November 2010}}</ref><ref>{{cite web|url=http://www.unesco.org/culture/ich/index.php?RL=00258|title=The Tango|work=Intangible Heritage Lists|publisher=UNESCO|accessdate=30 November 2010}}</ref>

== Дереккөздер ==
<references/>
{{Stub: Қазақ мәдениеті}}
{{wikify}}

[[Санат:Би түрлері]]
[[Санат:Мәдениет]]

Нығымет Мыңжани

2024-04-09T10:29:03Z

Omarova. ayagul: /* Кіріспе бөлімін өңдеді */

'''Нығымет Мыңжани''' (22. 3.1922, [[Тарбағатай аймағы]] Толы ауданы – 22.6.1993, сонда) – тарихшы, этнограф, әдебиет зерттеушісі. 1941 жылы [[Үрімжі]]дегі Моңғол-қазақ училищесін және полиция училищесін бітірді. 1945–49 жылы Шыңжаң өлкелік Қаржы департаментінің бас хатшысы, 1949–50 жылы өлкелік үкімет бас хатшысының орынбасары, 1950–52 жылы ҚКП ОК Шыңжаң басқармасының бастығы, 1952–58 жылы Бейжің ұлттар баспасы қазақ редакциясының бөлім меңгерушісі болды. 1958 жылы “оңшыл” ретінде тұтқындалып, 1976 жылға дейін түрмеде отырды. 1978 жылы толық ақталып, аз санды ұлттар тілін зерттеу институтында ғылыми жұмыстармен айналысты. Мыңжани қазақ, ұйғыр, ескі түркі тілдерін білумен қатар қытай, орыс, араб тілдерін де меңгерді. 1980 жылдан қазақ тарихымен айналысып, “Шыңжаң қазақтары” (1981), “Қазақ ру-тайпалары мен ұрандары” (1982) және мемлекеттік тапсырыс бойынша “Қазақтың қысқаша тарихы” атты еңбектер жазды. Ол “Тіл – әдебиет” (1942), “Қазақ тарихының дерегі” (1949), “Қазақ хандығының ауыз әдебиеті” (1980), “Қазақ әдебиетінің қалыптасу және даму дәуірлері” (1981), “Қазақ қиссасы”, “Бақтияр және оның қырық бұтағы” (1982), “Қазақ әдебиетіндегі қисса-дастан жанры” (1982), “Қазақ халық дастандарының тарихына тән кейбір деректер жайында” (1982), “Қорқыт ата кітабы және қазақтың Қорқыт жыры жайында” (1984), “Қазақтың мифтік аңыздары” (1986) атты көптеген зерттеу еңбектер жазды. Ғалымның 1987 жылы “Қазақтың қысқаша тарихы” және “Қазақтың мифтік аңыздары” атты монографиялары жарық көрді. Сондай-ақ Мыңжанидың “Тұрмыс тілшісі” повесі (1948) мен өлеңмен жазылған “Қарлығаш” романы қытай қазақтары әдебиетінің өсу жолындағы елеулі шығармалар болды. Мыңжани аударма саласына да үлкен еңбек сіңірді. Ол “Сәлиха-Сәмен” дастанын, Шәкәрімнің “Қазақ шежіресін”, Абайдың “Қазақтың түбі қайдан шыққандығы туралы” атты еңбектерін қытай тіліне аударды. Сондай-ақ қытайдың ескі әдеби тілінде жазылған “Су бойында” (3-томын), “Қызыл сарай түсі” (4, 6-томдарын) сияқты классикалық шығармаларды қазақ тіліне аударды.
<ref>"Қазақ энцклопедиясы - VI"</ref>

==Дереккөздер==

<references/>

{{wikify}}

{{Суретсіз мақала}}

[[Санат:1922 жылы туғандар]]
[[Санат:Толы ауданында туғандар]]
[[Санат:1993 жылы қайтыс болғандар]]
[[Санат:Қазақ ғалымдары]]

{{stub}}

Қазақ Энциклопедиясы - Қатысушы үлестері [kk-kz]

Танго

Нығымет Мыңжани