Қазақ Энциклопедиясы - Қатысушы үлестері [kk-kz]

Образ

2022-08-04T09:31:26Z

Didar.Bayan21NS:

'''''Образ, көркем образ''''' - шындықты танып-білуде [[әдебиет]] пен [[өнер]]ге тән ерекше эстетикалық категория. Көркем шығармада сөзбен сомдалған кез келген құбылысты (көбінесе әдеби қаһарман бейнесін) Образ деп атайды. Мысалы: [[Әуезов Мұхтар Омарханұлы|М.Әуезовтің]] [[Абай жолы|"Абай жолы"]] эпопеясындағы халық Образы, Абай Образы - өнер мен халықтың немесе өнер мен сананың арасындағы арнайы байланысты негіздейтін эстетикалық категория. Көркем образда объективті-танымдық және субъективті-творчестволық бастау өзара бірлікте көрініс табады. Образ нақты шындыққа және ойлау процесіне байланысты айқындалады. Образ тек шындықты бейнелеп қана қоймай, оны жинақтайды. Жекелеген оқиғалар негізіне жалпылама түсінік беретін түйін жасайды. Әр [[суреткер]] жасаған образ шындыкты өзгеше, жаңа бір қырынан творчеств. тұрғыдан түсіндіруді мақсат етеді. <br />''Образ'' - сөзбен баяндалған сурет. Көркем шығармадағы түп төркіні бейнеден, суреттен шыққан әрбір сөз бедерлі бейнеге, тірлікке, әрекетке ие болғанда образға айналады. Образдың мақсаты кез келген қарапайым құбылысқа немесе затқа жан бітіріп сөйлеу (Мысалы, [[Күлімсіреп]] аспан тұр, Абай). Кез келген образ заттық және мағыналық екі компоненттен тұрады. Осыған орай ол іштей заттық, жалпылама-мағыналық және құрылымдық деп үш түрге жіктеледі. <br />
Образдың заттылығы бір сөзбен ғана берілген сипаттамадан бастап, оқиғаны жіліктеп, оның жай-жапсарын тереңдете суреттеуге ([[пейзаж]], [[портрет]], көңіл-күй) дейін қамтиды. Ол бүкіл сюжеттік желіге (өлеңнің, әңгіменің, т.б.) негіз болып тартылуы да мүмкін. Жалпылама мағыналық образ іштей дербес ұқсас, типті және мотив-образ, [[топос]], [[архитип]] болып бөлінеді. Мысалы, мәңгі типтік образ: [[Дон Кихот]], [[Гамлет]], [[Фауст]], бұларға қазақ әдебиетіндегі: [[Шығайбай]], [[Қарабай]], [[Судырахмет]], т.б. жатқызуға болады. Құрылымдық образ: автологиялық, металогиялық түрлерге жіктеледі. Тарихи даму барысында көркем образдылық ұғымы мен оның компоненттері үлкен өзгерістерге ұшырап отырған. Мысалы, Ертедегі Шығыста түспалдау, астарлау жиі қолданылса, антикалық әдебиетте - классикалық, қайта өрлеу дәуірінде - [[барокко]], жаңа еуропалық әдебиетте романтикалық, реалистік образ қалыптасты.<br /> Образ әдеби тек тұрғысынан үш түрге:
#эпикалық;
#лирикалық;
#драмалық болып бөлінсе, жасалу тәсіліне қарай [[юмор]]лық, [[сатира]]лық, [[фантастика]]лық, [[трагедия]]лық, [[герой]]лық, т.б. болып бөлінеді. Көркемдегіш сөздер ([[эпитет]], [[теңеу]], [[метафора]], т.б.) [[ауыз әдебиеті]] шығармаларында мол кездеседі. Образ - әр дәуірге, әр әдебиетке сай үнемі дамып, жаңарып отыратын категория.<ref>Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>
'''Эпикалық образ '''- кескін-кейпі, мінез-кұлқы, іс-әрекетімен тұтас көрінген әрі толық жинақталған, әрі әбден дараланған тип; көркем бейне жасаудың портрет, мінездеу, диалог, монолог және т.б. амалдары көп колданылып жасалатын образдың түрі; адамның кескін-кейпін, ішкі дүниесін, іс-әрекетін кең суреттеп, мол көрсететін,терең әрі жан-жақты танытатын образ.

'''Лирикалық образ''' - сыршыл өлең жырлардағы ақынның өз бейнесі, оның ішкі бітімі; ақынның мың иірім көңіл-күйінен, нәзік сырымен сылқым сезімінен өріліп жасалған өзгеше кейіпкер, оның субъективті көңіл-күйінен, сан иірім сұлу сыры мен сезімі арқылы жасалатын образ; адамның аса терең нәзік ашылатын ішкі сыры, мінез-құлқы, жан-тынысы айрықша әсем айшық табатын образдың түрі.

'''Драмалық образ''' - өмірдің өз аясында, сахнада көзбе-көз, қолма-қол жасалатын; тірілермен тірілерше дидарласып, оларды қолма-қол күлдіріп не жылатып, тікелей ықпал жасап, тебірентетін; шиеленіскен тартыстар мен қым-қиғаш қимыл-әрекеттер арқылы жасалатын образ.

Образдың жасалу тәсілдерінің әр алуандығы сияқты, оның түрлері де әр алуан. Образдың түрлерін белгілеудің бірнеше (әдістік, тектік, тәсілдік) факторлары бар. Көркемдік әдіс тұрғысынан келгенде, образ екі түрлі романтикалық образ, реалистік образ. '''Романтикалық образ''' – әдебиеттегі адам бейнесінің байырғы түрлерінің бірі. Бұл образдың алғашқы үлгілері баяғы көне дүние әдебиетінде, оның «әрі өнген топырағы, әрі байлық қоры» боп табылатын мифте, қала берсе, қай халықтың болса да ауыз әдебиетінде жатыр. Әрқашан алға, алысқа, арманға асыққан халықтың қиялы да телегей-теңіз. Ал романтикалық образдың негізінде қиял жатады. Романтикалық образ өмірдегі болған немесе бар деректен гөрі өмірде әзірше жоқ, бірақ болатын дерекке негізделеді.Қазақ әдебиетіндегі романтикалық образдың ежелгі түрі халық ертегілері мен аңыздарыңда, батырлық дастандары мен тарихи жырларында жасалды. Сонау Желаяқ пен Көрегеннен, Саққұлақ пен Таусоғардан бастап Алдар Көсе мен Асанқайғыға дейін, одан Алпамыс пен Қобыландыға, Тарғын мен Қамбарға дейін қазақ фольклорындағы романтикалық образдың небір ғажайып үлгілерін көруге болады. Абайдан бергі жаңа, жазба әдебиетімізге келетін болсақ, Шәкәрім Құдайбердіұлы мен Мағауия Абайұлы, Ығылман Шөреков пен Мұхамеджан Сералин, Сұлтанмахмұт Торайғыров пен Мағжан Жұмабаевтың поэма-дастандарында да талай тамаша романтикалық образдар жасалған. С.Мұқановтың Сұлушашы мен Ж.Саинның Күләндасы, Ә.Тәжібаевтың Абылы мен Қ.Аманжоловтың Абдолласы – қазіргі қазақ әдебиетіндегі көптен-көп романтикалық образдардың жекелеген қадау-қадау үлгілері ғана. Романтикалық образ – қай жанрдың туындыларында болса да молынан кездесетін образдың дәстүрлі, қалыптасқан түрі. Бір ғана Ғ.Мүсіреповтің өзі прозадағы аналар бейнесінен драматургиядағы Ақаны мен Ақтоқтысына дейін романтикалық образдың алуан түрлі әсем типтерін айта қалғандай шеберлікпен жасап берді.<ref>Қабдолов Зейнолла. Сөз өнері.- Алматы: "Санат", 2007.-300 б</ref>

'''Реалистік образ'''- әдебиеттегі адам бейнесінің ең сымбатты, шынайы түрі; қолмен ұстап, көзбен көргендей затты әрі жақын, мінез-құлқы, іс-әрекеті, қоршаған ортасы, басынан өтетін оқиғалары бәрі өлшеулі образ. Мұнда өмірде болатын, үнемі кездесетін, нақтылы іс -әрекеттермен көрінетін бейне суреттеледі.

==Сілтемелер==
*[[Бейне]]
*[[Көркем бейне]]

== Дереккөздер ==
{{дереккөздер}}
{{wikify}}
{{Суретсіз мақала}}

[[Санат:Қазақстан әдебиеті]]

{{stub}}

Әбдімәулен Сүлейменұлы Бердышев

2022-07-05T03:15:46Z

Didar.Bayan21NS:

'''Әбдімәулен Сүлейменұлы Бердышев''' (7.4.[[1958]] жылы туған, [[Өзбекстан]], [[Ташкент облысы]] [[Кибрай ауданы]] [[Ақ алтын кенті]]) – [[физика]]-[[математика]] ғылым докторы ([[2000]]), [[профессор]] ([[2006]]). Ташкент мемл. университетін ([[1980]]) бітірген. [[1980]]–[[2000]] жылы Өзбекстан ғылым академиясының Матемекеттік ғылыми-зертханалық ин-тында аспирант, кіші, аға, жетекші ғыл. қызметкер, [[Түркістан облысы]] [[Сырдария]] университетінде кафедра меңгерушісі, ғылыми жұмыстар бойынша проректоры ([[2000]]–[[2002]]), ректоры ([[2002]]–[[2008]]) қызметтерін атқарды. Д. 85 ғыл. мақалалардың авторы. [[Өзбекстан]] [[Жастар Одағы]] сыйлық лауреаты ([[1986]]).
<ref name=source1>Қазақ энциклопедиясы</ref>
==Ғылыми жұмыстары==
Авторлық куәлік иесі (2015), 167-дан аса ғылыми мақалалар және 1 монография (Краевые задачи и их спектральные свойства для уравнения смешанного параболо-гиперболического и смешанно-составного типов) жарыққа шыққан.Бердышев А.С. зерттеулері барысында алған маңызды нәтижелері математика әлемінде әйгілі төмендегі ғылыми журналдарда «Доклады РАН», «Сибирский математический журнал», «Дифференциальные уравнения», «Nonlinear analysis: Theory, Methods & Applications», «Boundary value problems», «Complex Variables and Elliptic Equations», «Acta Mathematica Scienitia», «Applied Mathematical Modelling», «Results in Mathematics», «Electronic Journal of Differential Equations», «Open Computer Science», «Mathematical Methods in the Applied Sciences», «Computers & Mathematics with Applications», «Open Engineering formerly Central European Journal of Engineering». және т.б. жарияланған. 4 физика-математика ғылымдарының кандидатын және 1PhD доктор дайындаған.
==Марапаттары==
*Ғылым және техника саласы бойынша Өзбекстан Республикасы Жастар Одағы сыйлығының лауреаты (1986 ж).
*Білім беру саласындағы жетістіктері үшін Қазақстан Республикасы Білім және ғылым министрлігінің *«Ы. Алтынсарин» (2006 ж) төсбелгісінің иегері
*«Қазақстан Республикасының білім беру ісінің құрметті қызметкері» төсбелгілерімен марапатталған.
*«ЖОО Үздік оқытушысы - 2011» грантының иегері.<ref>https://www.kaznpu.kz/kz/530/personal/</ref>

==Дереккөздер</span>==
<references/>

{{wikify}}
{{Суретсіз мақала}}

[[Санат:Тұлғалар]]

{{stub}}

Темірхан Тебегенов

2022-06-19T04:49:23Z

Didar.Bayan21NS: /* Кіріспе бөлімін өңдеді */

'''Тебегенов Темірхан Сақаұлы''' (18. 11.1949 ж. т., [[Қызылорда облысы]], [[Қармақшы ауданы]] Ақжар а.) – әдебиеттанушы ғалым, педагог. Филол. ғыл. докт. (2002), проф. (2004). [[Қызылорда]] пед. ин-тының (Қорқыт Ата атынд. Қызылорда мемл. ун-ті) филология ф-тін (1972) бітірген. Еңбек жолын 1972 ж. Қармақшы ауданындағы Қуаңдария а-ндағы №186 орта мектепте ұстаз болудан бастаған. 1974 – 1981 ж. облысы орт-ндағы №10 Ы.Алтынсарин орта мектебінде тәрбие жұмысының меңгерушісі, 1981 – 1991 ж. Қызылорда пед. ин-тының қазақ тілі мен әдебиеті кафедрасында аға оқытушы, қазақ әдебиеті мен [[араб тілі]] кафедрасының меңгерушісі, 1992 ж. Халықар. [Қазақ тілі қоғамы]] респ. басқармасының мүшесі, Қызылорда облысы ұйымы басқармасының төрағасы қызметтерін атқарған. 1991 жылдан Абай атынд. Қазақ ұлттық пед. ун-тінің қазақ әдебиеті кафедрасында оқытушы. Әдебиеттану және қоғамдық-әлеум. түрлі мәселелер бойынша 300-дей ғыл. мақала мен 8 кітаптар жазған. Т-тің әдеби-сын, зерттеу еңбектері, өлеңдері респ. басылымдарда, ғыл. жинақтарда, «Қазақстан энциклопедиясында», біршама еңбектері шетелдерде ([[Қытай]], [[Ресей]], [[Татарстан]], [[Түркия]], т.б.) жарық көрген.

==Ғылыми қызметі==
Ауызша авторлық поэзия, әдеби шығармашылық өнер психологиясы, әлем әдебиеттерінің поэтикалық үндестіктері мен ұлттық ерекшеліктері, Тәуелсіздік дәуірі әдебиеті, Шетелдердегі қазақ әдебиеті мұраларын жинау және зерттеу. 600-ден аса ғылыми басылымдар, олардың ішінде 6 монография («Нартай ақынның әдеби мұрасы».. - Қызылорда: Тұмар, 2010. - 164 б.; «Тәуелсіздік дәуіріндегі жаңа қазақ әдебиеті (XXғ. бас кезі)»:. -Семей: «Үш биік» баспасы, 2013. - 380 б.; «Халық ақындары шығармаларындағы әдебиет пен фольклор дәстүрі» - Алматы: Абай атындағы ҚазҰПУ «Ұлағат» баспасы, 2015. - 432 б.; «Абайтану ұлағаты (2-басылым)». - Қарағанды: «АҚНҰР баспасы». 2016. - 265 б.; «Біртұтас қазақ әдебиеті». - Алматы: Әдебиет, 2018. - 406 б.; «Әлем әдебиеті» оқулығы (1, 2-кітаптары) - Алматы: Абай атындағы ҚазҰПУ-дың «Ұлағат», 2019. - 402 б.)

Үш мақала импакт-факторы бар журналдарда жарияланған (Foll paper acceptance letter. Dubai - onited Arab Emirates // December 11-13, 2014, 20 may 2015.; Theoretical - pedagogical issues of forming professional competence of future philology specialists on the basis Kazakh language historical gram mar and terms // Vol.6, № 4. Editorial office. July.2015 Mediterranean Journal social sciences).<ref>https://www.kaznpu.kz/kz/552/personal/</ref>

== Сілтемелер ==
Қазақ энциклопедиясы

{{wikify}}
{{Суретсіз мақала}}

[[Санат:1949 жылы туғандар]]
[[Санат:Қызылорда облысында туғандар]]
[[Санат:Қазақ ғалымдары]]
[[Санат:Әдебиеттану]]

{{stub}}