Ибраһим Бекмаханов

2021-03-07T18:09:16Z

Ayaulym Myrzatay: /* Кіріспе бөлімін өңдеді */

'''Ибраһим Бекмаханов''' (22.06.[[1951 жыл]]-19.02.[[2021 жыл]]) — жырау, ақын, ағартушы. Жазушылар және Журналистер Одақтарының мүшесі, ҚР Ақпарат саласының үздігі.

==Өмірбаяны==
Ибраһим Бекмаханов- 22 маусымда [[1951]] жылы [[Қызылорда облысы]], [[Қармақшы ауданы]], [[Ақтөбе (Қызылорда облысы)|Ақтөбе]] ауылында дүниеге келген ақын.

Онжылдықты [[1968]] жылы бітірген. Еңбек жолын туған аулында киномеханик болудан бастаған. Әскерден кейін,С.М.Киров атындағы Қазақ мемлекеттік университетінде оқып, журналист маман атанады.[[1981]] жылы ҚазМУ-дің журналистика факультетін тамамдаған.

Баспасөзде [[1974]] жылдан еңбек етеді. [[1974]]-[[1979]] жылдары Қармақшы аудандық «Коммунизм шамшырағы» (қазіргі «Қармақшы таңы») газетінде корректор, тілші, аға тілші, [[1979-1984]] жылдар аралығында Қармақшы аудандық атқару комитеті ұйымдастыру бөлімінің меңгерушісі, аупарткомда нұсқаушы болған. Қазақстан Жазушылар және Журналистер одақтарының мүшесі.

== Жұмыс баспалдағы ==
Еңбек жолын [[1968]] жылы аудан орталығындағы N26 қазақ орта мектебін аяқтаған соң Чапаев атындағы колхозда (''қазір «Ақтөбе» ұжымшары'') колхозшы болудан бастаған. [[1969]]—[[1970]] жылдары киномеханик болған. [[1973]] жылы шоферлық курста оқып, [[1974]] жылы Қармақшы аудандық мәдениет бөлімінде шофер-механик болып жұмыс істейді. [[1974]] жылы Қармақшы аудандық ''«Коммунизм шамшырағы»'' газетінде корректор, радиохабарын ұйымдастырушы, аға тілші, [[1979]]—[[1984]] жылдары Қармақшы аудандық атқару комитетінде ұйымдастыру бөлімінің меңгерушісі, парткомның нұсқаушысы болып жұмыс істеген. [[1984]]—[[1988]] жылдар аралығында Торғай облыстық ''«Торғай таңы»'' газетінде тілші, аға тілші, [[1988]] жылы Жезқазған облыстық ''«Сарыарқа»'' газетінде тілші, мәдениет, ауылшаруашылы-ғы бөлімдерінің меңгерушісі болып қызмет атқарған. [1984-1999]] жылдар аралығында Торғай, Жезқазған облыстық газеттерінде тілші, аға тілші, бөлім меңгерушісі, [[1997]]-[[2010]] ж.ж. Қарағанды облыстық «Орталық Қазақстан», республикалық «Азия-Транзит» газеттерінің Жезқазған өңіріндегі меншікті тілшісі, қалалық «Наз» газетінің редакторы, аймақтық «Сарыарқа» газеті бас рдакторының орынбасары-жауапты хатшысы қызметін атқарған. Осы тұста газет жұмысынан қол үзбей, С.Қожамқұлов атындағы Жезқазған музыкалық драма театры әдебиет бөлімінің меңгерушісі болып 14 жыл қызмет жасаған. [[2010-2011]] ж.ж. Қарағанды облыстық «Орталық Қазақстан» газетінің экономика және өнеркәсіп бөлімінің меңгерушісі, редакция алқасының мүшесі болды. 2011 жылдан «Қазақ газеттері» ЖШС-нің «Экономика» газетінің бөлім редакторы болып істеген. [[2020]]жылға дейін «Жеті жұрттың» тілшісі болған.

==Шығармалары==
Ибрагим Бекмаханұлы – атақты жырау, Сыр сүлейі Тұрымбет Салқынбаевтың туған немересі. Ол атасының әдеби мұраларын жинақтап, [[1993]] жылы оның 125 жылдық мерейтойына орай «Талайды таңырқатқан жырау едім» (Алматы, [[1993]], «Газет» баспасы), [[2008]] жылы 140 жылдығына «Атандым жас күнімнен бала жырау» (Қызылорда, [[2008]], «Полиграфия» Баспа үй), [[2018]] жылы 150 жылдығына «Жүйрігі едім халықтың» (Алматы, [[2018]], «Арна» баспасы) атты кітаптарын жарыққа шығарды.

Белгілі қаламгердің «Шапағат», «Сағымсары», «Сыр мен Арқа саздары», «Жарық сәуле», «Жүрегімнің шуағы», «Қасиетті мекен», «Жүректегі ырғақтар», «Сырдария-Ұлытау» атты поэзиялық, және «Сыр мен Қырдың перзенті», «Дария көңіл, тау мүсін», «Дария-ғұмыр», «Шалғайдағы емес, маңдайдағы театр», «Қарсақбайлық қайсар ұл», «Бекзат болмыс», «Кенжалы би» атты прозалық және көркем-публицистикалық «Жалмауызға да жан керек» атты сатиралық кітаптары жарық көрген.

== Жетістіктері ==
Қаламгердің бірнеше ұжымдық кітаптарға өлеңдері енген. [[1993]] жылы Қазақстан Республикасы Жазушылар одағы жанындағы ''«Аққұс»'' шығармашылық бірле стігінен ''«Шапағат»'' атты тұңғыш өлеңдер жинағы жарық көрген. Сыр бойының атақты жырауы Тұлымбет Салқынбаевтың ''«Талайды таңырқатқан жырау едім»'' атты жинағын ([[1992]]) шығарған.<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл</ref>
Ибрагим Бекмаханұлы – Республикалық ақындар Мүшәйрасының бірнеше дүркін жүлдегері. Журналистикадағы жемісті еңбегі үшін «Қазастан Республикасы Ақпарат саласының үздігі» төсбелгісі және Қазақстан Журналистер Одағының Құрмет грамотасымен марапаталған.

== Дереккөздер ==
{{дереккөздер}}
{{Суретсіз мақала}}

[[Санат:22 маусымда туғандар]]
[[Санат:1951 жылы туғандар]]
[[Санат:Қармақшы ауданында туғандар]]
[[Санат:Әл-Фараби атындағы Қазақ ұлттық университеті түлектері]]
[[Санат:Қазақстан журналистері]]
[[Санат:Қазақстан ақындары]]

{{Bio-stub}}

Қазақ Энциклопедиясы - Қатысушы үлестері [kk-kz]

Ибраһим Бекмаханов