https://kk.encyclopedia.kz/api.php?action=feedcontributions&feedformat=atom&user=%D0%9D%D2%B1%D1%80%D0%BB%D1%8B 2026-09-06T05:03:05Z Қатысушы үлестері MediaWiki 1.23.3 https://kk.encyclopedia.kz/index.php/%D0%9C%D3%99%D2%A3%D0%B3%D1%96%D0%BB%D1%96%D0%BA_%D0%B1%D0%B0%D0%BB%D0%B0_%D0%B1%D0%B5%D0%B9%D0%BD%D0%B5 2025-12-03T06:02:54Z

<p>Нұрлы: </p> <hr /> <div>'''Мәңгілік бала бейне''' — жазушы [[Роза Мұқанова]] шығармасы. Көркем әдебиет стиліндегі әңгіме.<br /> <br /> ==Қысқаша мазмұны==<br /> Шығарма меңіреу қалған мүгедек 16-17 жастағы Ләйләнің өміріндегі қиындықтары жайлы баяндайды. Ләйләнің мешелдігіне сол бір саңырауқұлақ іспеттес жарылыс кінәлі болған. [[Семей полигоны]] кезінде мүгедек болып өмірге келген. Қыз бұл оқиғадан соң түрі 8 жас шамасындағы бүлдіршін күйінде қалып, өспей қалған. Ата-анасынан айырылған байғұс Ләйлә әпкесі жүрексіз Қатираның қолында өседі. Қатира оны кемсітумен болады. Ләйлә әр түн сайын аймен сырласады. Бір тойда өзінің бала кездегі досы Құмарды, би алаңындағы өзін елестетеді. Бұдан соң бірде төсек тартып қалады. Оқиға соңында Ай да, Ләйлә да бір-бірін қимай мәңгілікке қоштасады. Әңгіме Ләйләнің өлімімен, Қатираның жалғызының жүзеге аспаған тойымен аяқталады.<br /> <br /> ==Негізгі идеясы==<br /> Шығарма бір ғана Ләйләнің өмірін мысалға ала отырып, Семей полигонының елге тигізген зардабын, өмір қиындықтарын, барға қанағат ету керектігін көрсетеді. Сол кездегі халық өмірі де баяндалған. Адам мінезінің әртүрлі болатындығын түсіндіреді, өзгенің өміріне күле қарамай, түсіністік танытуға шақыратын шығарма.<br /> ==Кейіпкерлері==<br /> * ''Ләйлә'' — шығарманың басты кейіпкері. Мүгедек, әрі мәңгілік бала бейнесі сақталған жан. Өмірінің тәттісінен көрген қиындығы басым болған. Тағдырдың тәлкегіне ұшырағанынан бөлек, Қатираның үйінің құлына, елдің мазағы мен аяушылығына айналған десек болады.<br /> * ''Қатира'' — Ләйләнің әпкесі. Ләйләнің қайғысымен бөлісу орнына оны жерден алып, жерге салған аяусыз жан. Өзінің жалғыз ұлының қамын жеген ана.<br /> * ''Құмар'' — Ләйләнің бала күнгі жақын досы. Ол бала кезінде Ләйләні «[[Дегелектер|ләйлек]]&lt;nowiki/&gt;» деп атаған, оның нәзіктігімен түсіндірген.Тойдағы Ләйләнің елестеткен жаны.<br /> * ''Әжесі'' — Ләйләнің балалық шағында тек жылы сөздермен жұбатып, қуантқан тұлға. Ләйләнің олмен тек жақсы естеліктері сақталған.<br /> <br /> ==Театр мен кинодағы Ләйлә бейнесі==<br /> Жазушы-драматург Роза Мұқанованың «Мәңгілік бала бейне» пьесасы 1996 жылы М.Әуезов атындағы академиялық драма театрында алғаш қойылды. Шығарма ядролық сынақтар құрбаны болған Ләйлә атты мүгедек қыздың тағдыры арқылы Семей өңірінің қасіретін, қоғамның рухани күйін көрсетеді. Атомнан емес, адамдардың қатыгездігінен өмірімен қоштасқан Ләйләмен бірге туған жерінің рухы да өшеді.<br /> 2002 жылы режиссер Сатыбалды Нарымбетов осы тақырыпта «Қыз жылаған» фильмін түсіріп, ол халықаралық фестивальдерден жоғары баға алды. Театрда Ләйлә рөлін Данагүл Темірсұлтанова, кинода Аянат Есмағамбетова сомдады.<br /> <br /> [[Санат:Қазақ әдебиеті]]<br /> [[Санат:Көркем әдебиет]]</div>

Нұрлы