Салихитдин Әбдісадықұлы Айтбаев
Қазақстан Энциклопедиясы жобасынан алынған мәлімет
Салихитдин Әбдісадықұлы Айтбаев (15 ақпан 1938, Қызылорда – 29 қыркүйек 1994, Алматы) – кескіндемеші, график-суретші, Қазақстанның еңбек сіңірген өнер қайраткері (1988).
- 1956 – 61 ж. Алматы көркемсурет училищесін бітірген, М.Кенбаевтан дәріс алған.
- 1969 – 71 ж. осы училищеде ұстаздық етті.
Шығармашылығы
Айтбаевтың алғашқы кескіндемелік шығармаларынан шығыс миниатюрасының әсері байқалады. Ұлттық салт-дәстүр рухымен іштей үйлесім тапқан:
- «Шопандар демалысы» (1962)
- «Бақыт» (1966)
- «Жас қазақтар» (1968)
- «Қонақ келді» (1969) картиналары қазақтың бейнелеу өнеріне соны сипат әкелді.
- «Ә.Әлімжанов» (1970)
- «Ана» (1973)
- «Әке»
- «Шопан» (екеуі де 1974)
- «Абай» (1994) портреттерін салды.
Марапаттары
- 1966 ж. оған «Менің Отаным» атты суреттер топтамасы үшін Қазақстан Республикасының Ленин комсомолы сыйлығы берілді.
Айтбаевтың кескіндемелік және график. туындылары ҚР-ның Мемлекет бейнелеу өнері мұражайында сақтаулы.<ref>"Қазақ Энциклопедиясы"</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>
Дереккөздер
<references/>