Кәрім Қажымқанұлы Мәсімов

Үлгі:Мемлекеттік қайраткер Мәсімов Кәрім Қажымқанұлы — 2014 жылдың 7 сәуірінен бастап ҚР Үкіметі басшысы, Қазақстан Республикасысының Премьер-Министрі (2007 - 2012), мемлекет қайраткері. Мамандығы бойынша қаржыгер, заңгер, қытайтанушы, экономика ғылымдарының докторы.

Өмірбаяны

Кәрім Қажымқанұлы Мәсімов - 1965 жылы маусымның 15 күні Қазақстанның Целиноград қаласында дүниеге келген. Әкесі - Қажымқан Қасымұлы Мәсімов <ref>Масимов Карим Кажимканович (персональная справка)</ref>. Анасы - Элеонора (Ажибекова) Кәрімқызы Масимова <ref>Мама премьера Казахстана К.Масимова до сих пор работает экскурсоводом в Железнодорожном музее</ref>.

Білімі

• 1982 жылы Алматы қаласындағы Республикалық физика-математика мектебін үздік бітірді.
• 1985 жылы Мәскеу қаласындағы П.Лумумба атындағы Халықтар Достығы университетінде араб филологиясы бойынша білім алды.
• 1988 жылы Пекиндегі Тіл білімі институтында оқыған. 1991 жылы Қытайдағы Ухань заң университетін, 1995 жылы Қазақ мемлекеттік Басқару академиясын бітірген.
• 1999 жылы Колумбия университетінде (Нью-Йорк) топ-менеджерлер даярлау бағдарламасынан өткен.
• Орыс, қазақ, Ағылшын, қытай, араб тілдерін меңгерген.

Қызмет жолы

• 1991 жылы - Қытай Халық Республикасындағы КСРО Сауда өкілдігінің құқықтық мәселелер бойынша кеңесші.
• 1991 жылы ҚР Еңбек министрлігінде сыртқы экономикалық байланыс бөлімінің бастығы, Бас экономист.
• 1992 жылы «Қазақпригранторг» фирмасының басшысы, Үрімші (Қытай) қаласындағы «Қазақинторг» өкілдігінде жетекші маман, директор орынбасары.
• 1993 жылы «Акцепт» ЖШС басшысының ішкі экономикалық мәселелер жөніндегі директор орынбасары қызметін атқарады.
• 1994 жылы Гонконг қаласындағы Қазақ сауда үйінің басқарушы директоры.
• 1995 жылы «Алматы сауда-финанс банкі» ЖАҚ Басқармасының бастығы,
• 1996 жылдың қыркүйек айынан «ТұранӘлембанк» Басқармасы бастығының міндетін орындаушы,
• 1997 жылдың тамыз айынан бастап «Қазақстан Халық жинақ банкі» ААҚ Басқармасы бастығының 1-орынбасары, қыркүйек айынан бастап бастығы,
• 2000 жылдың тамыз айынан ҚР Транспорт және коммуникация министрі,
• 2001 жылдың қарашасынан ҚР Премьер-Министрінің орынбасары,
• 2002 жылдың шілдесінен ҚР Президентінің көмекшісі,
• 2006 – 07 жылдары ҚР Премьер-Министрінің орынбасары қызметтерін атқарған.
• 2007 ж. қантардың 10-ында Қазақстан Республикасының Президенті жарлығыменен Қазақстан премьер-министрі болып тағайындалады.<ref>Қазақстан бизнес - кітабы. Қаржы. – Алматы, ЖШС “Алматы баспа үйі,” 2006 ISBN 9965-9865-5-X</ref>
• 2011 жылдың 2 қарашасында Кәрім Мәсімов "Қазақша Уикипедиа" жобасын өз қамқорлығына алатынын хабарлады.<ref>Wikibilim project obtained PM’s support</ref>
• 2012 жылдың 24 қыркүйек күні Кәрім Мәсімов Үкімет басшысы ретінде жұмыстан кететіндігі туралы арызын берді. Президент Н.Назарбаев өтінішті қабылдады <ref>Қазақстан Республикасының Президенті Нұрсұлтан Назарбаевтың Қазақстан Республикасының Премьер-Министрі К.Қ.Мәсімовтің орнынан түсуі туралы Жарлығы 24.09.2012</ref>. Сол күні М.Мәсімов Президент Әкімшілігінің Басшысы ретінде тағайындалды.<ref>Қазақстан Республикасының Президенті Нұрсұлтан Назарбаевтың К.Қ.Мәсімовті Қазақстан Республикасы Президенті Әкімшілігінің Басшысы қызметіне тағайындау туралы Жарлығы, 24.09.2012</ref>
• 2014 жылдың 7 сәуірінен Қазақстан Республикасының Президенті жарлығыменен Қазақстан премьер-министрі болып тағайындалады.

Марапаттары

• 2010 жылы Қазақстан Республикасының Тұңғыш Президенті Нұрсұлтан Назарбаев орденімен
• 2004 жылы «Құрмет» орденімен және медальдармен марапатталған.<ref>«Ақмола облысы» энциклопедиясы</ref>
• 2011 жылы - Қазақстан Республикасының тәуелсіздігіне 20 жыл медалі.

Отбасы

Жұбайы - Мәсімова (Машұрова) Дилярам Азатқызы. 3 баланың әкесі <ref>Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2</ref>

Дереккөздер

<references/>

Сыртқы сілтемелер

• Кәрім Мәсімовтың ресми сайты