Константин Александрович Лордкипанидзе
Қазақстан Энциклопедиясы жобасынан алынған мәлімет
Константин Александрович Лордкипанидзе (1905 жыл 7 қаңтар - 1986 жыл 30 шілде) - грузин жазушысы.
Өмірі
«Литературная Грузия» (1956-1962), «Цискари» (1962-1966) журналдарының бас редакторы, 1966 жылдан «Накадули» баспасының директоры. 1941-1945 жылдары Ұлы Отан соғысына қатысқан. Шығармалары 1924 жылдан жариялана бастады. «Таңдамалы өлеңдер» (1926) жинағы мен «Стенька Разин» (1927) поэмасында социалистік құрылыстың нығая түсуін жырлады. Оның прозалық шығармаларының негізгі тақырыбы - ескінің күйреуі, грузин ауылындағы өзгерістер, кеңес адамдарының ерлігі мен гуманизмі. Ол «Колхида таңы» (1931-1932), «Өшпес өмір» (1938), «Тот шалмаған жүз» (1949), «Ажал күте тұрады» (1968), «Сиқырлы тас» (1955-1965), «Ортычал балықшылары» (1969), «Дон-Кихот жасасын» (1970) т.б. шығармалар мен «Достық» (1941), «Жолдағы көлеңке» (1957), «Үзілген өлең» (1960) атты киносценарийлердің авторы. 8-сайланған Грузия КСР Жоғарғы Кеңесінің депутаты.
Марапаттары
6 орден және көптеген медальдармен марапатталған.<ref> Қазақ Совет Энциклопедиясы, Алматы, 1974ж., 7 том </ref>
Дереккөздер
<references/>
