Қытай халықтық университеті

Қытай халықтық университеті (қыт. упр. 中国人民大学, пінин: Zhōngguó Rénmín Dàxué, палл.: Чжунго Жэньминь Дасюэ) — Бейжіңдегі университет. 2013—2014 жылдары нешебір әлемдік университеттерімен Thomson Reuters рейтингінде 226—250 орындарын бөледі<ref>Renmin University of China // The University Rankings powered by Thomson Reuters, 2013—2014</ref>.

Тарихы

1937 жылы жапон-қытай соғыс басталғанда, Чан Кайшинің саясатына наразылық көзқараспен қараған жастар елдің солтүстік-батысына, Шэньси-Ганьсу-Нинся кеңестік ауданына барды. Оларды антижапондық әрекеттерге дайындау үшін Қытай коммунистік партиясы Яньаньде Қоғамдық Солтүстік-Шэньсий мектепті (陕北公学) ашты. Оның алғашқы директоры Чэн Фанъу болған. Егер Антижапондық әскери-саяси университет ҚКП әскери кадрларын дайындаса, Қоғамдық Солтүстік-Шэньсий мектебі қоғам қайраткерлері мен саяси қызметкерлерді дайындаумен айналасқан. Оқушылар онда қысқа мерзімді курстарды өткен (3-4 ай); екі жыл ішінде мектеп 6 000-ға жуық адамадарды даярлап шығарды.

1939 жылдың маусымында Қоғамдық Солтүстік-Шэньсий мектебі, Лу Синь атындағы Яньань өнер институті (延安鲁迅艺术学院), Пролетарлық Яньань училищесі (延安工人学校) және жастардың әскери дайындалу курстары (安吴堡战时青年训练班) Солтүстік-қытайлық біріккен университетіне (华北联合大学) біріктірілген (онда 1 500 студент оқыған). Ресми түрде ол 7 маусым күні ашылған, ал ректоры қайтадан Чэн Фанъу болды. Азамат соғысының екінші кезеңінде ҚКП мен Гоминьдан арасындағы жауынгерлік істердің жүрісіне қарай Солтүстік-қытайлық біріккен университет әр-түрлі елді мекендерге ауысып жүрді. 24 тамыз 1948 жылы Хэбэй провинциясында, Чжэндин уезінде Солтүстік-қытайлық біріккен университет пен Солтүстік университет (北方大学) Солтүстік-қытайлық университетіне (华北大学) біріктірілді. 9 жыл ішінде Солтүстік-қытайлық университет 12 000-нан астам бітірушілерді шығарды.

Солтүстік-қытайлық университет 4 бөлімше мен 2 институттен тұрған: Саяси бөлімше, Педагогика бөлімшесі Гуманитарлық бөлімше мен Зерттеу бөлімшесі, және де Жұмысшы институті мен Шаруа институті. 15 мың студенті бар біріккен университеттің ректоры У Юйчжан болды. 1949 жылдың сәуір айында Солтүстік-қытайлық университет босаған Бейжинге ауысты. Кадрлардың тез дайындалуы үшін әрі елді қалпына келтіру үшін ҚКП өкімі бойынша Солтүстік-қытайлық университетке Бейжің және Тяньцзиньнің басқа жоғары оқу орындарынан оқытушылар жіберілді. 1950 жылы Солтүстік-қытайлық университеттің аты ресми түрде Қытай халықтық университетіне ауыстырылды.

Институттері

Қытай халықтық университетінің құрамында келесі институттер бар:

• Гуманитарлық институт
• Шетел тілдер институті
• Тарих институті
• Философия институті
• Өнер институті
• Мемлекет жайлы ғылымдар институті
• Жаратылыстану ғылымдар институті
• Қоршаған орта институті
• Информатика институті
• Ақпараттық ресустарды бақылау институті
• Журналистика институті
• Экономика институті
• Қаржы және ақша айналуы институті
• Ауылшаруашылық пен ауылшаруашылықтың дамуы институті
• Жұмысшы мамандықтар институті
• Социология мен статистика институті
• Марксизм институті
• Халықаралық қатынастар институті
• Сауда институті
• Құқықтану институті
• Әлеуметтік басқару институті
• Педагогика институті
• Оқуны жалғастыру институті

Атақты түлектері

• Айсыци — философ, ҚКП теорияшылы
• Ай Цин — ақын
• Ван Сяобо — жазушы
• Лю Яньдун — ҚХР Мемлекеттік кеңесі мен ҚКП Саяси бюросының мүшесі
• Цзян Цин — актриса, Мао Цзэдуннің әйелі
• Го Цзинцзин — суға секіруден олимпиада чемпионы
• Сан Сюэ — суға секіруден олимпиада чемпионы
• У Минься — суға секіруден олимпиада чемпионы
• Ван Цзюнься — жүгіруден олимпиада чемпионы
• Мо Хуэйлань — гимнастикадан олимпиада чемпионы, олимпиада ойындар жүлдегері