Қосылған құнға салынатын салық бетінің бастапқы мәтінін қарау

'''Қосылған құнға салынатын салық''', кейде '''қосылған құн салығы''' – жанама салық түрі, қосылған құнның [[мемлекеттік бюджет]]ке аударылатын бөлігі, бюджеттің маңызды көздерінің бірі.<ref>"Қазақ энциклопедиясы", VI-том</ref> [[Кәсіпорын]], бір жағынан, сатылған өнімдерден қосымша құн салығын алушы болса, екінші жағынан, жабдықтаушылардан өндіріс құралдарын сатып алушы ретінде Қосылған құн салығын төлеуші болып табылады. Қосылған құн салығын төлеушілер салық кодексінде белгіленеді. Мемлекеттік бюджетке төленетін Қосылған құн салығының көлемі өндірушінің сатқан тауары үшін есептелген [[салық]] пен жабдықтаушыларға шикізат, материалдар, [[отын]] мен [[энергия]], т.б. өнімдер үшін төленген Қосылған құн салығының айырмасы негізінде есептеледі, яғни салық төлеушілер Қосылған құн салығын тауарларды өндіруге (жұмыстарды орындауға, қызмет көрсетуге) жұмсалған материалдық шығынды шегере отырып есептейді. [[Салық]] салынатын айналым бойынша бюджетке төленуге тиіс Қосылған құн салығының сомасы, салық кодексіне сәйкес, салық салынатын айналым бойынша есептелген Қосылған құн салығының сомасы мен шегерімге жатқызылған салық сомасы арасындағы айырма ретінде анықталады.
Соңғы кездері [[Қазақстан]]ның экономикалық даму үдерісін қамтамасыз ету мақсатында Қосылған құн салығының мөлшерін азайту шаралары іске асырылуда. 2004 жылдың 1 қаңтарынан бастап салық төлеушілер Қосылған құн салығын 12% мөлшерінде төлейтін болды.<ref>Орысша-қазақша заңдық түсіндірме сөздік-анықтамалық. — Алматы: Жеті жарғы, 2008. ISBN 9965-11-274-6</ref>

== Дереккөздер ==
<references/>

{{wikify}}
{{stub:Заң}}
{{Суретсіз мақала}}

[[Санат:Салықтар]]