Юрий Павлович Ковалев бетінің бастапқы мәтінін қарау

'''Ковалев Юрий Павлович''' (13.9.1906, [[Ресей]], [[Санкт-Петербург]] – 12.4.1972, сонда) –  биші, балетмейстер, Қазақстанның еңбек сіңірген артисі ([[1946]]). [[Ленинград]] хореографиялық училищесінде (қазіргі Санкт-Петербург орыс балет академиясы) оқыды. [[1925]] жылдан Санкт-Петербург, Харьков, Свердловск театрларында балет бишісі қызметін атқарды. [[1936]] жылдан Қазақ опера және балет театрының балетмейстері және бишісі болды. Оның репертуарында Айдар ([[И.Н. Надиров]], “Көктем”), Альберт ([[А.Адан]], “Жизель”), Зигфид, Дезире ([[П.И. Чайковский]], “Аққу көлі” мен “Ұйқыдағы ару”), Командор ([[А.А. Крейн]], “Лауренсия”), Вацлав ([[Б.В. Асафьев]], “Бақшасарай фонтаны”), Базиль ([[Л.Ю. Минкус]], “Дон Кихот”), т.б. партиялар болды. Ковалев балетмейстер ретінде  Л.Б. Степановтың “Жоңғар қақпасын” ([[1956]]), Л.Делибтің “Коппелия” ([[1937]], [[1944]]), Чайковскийдің “Аққу көлі” ([[1940]]) мен “Ұйқыдағы ару” ([[1954]]), Асафьевтің “Бақшасарай фонтаны” ([[1943]]), Минкустың “Дон Кихот” ([[1945]]), Р.М. Глиэрдің “Мыс салт атты” ([[1955]]) балеттерін, сондай-ақ, “Қыз Жібек” (2-редакциясы), “Біржан – Сара”, “Амангелді”, “Бекет” операларындағы билерді қойды. Ковалев қазақ балет өнерінің дамуына, ұлттық кадрлардың кәсіби дәрежесін көтеруге елеулі үлес қосты.<ref>Қазақ мәдениеті. Энциклопедиялық анықтамалық. Алматы: “Аруна Ltd.”
ЖШС, 2005 ISBN 9965-26-095-8</ref>

==Дереккөздер==

<references/>
{{Stub: Қазақ мәдениеті}}
{{wikify}}

{{Суретсіз мақала}}

[[Санат:Қазақстан балетмейстерлері]]
[[Санат:1906 жылы туғандар]]
[[Санат:1972 жылы қайтыс болғандар]]