Ырыскелді бетінің бастапқы мәтінін қарау

'''Ырыскелді''' (т.-ө. ж. б.) – батыр, елші. 1733 ж. [[Ұлы жүз]] елшілігі құрамында (елшілік екі адамнан құралған – [[Аралбай батыр]] мен Ырыскелді) [[Кіші жүз]] ханы [[Әбілқайыр]]ға онан әрі Ресейге барып қайтты. Ондағы мақсаттары – [[Ресей]] императоры [[Анна Иоановна]]ға жолығып, сол кезде [[жоңғар]] хандығына тәуелді болып тұрған Ұлы жүзді сақтап қалу үшін [[Әбілқайыр]] арқылы орыстардан көмек алу еді. 1733 жылдың соңында Ұлы жүздің елшілігі мен Әбілқайыр өкілі [[Тәтімбет Бұлғақұлы|Тәтімбет батыр]] [[Санкт-Петербург]]ке барды. Олар Анна Иоановнаның қабылдауында болып, Ұлы жүздің көрнекті ел билеушілері – [[Қодар би]], [[Төле би]], [[Сатай]], [[Хангелді]] және [[Бөлек]] батырлардың қарауындағы ел-жұртымен [[Ресей]] азаматтығын қабылдайтындықтарын білдірген хатты табыс етті. 1734 ж. 10 маусымда [[Анна Иоановна]] Ұлы жүздің старшындары мен батырларына және “барлық қырғыз-қазақ халқына” арналған және оларды Ресей құрамына алғандығын білдірген грамотаға қол қойды. Ұлы жүз ханы Ор өз. бойына “ант қабылдауға” арнайы шақырылды. Ресми деректер бойынша Ы. 1738 ж. қыркүйекте Кіші жүздің Ресей азаматтығын қабылдауына байланысты өткен салтанатқа қатысқан.<ref>Әдеб.: Басин В. Я., Ресей и казахские ханства в 16 – 18 вв., А.-А., 1971; Қазақстан тарихы, 3-т., А., 2002. М. Сүгірбеков</ref>

==Пайдаланылған cілтемелер==
<references/>

{{wikify}}

{{Суретсіз мақала}}

[[Санат:Қазақ батырлары]]
[[Санат:Қазақстан елшілері]]
[[Санат:Туған жылы белгісіздер]]
[[Санат:Қайтыс болған жылы белгісіздер]]


{{stub}}