Сейіл Сарықұлұлы Жиенбаев бетінің бастапқы мәтінін қарау

'''''Жиенбаев Сейіл Сарықұлұлы''''' (1.5.1896, [[Батыс Қазақстан облысы]] [[Бөрте ауданы]] [[Жайық ауылдық округі|Жайық ауылы]] — 5.5.1945, [[Алматы]])
<ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998
ISBN 5-89800-123-9</ref> — [[қазақ тілі]]н оқыту әдістемесін қалыптастыруға елеулі [[үлес]] қосқан [[ғалым]], филологиялық ғылыми кандидаты (1942). Бөрте 2 сыныптық училищесін (1912), [[Орынбор]] қаласындағы [[Ауыл шаруашылығы|мұғалімдер]] семинариясын (1916), [[ҚазПИ|ҚазПИ-ді]] (1928) бітірген. 1917 — 21 жылдары [[Ақбұлақ уезі]] [[Талды болысы]] Сазды ауылында [[мұғалім]]. Орынбор қаласындағы мектепте, оқытушылар инситутында (1921), әскери мектепте (1925), [[Шымкент]] қаласындағы педтехникумда (1926) [[оқытушы]] болды. 1929 ж. [[Қазақстан]] Оқу комиссариатында, [[Ауыл шаруашылығы|Ауыл шаруашылық]] институтында, [[Ұлт]] мәдениеті инстиутында (1931 — 39), Оқу комиссариаты жанындағы ғылыми-зерттеу институтында және ҚазПИ-де (1939 — 42) қызмет істейді. 1942 жылдан өмірінің соңына дейін [[Тіл]], [[әдебиет]], [[тарих]] инстиутында сектор меңгерушісі болған. Жиенбаевтың “Қазақ тілі” (1930), “Бастауыш мектептегі қазақ тілінің әдісі” (1935), “Үлкендерге [[хат]] таныту методикасы” (1935), “[[Грамматика]] талдауыш” (1936), “Сөйлемнің тыныс белгілері” (1941), “[[Синтаксис]] мәселелері. Құрмалас сөйлемнің топтастырылуы” (1941), “Сөздіктің жасалу мақсаты мен принципі” (1945), т.б. еңбектері жарық көрген.<ref>Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3</ref>

==Дереккөздер==
<references/>

{{wikify}}

{{Суретсіз мақала}}

[[Санат:Қазақ тілі]]
[[Санат:Тұлғалар]]
[[Санат:Қазақстан азаматтары]]


{{stub}}