Раушан Хатиятқызы Байсейітова бетінің бастапқы мәтінін қарау

'''Байсейітова Раушан Хатиятқызы''' (16.9.1947 жылы туған, [[Алматы]]) — [[балерина]], [[Қазақстан]]ның [[халық]] артисі (1978).  Жас кезінен [[Күләш Жасынқызы Бәйсейітова|Күләш Байсейітова]]ның тәрбиесінде болған. [[Мәскеу]]дің Үлкен театрыжанындағы [[хореография]] училищесін бітірген (1966). Сол жылы [[Қазақ опера және балет театры]]на қабылданып, сахналық өмірбаянын Ғ. Жұбанованың “Хиросима” балетіндегі Юки партиясымен бастады. Табиғаты драматикалық образдарға бейім биші Мария (Б. Астафьевтің “Бақшасарай фонтанында”), Гамзатти (Л. Минкустің “Баядеркасында”), Бақыт құс (И. Стравинскийдің “Бақыт құсында”) сияқты бейнелерде өзіне ғана тән нәзік сыршылдығымен көрінді. Байсейітованың ерекше шеберлігі А. Серкебаевтың “Ақсақ құланындағы” Баршагүл, Е. Брусиловскийдің “[[Қозы Көрпеш — Баян сұлу|Қозы Көрпеш—Баян сұлуындағы]]” Баян, С.Еркінбековтың “Мәңгілік отындағы” Ана партиялары арқылы жан-жақты байқалды. Әсіресе, психология тереңдігімен, орындалу мәнерінің ұлттық бояуымен назар аударған Ана бейнесі қазақ балеті тарихына жаңалық болып қосылды. Осы рөлі үшін Байсейітоваға Қазақстан Мемлекеттік сыйлығы берілді (1981). Биші Мәскеуде өткен бүкілодақтық балет артистері конкурсының лауреаты (1968). 1992 жылдан Алматы хореография училищесінде [[дәріс]] береді.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, II том</ref>

==Дереккөздер==
<references/>

{{wikify}}
{{Суретсіз мақала}}

[[Санат:1947 жылы туғандар]]
[[Санат:Алматыда туғандар]]
[[Санат:Қазақстан актрисалары]]


{{stub}}