Михаил Игнатьевич Иванин бетінің бастапқы мәтінін қарау

'''Михаил Игнатьевич Иванин''' <ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, IV том</ref> (1801–27.9.1874) – [[Қазақстан]]ды зерттеген орыс ғалымы, генерал-лейтенант, [[Орыс География Қоғамы|Орыс географиялық қоғамының]], Орыс техникалық қоғамының толық мүшесі.

<center>
[[Сурет:Казаки оренбургского войска.jpg|thumb|right|1839–40 жылы Хиуаға жасалған қысқы жорықты сипаттау(1874)]]
[[Сурет:Лёгкое орудие кавалерийской казачей роты № 14.jpg|thumb|right|1839–40 жылы Хиуаға жасалған қысқы жорықты сипаттау(1874)]]
</center>

1832 жылы  [[Ресей]] империясы армиясының Бас штабы әскери академиясын бітірген. 1835 жылы  капитан шенінде [[Орынбор]] жеке әскери корпусының қарамағына жіберілді. 1839 жылы  [[Хиуа экспедициясы]]на қатысып, кейін «''1839–40 жылы  Хиуаға жасалған қысқы жорықты сипаттау''» (1874) деген еңбек жазды. Ол 1846 жылы  [[Маңғыстау]] өңірін аралап, жергілікті халықтың тұрмыс-тіршілігімен танысты. Сол сапардан жазған «''1846 жылы  Маңғыстау түбегіне сапар''» деген мақаласында Маңғыстау өлкесінің тарихына тоқталып, күмбездер, қолдан ойылып, бедерлеп салынған суреттер, Шырқала тауының етегіндегі тас қамал, тұрғын үй, құдықтар, көп жерін оқ тескен, салмағы 17 қадақ сауыт, т. б. құнды заттар жөнінде мағлұматтар берген. Михаил Игнатьевич Иванинді, әсіресе, [[қазақ]]тардың рухани мәдениеті, қоңақжайлығы, ұлттық ойындары мен халық емі, діни наным-сенімдері қатты қызықтырды.

Михаил Игнатьевич Иванин 1853 жылы  [[Бөкей Ордасы|Бөкей ордасын]] басқаратын Уақытша кеңесте әуелі кеңесші, кейін орданы басқарушы міндетін атқарды. Бөкей ордасының сол кездегі шаруашылығы, Әлеуметтік өмірімен танысып, «''Ішкі немесе Бөкей ордасы''» деген еңбек жазды. Шығармада [[Жәңгір хан]], жергілікті сұлтандар туралы, Бөкей ордасындағы сот ісі, сауда қатынасы, жер бөлу мәселесі, т. б. жөнінен деректер бар. Иванин еңбегінде, сондай-ақ автордың шовинистік көзқарасы да байқалады. Ол қазақтардың отырықшылыққа көшкені, сауда-саттықпен, жер шаруашылығымен айналыса бастағаны «орыстармен қарым-қатынасының нәтижесінде» деп көрсетеді.

Михаил Игнатьевич Иванин 1862–74 жылы  Әскери министліктің қарамағында түрлі қызмет атқарады. «[[Шыңғыс хан]] мен [[Темірлан]] тұсындағы моңғол-татарлар мен ортаазиялық халықтардың соғыс өнері және жаулап алған жерлері» деген еңбегінде [[Орта Азия]] мен  [[Қазақстан]]ға қатысты қызықты деректер келтірген.

==Сілтемелер==
<references/>

{{wikify}}

[[Санат:Тұлғалар]]
[[Санат:Ресей генералдары]]


{{stub}}