Мереке Құлкенов бетінің бастапқы мәтінін қарау

[[Сурет:Мереке Құлкенов.png.png|right|thumb]]
'''''Мереке Құлкенов''''' - 1951 жылы 8 қарашада [[Атырау облысы]], [[Қызылқоға ауданы]], Қарабау ауылында туған. [[ҚазМУ|ҚазМУ-ді]] 1978 жылы бітірген. ''«Қазақстан пионері»'' (қазіргі ''«Ұлан»''), ''«Пионер», «Қазақ әдебиеті», «Жалын»'' сияқты газет-журналдарда, Қазақ [[теледидар]]ында қызмет істеген. Республикалық ''«Ана тілі»'' [[газет]]інің, ''«Таң Шолпан»'' журналының бас редакторы болды. Қазір ''«Өлке»'' баспасының бас директоры.

[[Ұлы Махамбет]]тің өмірін айшықтаған, [[драматург]] [[Отарбаев Рахымжан|Р.Отарбаевпен]] бірігіп жазған ''«Бас»'' драмасы 2003 жылы [[Қазақстан Республикасы Мәдениет министрлігі]]нің екінші жүлдесін иеленді. Махамбеттің 200 жылдық мерейтойы қарсаңында ''«Махамбет кітапханасы»'' сериясымен 20 томдық кітапты және ''«Махамбет елі»'' [[кітап]] альбомын үш тілде ([[Қазақ тілі|қазақша]], [[ағылшын тілі|ағылшынша]], [[орыс тілі|орысша]]) дайындауда жалпы редакциясын басқарды.

[[Қазақстан Республикасының еңбек сіңірген мәдениет қызметкері]] (1998), [[Президент сыйлығының лауреаты]] (2002). ''«Достық»'' орденімен марапатталған.

''«Жібек жел», «Таңғы самал», «Үрей», «Халел Досмұхамедовтің өмірі мен қызметі», «Қазақстан»'', т.б. прозалық және публицистикалық шығармалардың,'' «Махаббат мұнарасы», «[[Жәңгір хан]]»'' пьесаларының авторы. Шығармалары бірнеше тілге аударылған.
<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса   - Алматы: «Аң арыс» баспасы, 2009 жыл</ref>
==Дереккөздер==
<references/>

{{wikify}}

[[Санат:Тұлғалар]]
[[Санат:Қазақстан жазушылары]]
[[Санат:Қарабау ауылы]]
[[Санат:1951 жылы туғандар]]