Константин Яковлевич Баранов бетінің бастапқы мәтінін қарау

[[Сурет:Alexander II with the courtiers in the Arsenal Hall of the Gatchina Palace.jpg|300px|thumb|[[Баранов суреті]]]]
'''Константин Яковлевич Баранов''' (3.6.[[1910]], [[Ресей]], [[Нижегород губерниясы]] [[Большое Козино]] селосы — 15.10.[[1985]], [[Алматы]]) — [[суретші]], [[Қазақстанның еңбек ciңipгeн қайраткері|Қазақстанның еңбек сіңірген өнер қайраткері]] (1971).  

1927 — 1930 жылдары [[Иркутск]] қаласындағы И. Л.Копыловтың шеберханасында оқыған. 1931 жылы [[Новосибирск]] қаласында жұмыс істеп, сол кездегі Сібірдің алдыңғы қатарлы суретші-графиктерінің тобында болған. 1941—1945 жылдары [[Ұлы Отан соғысы]]на қатысқан. 1948—1956 жылы [[Қазақ мемлекеттік баспасы]]ның бас суретшісі, [[Қазақстан Суретшілер Одағы]]ныңтөрағасы қызметтерін атқарған. Станоктік және кітап графикасында [[линогравюра]], [[литография]] техникасымен, [[акварель]] және [[гуашь]]пен жұмыс істеген. Жоғары техникалық шеберлікті талап ететін, айқындығымен, әдемілігімен, суреткерлік тілінің үнемділігімен, метафоралығымен ерекшеленетін линогравюра саласында табысты еңбек еткен. Қазақстан графикасының дамуына айтарлықтай үлес қосты. “Қарағанды” (1963), “Балқаш пен Арал балықшылары” (1966), “Алматының 
алмасы” (1970) сияқты линогравюралық, “Жамбылдың портреті”, “Абайдың портреті” (екеуі де 1970), “Болат балқытушылар” (1979) атты автолитогравюралық жұмыстары кең танымал. Б.М. Ошаровтың “Солтүстік ертегілері” (1934), “[[Қазақтың халық ертегілері]]” (1950), “Қазақ және ұйғыр ертегілері” (1951), “Қазақ эпосы” (1956), А. Ахметовтың “Халықбек” (1958), М. Зверевтің “Достық” (1960) т.б. кітаптарды безендірген. Ол «Абай» сувенир қорабының сызбасын (1954; гуашь, 20 х 38), «Ғибрат» атты Абайдың прозасына илл. (1971; авто литография, 40 х 28,5), «А. Құнанбаевтың портреті» (1973; авто литография, 40 х 28, 5), «Халық өмірі көрінісіндегі Абай портреті» (1981; авто литография, [[Қазақстан Республикасы]]ның Орталық және [[Қазақстан Республикасының Мемлекеттік өнер музейі|Қазақстан Республикасының Мемлекеттік өнер музейлері]] меншігіңде) еңбектерін жазды. Барановтың үздік жұмыстарының бірі - портретте [[Абай]] өз шығармалары сюжеттері негізінде салынған суреттер мен илл. арасында қолына кітап ұстаған ойлы қалпында бейнеленген (1981). [[Литография]] техникасының жұмсақтығы ақынның бет пішінін, киімінің өңін, кең даланың кәусар суретін дәл көрсетуге мүмкіңдік берген.1- және 2-дәрежелі [[Отан соғысы]], [[Қызыл Жұлдыз]] ордендерімен марапатталған.<ref>Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

== Дереккөздер ==
<references/>

[[Санат:1910 жылы туғандар]]
[[Санат:Ресейде туғандар]]
[[Санат:Қазақстан суретшілері]]
[[Санат:Қазақстанның еңбек сіңірген қайраткерлері]]
[[Санат:Қазақстан өнер қайраткерлері]]
[[Санат:Қазақстан қоғам қайраткерлері]]
[[Санат:I дәрежелі Отан соғысы орденінің иегерлері]]
[[Санат:II дәрежелі Отан соғысы орденінің иегерлері]]
[[Санат:Қызыл жұлдыз орденінің иегерлері]]