Кемпірбай Бөгенбайұлы бетінің бастапқы мәтінін қарау

'''Кемпірбай Бөгенбайұлы''' ([[1834]]-[[1895]]), [[ақын]], [[әнші]]. 

[[Шөже Қаржаубайұлы|Шөже]], Тезекбай, [[Әсет Найманбайұлы|Әсет]], [[Жәмшібай Бегенұлы|Жәмшібай]] сынды ақындармен айтысқан. Бұл айтыстар халық арасына кең тараған. Кемпірбайдің шығармалары «Таң» журналында ([[Семей]], 1925, № 1), «Қазақтың ескі әдебиет нұсқалары» (А., 1931), [[айтыс]] жинақтарында (1939, 1948, 1965, 1988), «Бес ғасыр жырлайды» кітабында (1985, 1989) жарияланды. Әсет ақынның Кемпірбай ауырып жатқанда келіп, өлеңмен көңілін сұрағаны, оған Кемпірбайдын қайтарған жауабы - көркемдік жағынан қазақ айтысының інжу-маржаны. Әсет қоштасу өлеңіне таңдау жасағанда, осыған баса назар аударған («Әдебиет тарихы», А., 1991). «Өлерде өлеңмен, әнмен қоштасу - көбінесе ақындардың әдеті» - Кемпірбайдың өлерде айтқан сөзі сондайлық көңіліне тығылып жүрген сырды ашады» деп, ұлы жазушы ол сырдың қандай сыр екеніне тоқтапған. Кемпірбайды бес жасынан бастап ақындықтың иесі - [[Дәуіт Пайғамбар|Дәуіт пайғамбар]] иектеп, ақындық өнерді дарытқан екен. Өлеңнің көкала үйрек секілді бөлек жаны, бөлек денесі бар. Сол сый енді ақынның кеудесінен ұшқалы жатыр. Арманы - осы қадірлі сыйдың ұрпағына қонбай, мұның әулетінен біржола жоғалып кетуі. Жалғыз арман, мұң - осы. Сөйтіп ұрпақ өнерсіз қалмақ. «Міне, коштаскан жерде жүректегі [[сыр]] мен кеңіңде кетіп бара жатқан арманды айтқан жері» деп, зерттеуші қоштасу өлеңіне ғылыми сипаттама берген.<ref>Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8</ref>

==Дереккөздер==
<references/>

{{Суретсіз мақала}}

[[Санат:1834 жылы туғандар]]
[[Санат:1895 жылы қайтыс болғандар]]
[[Санат:Қазақ ақындары]]
[[Санат:Қазақстан әншілері]]
[[Санат:Айтыс ақындары]]


{{Bio-stub}}