Иманғалиев Елемес Иманғалиұлы бетінің бастапқы мәтінін қарау

'''Иманғалиев Елемес Иманғалиұлы''' – [[1948 жыл]]ы 14 мамырда [[Семей облысы]], [[Шар ауданы]], Жидебай ауылында дүниеге келген. <ref>Қазақстан баспагерлері мен полиграфистері. Анықтамалық. Алматы, «Білім» баспасы. 2005 ж. – 576 бет. ISBN 9965-09-134-Х </ref>

ЖОО-ны бітіргеннен кейін Орта Азия Әскери округында шебер болып, кейін Семей облыстық коммуналды шаруашылық бөлімінің инженері, директордың орынбасары болып жұмыс істеді.

[[1980 жыл]]дың маусымынан [[1991 жыл]]дың мамырына дейін партиялық, кеңестік органдарда: Қазақстан КП Семей обкомында инструктор, Семей қалалық атқару комитетінің хатшысы, Киров ауаткомы хатшысы болып қызмет атқарды.

[[Полиграфия]] саласында 14 жылдан астам уақыт еңбек етеді. [[1991 жыл]]дың мамыр айынан [[1997 жыл]]дың қарашасына дейін Семей «Кітап» РӨБ бас директоры болып, осында өзін сауатты, іскер басшы ретінде көрсете білді.

[[1997 жыл]]ы ҚР Ақпарат және қоғамдық келісім министрлігі Е.И. Иманғалиевтің жұмыс тәжірибесін ескере отырып, оны [[Қарағанды]] «Полиграфия» РӨБ-не бас директоры етіп ауыстырды. Ол кезде мекеме шығынға ұшыраған жағдайда болатын. Жедел жүргізілген әрекет шараларының арқасында мекеме [[1998 жыл]]дың алғашқы айларынан бастап-ақ үздіксіз істеді, жылдан жылға қарқынды жұмыс істей бастап, қаржы-экономикалық көрсеткіштерін жетілдіре түсті. Мекеме жұмысының жандануына оның [[1999 жыл]]ы «Қарағанды полиграфиясы» АҚ болып қайта құрылуы да ықпал етті. Мекемеде Е. Иманғалиевтің басшылығымен өндіріс технологиясын жетілдіру және өнім сапасын арттыру жолында біршама нақты шаралар жүзеге асты. Шығарылатын барлық газеттер мен шығармашылық өнімдерді басу толығымен [[офсетті әдіс]]ке көшті, үлкен көлемді кітаптарды қатты мұқабамен, [[жіппен тігу әдісі]]мен шығару игерілді, суреттерді дайындау мен беттеудің ең озық бағдарламалары енгізілді, түске бөлу процестері жетілдірілді. [[2005 жыл]]дан мекеменің болашақтағы гүлдене түсуіне бағытталған инвестициялау жұмыстары басталды. Осының барлығы мекеменің қатал нарық жағдайында бәсекеге қабілетті болуын және республикадағы полиграфиялық мекемелер арасынан лайықты орын алуына мүмкіндік береді.

Иманғалиев Елемес Иманғалиұлы «Қазақстан тәуелсіздігіне 10 жыл» және «[[Қазақстан Республикасының Конституциясы]]на 10 жыл» медальдарымен, «Баспа және полиграфия ісінің қайраткері» құрмет белгісімен, Мәдениет, ақпарат және спорт министрлігінің үш құрмет грамотасымен, Қарағанды облысы әкімінің екі құрмет грамотасымен марапатталған.

==Дереккөздер==
<references/>

{{Суретсіз мақала}}
[[Санат: Журналистика]] 
[[Санат: Тұлғалар]]
[[Санат:Қазақстан баспагерлері мен полиграфистері]]