Жәмила Төлегенқызы Баспақова бетінің бастапқы мәтінін қарау

'''Жәмила Төлегенқызы Баспақова''' (15.1.1966 жылы туған, [[Қарағанды облысы]], [[Теміртау]] қаласы) – [[әнші]] ([[лирика]]лы колоратуралық [[сопрано]]), [[Өзбекстан Республикасы]]ның еңбек сіңірген әртісі (1994) және [[ҚР]]-інің еңбек сіңірген [[қайраткер]]і (1999). Теміртау қаласындағы музыка училищесін (1987), Қазақ ұлттық консерваториясының вокалдық факультетін (профессор [[С.Ғ. Құрманғалиева]]ның жетекшілігімен) бітірген. 1992 – 93 жылдары [[Озимо]] қаласындағы ([[Италия]]) [[Опералық өнер академиясы]]нда (профессор [[М.Менани]]дің жетекшілігімен) оқыды. 1994 жылдан Қазақтың мемлекеттік академиясы опера және балет театрының [[соло]] әншісі. Осы театр сахнасында [[Джузеппа Верди]]дің “[[Травиата]]” операсынан [[Виолетта]] партиясын орындаумен сахналық дебютін бастады. Кейін классикалық операларда [[Джильда]] (Верди, “[[Риголетта]]”), [[Розина]], [[Лиу]], [[Мюзетта]] ([[Дж. Пуччини]], “[[Севилья шаштаразысы]]”, “[[Турандот]]” пен “[[Богема]]”), [[Микаэла]], [[Лейла]] ([[Ж.Бизе]], “[[Кармен]]” және “[[Інжу іздеушілер]]”), [[Марфа]] ([[Н.А. Римский-Корсаков]], “[[Патша қалыңдығы]]”), т.б. партияларды өзінің әдемі әуезді үнімен орындап, тыңдаушылар құрметіне бөленді. 1995 жылдан [[концерт]]тік қызметпен де айналысады. [[Гастроль]]дік сапармен [[ТМД елдері]], шет ел қалаларында болып, өнер көрсетті. 2004 жылы классикалық опералар ариясы мен қазақ композиторларының шығармалары бойынша жазылған компакт-дискісі ([[Ресей]]дің [[П.И. Чайковский]] атындағы Үлкен симфония оркестрі сүйемелдеуімен) жарық көрді.
<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, X том</ref>
==Дереккөздер==
 <references/>

{{wikify}}
{{Суретсіз мақала}}

[[Санат:Тұлғалар]]


{{stub}}