Жетілген плазмоцит бетінің бастапқы мәтінін қарау

[[Сурет:Plasmacell.jpg|thumb|Жетілген плазмоциттің микроскоптағы көрінісі]] '''Жетілген плазмоцит''' — мөлшері 8-10 мкм [[жасуша]]. Пішіні сәл сопақ және бұрышты келген плазмоциттің дөңгелек ядросы базофилді цитоплазмасының бір шетіне ығыса орналасады. [[Плазмоцит]] ядросының маңындагы ақшыл келген аймақта [[Гольджи кешені]] мен центросоманы көруге болады. [[Цитоплазма]]ның қалған бөлігінде гранулалы [[эндоплазмалық тор]] өзекшелері бір-біріне тығыз қабаттасып жатып, оның көкшіл түске боялуына әсерін тигізеді. [[Эндоплазмалық тор]] өзекшелерінің сыртқы жағында көптеген полисомалар орналасады. Эндоплазмалық тордың күшті жетілуі — антиденелерді құрайтын протеиндердің белсенді түзілетіндігінің айғағы. Жетілген [[плазмоцит]]тер бөлінбейді. Қызметін тоқтатып ескірген плазмоциттерді макрофагтар фагоцитоз арқылы жояды. Плазмоциттер борпылдақ дәнекер ұлпасында, көбіне, қан тамырлары маңында орналасады. Олар, әсіресе, ішектердің кілегейлі қабықтары өзіндік тақташаларында, шарбыларда, [[сүт]], [[сілекей]] және т.б. бездердің стромаларында, қан жасау мүшелерінде (сүйектің қызыл кемігі майында, көкбауырда, [[лимфа]] түйіндерінде) көбірек кездеседі. Плазмоциттер иммунды денелерді түзіп, оларды организмнің ішкі [[сұйық]] ортасына шығарады да, организмдегі сұйықтық (гуморальдық) иммунитетті қалыптастырады.<ref>Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9</ref>
==Дереккөздер==
<references/>

{{wikify}}

[[Санат:Биоморфология]]
[[Санат:Биология]]
[[Санат:Морфология]]


{{stub}}