Жаздық тұрғын жай бетінің бастапқы мәтінін қарау

'''Жаздық тұрғын жай''' — осы заманғы пәтерлердің жаздық тұрғын жайлары — [[балкон]]ы, [[лоджия]]сы (үйдің ішіне кіріңкірей орналасқан алды ашық жай) болады. Шағын көлеміне қарамастан жазда бұларды демалыс орны ретінде пайдалануға, азық-түлік сақтау үшін шағын [[шкаф]]тар қоюға, сондай-ақ төсек-орын, киім-кешектерді жайып келтіруге болады. [[Балкон]] мен [[лоджия]]ны жабдықтағанда тұрғын үйдің сыртқы келбетін бұзбау жағын да ескерген жөн. Желден, күн сәулесінен жаңбырдан қорғану үшін жиналмалы немесе сырғымалы тенттерді, ысырылмалы (көлбеу) перделерді (түссіз), [[кронштейн]]дерге керілген [[маркиз]]дерді пайдалану керек. Мұндай корғаныштарды уақытша жасап алу оңай. Жаздық тұрғын жайларға қорғаныш ретінде шырмалып өсетін өсімдіктерді де пайдалануға болады, олар лоджияны немесе балконды сыртқы орталан бөліп тұрады және үйдің табиғи әшекейі ретінде де қызмет атқарады. Егер жобада көрсетілмеген болса, лоджияны түгел әйнектеп тастауға болмайды, өйткені бұл жағдайда пәтерді желдету, оған жарықтық түсуі нашарлайды және үйдің композиңиясы бұзылады. Үй салған кезде балкон мен лоджия бітеу қабырғамен — қалқандармен және гүл өсіретін ыдыспен жабдықталады. Гүл өсіретін ыдысты әркім өзі жасауға да болады. Оны металл тетіктердің көмегімен балкон қоршауының сырт жағынан ілген дұрыс. Гүл өсіретін ыдыстың түбінен су ағып кететін шағын тесіктер жасау керек. Гүлге су құйған кезде топырақты шайып кетпес үшін топырақ салардың алдында тесіктерді майда тастармен бітеу қажет. Балконда немесе лоджияда демалғанда жезлонгтар мен жиналмалы креслоларды пайдаланған ыңғайлы. Егер орын жеткілікті болса, тоқыма креслоларды да қоюға болады. Кейде шалқасынан ашылатын қақпағы бар шкафта столдың қызметін атқара береді. Шкафқа жалғастыра азық-түлік — көкөніс картоп сақтайтын [[сандықша]] жасауға да болады. Мұндай шкафтардың биіктігі балкон қоршауынан төмен болғаны жөн. Лоджияның бір бүйіріне құрастырмалы стол қойып жұмыс істейтін орын ретінде пайдалануға болады. Мебельдерді ашық, ылғал өткізбейтін сырмен немесе сырттағы заттарға арналған лакпен сырлаған дұрыс. Қажет болған жағдайда лоджияға бір орыннан қозғалмайтын жабық немесе жартылай жабық электр шайын орнатуға болады. Жаздық тұрғын жайға жиі-жиі төсек-орын, киім-кешек жайып, келтіреді. Үйдің сыртқы келбетін бұзбау үшін төсек-орынды жылжымалы кронштейндерге немесе арнаулы тетіктері — белдеу темірге ілу керек. Жаздық ашық орындарды жабдықтағанда қауіпсіздік ережелерін есте сақтаған жөн. Қабырғасы тұтас бетоннан құйылып жасалған балконда балалар орындыққа шығып төмен қараймын деп құлап кетуі мүмкін. Сондықтан мұндай үйлердің балконынан балаларға лайықтап тар саңлаулар немесе ойықтар жасауға болады.<ref>Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990  ISBN 5-89800-008-9</ref>

==Дереккөздер==
<references/>

{{wikify}}

{{Суретсіз мақала}}

[[Санат:Үй тұрмысы]]
[[Санат:Тұрмыс]]


{{stub}}