Доржи Банзаров бетінің бастапқы мәтінін қарау

[[Сурет:DBanzarov.JPG|thumb|[[Доржи Банзаров]]]]
'''Доржи Банзаров''' (шамамен 1822, [[Ресей]], бұрынғы [[Байқал]] сырты облысы [[Кутетуев ұлысы]] — 1855, [[Иркутск]] қаласы) — [[бурят]] ғалымы. [[Қазан]] университетін алтын медальмен бітірген (1846). Университетте моңғол тіліне қоса [[санскрит]], [[қытай]], [[маньчжур]] және [[түрік]] тілдерін меңгереді. [[Студент]] кезінде маньчжур тілінен “Ту-лишеньнің саяхаты” мен ойрат тілінен “Убашы қонтайшы туралы аңыз” деген қолжазбаларды орыс тіліне аударады. 1847—1848 жылдары [[Санкт-Петербург]]тегі [[Азия]] музейінде ғылыми-зерттеу жұмыстарымен шұғылданды. 1850—1855 жылдары Иркутскіде арнайы тапсырмалар орындайтын шенеунік болды. “[[Ергенеқон]] атауы туралы”, “[[Моңғолдар|Моңғол]] атауының шығу тегі”, “Шыңғыс тасы”, т.б. [[мақала]]лар жазды. Негізгі ғылыми мұрасы — “Қара сенім немесе монғолдардағы [[шамандық]]” (1846) атты еңбегінде шамандықтың шығу тарихы, діни жүйе ретіндегі мәні мен ерекшеліктерін бай да нақтылы материалдар негізінде көрсетіп берді. Оның жарық көрген 15 тарихи-философиялық, этнографиялық еңбектері, 3 қолжазбасы [[Шығыс]] жазба ескерткіштерін терең талдауға негізделген құнды зерттеулер қатарына жатады<ref > Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том</ref>.


== Дереккөздер ==
<references/>
*   Банзаров Д., Собр. соч., М., 1955.

{{wikify}}

[[Санат:Тұлғалар]]


{{stub}}