Велорий Викторович Пак бетінің бастапқы мәтінін қарау

'''Велорий Викторович Пак''' - 1951 жылы 26 мамырда [[Қызылорда]] қаласында туған. [[Корейлер|Корей]].

Әкесі - Пак Виктор Михайлович, марқұм. Анасы - Тен Лилия Петровна, зейнеткер.

Қазақ мемлекеттік дене шынықтыру институтының спорт факультетін бітірген (1973), ауыр атлетика бойынша жаттықтырушы-оқытушы.

Қорқыт ата атындағы Қызылорда мемлекеттік университетінің құрметті профессоры (2005 жылдан).

Қазақ және орыс тілдерін біледі.

«[[Нұр Отан]]» ХДП мүшесі. 
==Еңбек жолы==
*1973 жылдың шілде айынан - Қызылорда қаласының 113-МКТУ дене тәрбиесі жөніндегі жетекшісі. 1974 жылдың қараша айынан - «Еңбек резервтері» БЕСҚ Қызылорда облыстық кеңесі төрағасының орынбасары. 1984 жылдан - Қызылорда облыстық БЖСМ оқу бөлімінің меңгерушісі.

*1987 жылдан - Қызылорда облыстық ауыр атлетикадан аға жаттықтырушы. 2001 жылдан - ҚР жасөспірімдер құрама командасының ауыр атлетикадан аға жаттықтырушысы.

*2005 жылдың қаңтар айынан бері - ҚР ауыр атлетика бойынша аға жаттықтырушысы.

==Жетістіктері==
«Құрмет» (2005), «Парасат» (2008) ордендерімен марапатталған.

Ауыр атлетикадан [[Қаз КСР]] бірнеше мәрте чемпионы және рекордшысы. Ауыр атлетикадан КСРО спорт шебері (1971). КСРО дене шынықтыру жәнө спорт саласының озаты (1983). [[Қызылорда облысы]] [[Сырым ауданы]]ның (2005), Қызылорда қаласының құрметті азаматы (2008). ҚР Еңбек сіңірген жаттықтырушысы (1996). 
ҚР Құрметті спорт қайраткері (2005).

[[Ауыр атлетика]]дан XXIX Олимпиада ойындарының чемпионы ([[Пекин]], 2008) [[Илья Ильин|И. Ильинді]]; әлем чемпионаттарының жүлдегері (2005, 2006, 2007) Р. Русеновскийді; Әлем чемпионатының қола жүлдегері (2006) К. Рахановты; Азия чемпионы (2008) А. Өтешевті; [[Жасөспірім]]дер арасындағы әлем чемпионы, Орталық Азия ойындарының чемпионы                                     
әрі рекордшысы [[Шин Олег Эдуардович|Шин Олегті]]; ТМД Спартакиадасының қола жүлдегері Радаев Сергейді және басқаларды тәрбиелеген.

Қазақстанның болашағы туралы болжамы - ''«Бай, тұрақты, демократиялық ел»''.

Үйленген. Жұбайы - Ким Татьяна Сергеевна (1949 жылы туған), зейнеткер. Ұлы - Пак Александр (1974 жылы туған), дәрігер; қызы - Пак Марина (1978 жылы туған), экономист.<ref>Қазақстан Республикасында Кімнің Кім екені – 2011. 2 томдық анықтамалықаласы Алматы, 2011. ISBN 978-601-278-473-2</ref>

==Дереккөздер==
<references/>

{{wikify}}

{{Суретсіз мақала}}

[[Санат:Тұлғалар]]
[[Санат:Спорт]]


{{Bio-stub}}
[[Санат:1949 жылы туғандар]]