Борис Викторович Суворов бетінің бастапқы мәтінін қарау

[[Сурет:Суворов.tif|thumb|right|200px]]
'''Борис Викторович Суворов''' (27.1.[[1925]], [[Новосибирск]] қ. – 7.7.[[1996]], [[Алматы]]) – ғалым, химия ғылымдарының докторы (1962), [[профессор]] (1965), Қазақ КСР-і ғылым академиясының академигі (1983), Қазақ КСР-інің еңбек сіңірген ғылыми қайраткері (1971).

Қазіргі Қазақ ҰУ-ды бітірген (1948). 1948 – 51 ж. аспирантурада оқыды, 1952 – 96 ж. Қазақстан ғылым академиясының Химия ғылымдары институтында ғылым және басшылық қызметте болды. 4 монография, 600-дей ғылыми еңбектің авторы, оның ішінде 160 авторлық куәлігі мен патенті бар. Суворовтың іргелі ғылыми еңбектері катализдік аралас тотығу процестерін, [[полимер]], [[бояғыш заттар]], физиологиялық активті заттар өндіруге керекті көмірсутектердің [[оттек]]ті және [[азот]]ты туындыларын алу жолдарына арналған. Оның басшылығымен [[никотин]] қышқылын (РР-витамині) алу технологиясы жасалды (1978 ж. Украинадағы Умань витамин зауытында іске асты). Суворов [[туберкулез]]ге қарсы [[тубазид]] және [[фтивазид]], ұмытшақтыққа қарсы [[пармидин]] препараттары мен өте тиімді [[реглон]], лонтрел гербицидтерін синтездеуге басшылық жасады. Суворов өңдеген алифаттық және орны алмастырылған ароматты нитрилдер қатары инсектицидтер ([[базудин]], [[димилин]], [[пиретроид]]ты препараттар) шикізаты болып есептеледі.

Суворов “[[Құрмет белгісі]]” (1981), “[[Халықтар достығы]]” (1985) ордендерімен және бірнеше медальдармен марапатталған.<ref>Қазақ энциклопедиясы 8 том</ref>

== Дереккөздер ==
{{дереккөздер}}

[[Санат:1925 жылы туғандар]]
[[Санат:Новосібір облысында туғандар]]
[[Санат:1996 жылы қайтыс болғандар]]
[[Санат:Қазақстан ғалымдары]]
[[Санат:Қазақстан химиктері]]
[[Санат:Профессорлар]]
[[Санат:Академиктер]]
[[Санат:Қазақстанның еңбек сіңірген қайраткерлері]]
[[Санат:Құрмет Белгісі орденінің иегерлері]]
[[Санат:Халықтар Достығы орденінің иегерлері]]