Бекмұхамед Құсайынұлы Серкебаев

Қазақстан Энциклопедиясы жобасынан алынған мәлімет

17:42, 2017 ж. сәуірдің 18 кезіндегі Moderator (Талқылауы | үлесі) істеген түзету

(айырм) ← Ескі түзетулер | Ағымдағы түзетулер (айырм) | Жаңа түзетулер → (айырм)

Бекмұхамед Құсайынұлы Серкебаев (1892, Омбы облысы, Полобин ауылы - 1976, Алматы қаласы) - қазақ қоғамы үшін орны ерекше тұлғалардың бірі. Ол - Алаш қайраткері, жазушы-драматург, журналист, ұстаз және қазақтың біртуар әншісі Ермек Серкебаевтың әкесі.

Өмірбаяны

  • Бала кезінде М.Жұмабаевпен бірге Уфа қаласындағы «Ғалия» медресесінде оқыпты. Медреседе оқып жүрген кезінде Башқұрт ақыны Ш.Бабич екеуі «Шытымыр» атты сатиралық журнал шығарады. Бұл қазақ оқырмандарына арналған тұңғыш сықақ журналы еді.
  • 1916-1918 жылдар аралығында Омбы гимназиясын бітіріп шыққан соң, мұғалімдік қызмет атқарады. Қазақ халқының ұрпақ тәрбиесіне біркісілік үлес қосқан ұлт ұстаздарының бірі. Ол өмірінің қырық жылын ұстаздықпен өткізеді.
  • Өз заманында қазақ баспасөзінде өзіндік із қалдырған талантты журналистердің қатарынан орын алады. Омбы облысында шыққан «Кедей сөзі», «Бостандық туы» газеттерінде жұмыс істейді. Сөйтіп, қазақ халқының тәуелсіз ел болу жолындағы алғашқы ой-пікірлерінің жарыққа шығып, елге тарауына себепкер болған.
  • 1917 жылы 5-13 желтоқсанда өткен екінші жалпықазақ сиезінде «Алаш» партиясын құру туралы қаулы қабылданады. Осыдан кейін жергілікті комитеттер ұйымдастырыла бастайды. Алаш партиясының Омбы облыстық комитеті құрылғанда А.Сейітүлы, М.Жұмабаев, Е.Итбаев т.б. бірге Бекмұхамед Құсайынұлы комитет мүшелігіне сайланады.
  • Алашорда таратылып, кеңес үкіметі орнаған кезде ол өзіне жүктелген міндеттерді атқара жүріп, жазушылықпен шұғылдана береді.

Шығармалары

  • «Айқап», «Қазақ» газеттерінде өлеңдер, мақалалар жариялайды.
  • Ол 1912 жылы «Жер дауы», 1913 жылы «Қызыл бұзау», 1914 жылы «Әйел тендігі», 1915 жылы «Ғазиза» атты спектакльдер жазады. Сонымен бірге, 1915 жылы «Жылқышы күні», «Дәметкен» атты әңгімелер жариялайды.
  • «Қызыл Қазақстан», «Әдебиет майданы» журналдарында «Ат тауы» (1924), «Құла тай» (1927), «Соңғы соққы» (1932) т.б. әңгімелері жарияланады. 1935 жылы А.Неверовтің «Ташкент - ток қала» повесін аударған.<ref>«Алаш» қозғалысы. Алматы, 2008. ISBN 9965-32-715-7</ref>

Дереккөздер

<references/>

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}Үлгі:Bio-stub