Бекайдар Жантөреұлы Аралбаев бетінің бастапқы мәтінін қарау

'''Аралбаев Бекайдар Жантөреұлы ''' (1893, [[Қызылорда облысы]], [[Жаңақорған ауданы]] — 1952, [[Ресей]], [[Красноярск өлкесі]]) — қоғам қайраткері. Әкесі Жантөре Аралбайұлы — 1928 ж. тәркіленген орта шаруа. 1905  — 10 ж. [[Жаңақорған кенті|Жаңақорғандағы]] орыс-қазақ мектебінде, 
1910 — 14 ж. Перовскіде ([[Қызылорда]]) қалалық училищеде оқыды. Үш-төрт жыл болыстық, уездік мекемелерде түрлі қызметтер атқарды.
1920 — 22 ж. Сырдария облаткомында ([[Ташкент]]) бөлім меңгерушісі, төрағасы;
1922 — 24 ж. [[Түркістан автономиясы|Түркістан АССР]]-ның Ішкі істер Халық комиссары, Түркістан республикасы ОАК төралқасының мүшесі;
1924 жылы осы республиканың Жоғарғы сатының төрағасы;
1925 ж. Қазақ АКСР-ы ОАК-нің хатшысы болып сайланды. 
Кеңес аппаратына, басшы қызметтерге жергілікті ұлт өкілдерін тарту ісіне ОАК-і комиссиясының төрағасы ретінде көп үлес қосты. Аралбаевтың бұл қызметін даттау үшін Ф.И. [[Голощёкин Филипп Исаевич|Голощекин]] оған “аралбаевшылдық” деген айдар тағып, жұмыстан қуды. 1928 — 33 ж. респ. банкіге, [[Ақтөбе облысы]] банкіге қызметке жіберілді. 1933 ж. Кеңес өкіметіне қарсы ұлтшылдық әрекеттер жасады деген жалған айып тағылып, КарЛАГ-қа, кейінірек Мордва (1934) жерінде Тамлагта жазасын өтейді. 1945 ж. тұтқыннан босаған Аралбаев Қазақстанда тұруға рұқсат берілмеді. Ташкент облысы [[Шыназ ауданы]]нда ферма меңгерушісі болып жүргенде 1949 ж. қайта қамауға алынып, Сібірге жер аударылды. 1957 ж. қыркүйегінде КСРО Жоғарғы сотының алқасы Аралбаевты толық ақтады.<ref>[[Қазақ Энциклопедиясы|"Қазақ Энциклопедиясы"]]</ref>

== Дереккөздер ==
<references/>
{{wikify}}

{{Суретсіз мақала}}

[[Санат:1893 жылы туғандар]]
[[Санат:Қызылорда облысында туғандар]]
[[Санат:1952 жылы қайтыс болғандар]]
[[Санат:Қазақстан мемлекет қайраткерлері]]
[[Санат:Саяси қуғын-сүргін құрбандары]]
[[Санат:Қазақстан министрлері]]


{{stub}}