Алматы Облыстық Мемлекеттік Архиві бетінің бастапқы мәтінін қарау

'''Алматы Облыстық Мемлекеттік Архиві''' — [[Алматы облысы]]ның тарихы туралы құжаттар жинақталған арнаулы ғылыми-анықтамалық мекеме. 1921 ж. ұйымдастырылған. Алғашында [[Жетісу облысы]] архиві, 1924 ж. [[Жетісу]] губернатор архиві, 1928 ж. [[Алматы]] округі архиві, 1928-33 ж. ҚазАКСР-ы Орталық архивінің құрамында, ал 1934 ж. қаңтар айынан қазіргі атымен аталып келеді. Архивте Алматы облысына қарасты мекемелер, ұйымдар мен кәсіпорындар, 1924 жылға дейінгі [[Қырғыз Республикасы]]на, бұрынғы [[Талдықорған облысы]] тарихына байланысты құжаттар топтастырылған. [[Азамат соғысы]], 1921-22 ж. [[жер-су реформасы]]н іске асыру, қазақтарға патша үкіметі тартып алған жерлерін қайтарып беру, 1924-25 ж. [[Орта Азия]] Республикаларын ұлттық-территория жағынан межелеу, көшпелі қазақ қоғамын отырықшыландыру, күштеп ұжымдастыру және оған қарсылық ретінде болған толқулар туралы деректер сақталған. Алғашқы бесжылдықтар дәуірінде өнеркәсіп пен ауыл шаруашылығын қайта құру, [[1941 — 45]] ж. облыс халық шаруашылығын соғыс мүддесіне бейімдеу, соғыстан кейінгі қалпына келтіру, шөл-шөлейт өңірлерді игеру туралы, өнеркәсіп, көлік, [[энергетика]], мәдениет, халық ағарту салаларының дамуын жан-жақты бейнелейтін құжаттар шоғырланған. Архивтің [[Қапшағай]]да, [[Ұзынағаш (Алматы облысы)|Ұзынағаш]]та, [[Талдықорған]]да, Жансүгіровте бөлімшелері, 11 аудандық, қалалық архивтер бар. Архив құжаттары өлке тарихын зерттеуге елеулі мүмкіндік береді. 1981 ж. оның құрамынан Алматы қаласы мемлекеттік архиві бөлініп шықты. Құжаттар хронологиясы 1917 жылдан басталады.

==Дереккөздер==
Қазақ ұлттық энциклопедиясы

{{wikify}}

{{Суретсіз мақала}}

[[Санат:Алматы]]
[[Санат:Қазақстан мұрағаттары]]


{{stub}}