Абылай хан резиденциясы бетінің бастапқы мәтінін қарау

{{Мұражай
 |атауы        = «Абылай хан резиденциясы» мұражайлық кешені
 |sort            = 
 |шынайы атауы        = 
 |сурет            = 
 |сурет ені          = 
 |сурет атауы         = 
 |lat_dir = N|lat_deg = 54|lat_min = 52|lat_sec = 25
 |lon_dir = E|lon_deg = 69|lon_min = 7|lon_sec = 2
 |region          = 
 |CoordScale      = 
 |құрылған уақыты         = 
 |орналасқан жері = [[Солтүстік Қазақстан облысы]], [[Петропавл]] қ., К. Сүтішев к-сі, 1б
 |түрі         = 
 |келушілер саны      = 
 |директоры        = 
 |аялдама          = 
 |ашылу уақыты          = 21.08.2008
 |сайты          = [http://www.ra.sko.kz/kaz/index.php www.ra.sko.kz]
 |Commons         = 
}}
'''«Абылай хан резиденциясы»''' — [[Петропавл]] қаласында орналасқан [[Абылай хан]]ның [[мұражай]]лық кешені. [[2008]] ж. [[21 тамыз]]да резиденция Қазақстан Республикасының Президенті [[Нұрсұлтан Әбішұлы Назарбаев]]тың қатысуымен ашылды.

==Абылайдың ақ үйі==
Абылайдың ақ үйі, Абылайдың ордасы – Абылай ханның Петропавл қаласындағы ордасы, тарихи ескерткіш. Қазақстанның солтүстік аймағын отарлау басталған кезде [[Есіл өзені]] жағасында орналасқан [[Қызылжар қыраты]]нда [[1752]] ж. [[әулие Пётр бекіні]]сінің құрылысы басталды. Бұл өз кезегінде елдердің арасындағы сауда-экономикалық қатынастардың орнығуына әсерін тигізді. Осыған байланысты [[казактар]]дың дала тұрғындарына тиісіп, [[қазақтар]]дан мал тартып әкетуі және жер учаскелерін басып алуы тәрізді мәселелерді талқылау үшін ханның арнайы ордасы қасында осындайқұрылыс салу қажеттігі туындады. Мұрағаттық материалдардың мәліметтері бойынша, «Оның, Абылайдың, өтініші бойынша Есіл өзенінің жоғарғы жағындағы Енқыстау тауында әулие Пётрдің бекінісі жанынан оның келіп тұруы үшін 1765 ж. ағаш үй салынды» (Солтүстік Қазақстан облысы мемлекеттік мұрағаты, 158-қор, 1-тізбе, 295-іс 33-б.). «Енқыстау (қыстауға арналған кең жазық)» сонымен, «Абылайдың ақ үйі» тек қана тұрғын үй үшін емес, сонымен қатар шиеленісті мәселелерді шешуге арналған орынға айналды. Ғимараттың орналасқан жері туралы әртүрлі пікірлер бар. Оның бекіністен 2-3 шақырым жерде, «тау» етегінде (еңістік жерде) орналасқандығы дәлмедәл анықталды, бұл сол кезде (19-гасырдың екінші жартысы) қаланың шеті болатын. «Абылайдың ақ үйі» қалада болған өрттің бірінің салдарынан жанып кеткен тәрізді, оның орнына тастан үй салынған, оны халық бұрынғыша «Абылайдың ақ үйі» деп атаған. «Абылайдың ақ үйі» қазақ халқының ұлттық тарихи ескерткіші болып табылады. Абылайдың ақ үйінің құрылысы Абылай хан өмірінің деректерімен және мұрасымен тікелей байланысты. Оған көп уақыт жөндеу-қалпына келтіру жұмыстары жүргізілмегендіктен үй айтарлықтай зиян шеккен. Солтүстік Қазақстан облысының әкімі [[Тайыр Аймұхамедұлы Мансұров|Т.А. Мансұров]]тың бастамасымен және ҚР Президентінің қолдауымен [[2006]]-[[2007]] жылдар ішінде тарихи-мәдени ескерткіш толық қалпына келтірілетін болады.<ref>Солтүстік Қазақстан облысы. Энциклопедия. – Алматы: «Арыс» баспасы, 2006. – 704 б. ISBN 9965-17-340-0</ref>

==Мұражайлық кешені==
[[2004]]–[[2006]] жылдарға арналған «[[Мәдени мұра]]» бағдарламасы аясында 1829 жылы салынған 1982 жылы 26 қаңтардағы № 38 ҚазКСР Министрлігі Кеңесінің Қаулысымен мемлекеттік сақтауға алынған республикалық маңызы бар тарих ескерткіші «Абылай хан үйінде» қалпына келтіру жұмыстары жүргізілді. Тарихи-мәдени мұраны сақтау сұрақтары бойынша қоғамдық кеңестің байқатқан мүддесі негізінде және-де облыс басшылығымен алғашқы түрде болған тарих ескерткіштерін құру мәселесі бойынша шешім қабылданған.<ref name="petropavl.sko.kz">{{cite web|url=http://www.petropavl.sko.kz/kaz/index.php?pid=abylai_hannyn_rezidencijasy_murazhai_kesheni|title=«Абылай ханның резиденциясы» мұражай кешені|author=|date=|work=|publisher=Петропавл қаласы әкімдігінің ресми интернет-ресурсы|accessdate=|lang=}}</ref>

Мұражай ҚР Президенті Н.Ә.Назарбаевтың қатысуымен 2008 жылы 21 тамызда ашылды. Экспозицияның негізі – [[18 ғасырдағы Қазақстан тарихнамасы|XVIII ғасырдағы]] Қазақстанның мемлекет және қоғам қайраткері – [[Абылай хан]]ның өмірі мен іс-әрекеттері жөнінде.
<ref name="ra.sko.kz">{{cite web|url=http://www.ra.sko.kz/kaz/index.php|title=Мұражайлық кешенінің анықтамасы|author=|date=|work=|publisher=Абылай хан резиденциясының сайты (www.ra.sko.kz)|accessdate=|lang=kk}}</ref>

Ғимараттың жалпы аумағы мен құрылымы — 1288,5 м². Жердің жалпы аумағы — 1,58 га енеді.<ref name="petropavl.sko.kz"/>

Ақ үйдің алдында қоладан құйылған «Ат үстіндегі Абылай хан» ескерткіші бар.  Авторы мүсінші Қазыбек Сатыбалдин. Ғимараттың өзі қазіргі күні екі қабаттан тұрады. Ресми атауы «Абылай хан резиденциясы». Тарихи маңызы бар, киелі ғимаратқа басшылық жасап отырған Гүлнәр Андарбекқызының айтуынша Абылайдың ақ үйі 4 залдан тұрады. Бірінші қабатында кешеннің әкімшілігі, екінші қабатында тарихи залдар орналасқан. Тарихи залдың біріншісі Абылайдың балалық шағынан хан тағына отырғанға дейінгі өмірін қамтиды. Яғни, 1710-1771 жылдар. Екіншісі хандық құрған 10 жылына арналған. Бұл 1771-1781 жылдар арасы. Үшінші залы Тақ залы, төртіншісі Абылай тарихына арналған коллаждар, картиналар, кітаптарға арналған залы. Осылардың ішінде келгендерге әсер беріп, көз тартарлығы ғимараттың әуелде ағаштан жасағанын еске алатын Абылайдың тынығу бөлмесі. Бөлмеде бірнеше жәдігерлер қойылған. Ыдыс-аяқ, көрпе-жастық, үстел, түкті-түксіз тоқыма кілемдер, жез құман, киім-кешек, сандықтар қойылып, үйдің ішкі көрінісі бейнелеген. Сонау ХVІІІ ғасырдан бері сақталып қалған адалбақан ағаштан, ілгешектері күмістен жасалған. Көне заттардың бірі кебеже ерекше көз тартады. Бірде-бір шегенің көмегінсіз ағаштан жасалып, сырты сүйекпен мәнерлеп жасалғаны таң қалыс тудырады. Екі жағы көтеріңкі керует төсекте жатқан батырлардың қан айналымын реттеу үшін пайдаланылған екен. Керует шымылдықпен көмкеріліп, жанына Араб Әмірлігінен әкелінген майшам тәрізді шамдалдар қойылған. Бөлмедегі көз тартар этнографиялық жәдігерлер Тақ залында жалғасын табады.

== Дереккөздер ==
<references/>

== Сілтемелер ==
*[http://www.ra.sko.kz/kaz/index.php «Абылай ханның резиденциясы» мұражай кешенінің ресми сайты]
*[http://visitkazakhstan.kz/kk/guide/places/view/148/ «Абылай хан резиденциясы» мұражай кешені – visitkazakhstan.kz]

{{бастама}}

[[Санат:Қазақстан мұражайлары]]
[[Санат:Петропавл]]