«Отанды қорғауда» бетінің бастапқы мәтінін қарау

'''«Отанды қорғауда»''' -әскери газеті. Бірінші нөмірі [[Ұлы Отан соғысы]] кезінде (11.06.1942 жылы) жарық көрді. Бұл - атақты Ленинград коршауының 503 сөткесінің ызғарлы күндердің бірі болатын. «Отанды қорғауда» газетінде негізінен өлім коршауындағы қала тұрғындарының ауыр халі мен қазақ жауынгерлерінің сұрапыл соғыстағы қайтпас қайсарлықтары жазылды. Окопта туындаған бұл жазбаларды қандастарымыздың батылдыктарының тірі жылнамасы деуге болады. Әскери журналистер мүндай сұхбат, интервьюлерін көбіне жаңбырша жауған оқ, бұршақша бораған снаряд астында жүріп алды. Кейде олар тіпті жазуын тоқтатып қойып, тікелей соғысқа кірісіп кетіп отырған. «Отанды қорғауда» газетінің бірінші нөмірі шығару оңайға соқпапты. Әуелі газет шығаратын [[шрифтер]]ді табу керек болды. Қазақ тіліндегі, әсіресе, орыс тілінде кездеспейтін, тоғыз әріп қолдан жасалды. Жауынгерлердің арасынан әріп теруші мамандығына бейімділерін іріктеп, даярлаған. Біраз материалдар орыс тілінен аударылған. Мамандар да тапшы, [[журналист]]ер штаты да мардымсыз. Керекті қағаз, бояуды да өздері тапқан. Осындай батыл қадамды, ауыр жағдайдың өзінде, соғыс аяғына дейін [[Түймебай Әшімбаев]], [[Ақмұқан Сыздықбеков]] пен [[Бисен Жұмағалиев]] сынды идеология майданының қайсар шеберлері іске асырған. Олар - оқып-тоқығаны мол, көзі ашық, көкірегі ояу, өз елінің тарихын жетік білетін және елін сүйген жастар еді. Газеттің ана тілінде жарық көруін, әсіресе, қазақ жауынгерлері қуана қарсы алды. Ол әскери бөлімдерде насихат жұмысын жеңілдетумен бірге, жерлестеріміздің алыста қалған тутан жер, өскен елімен байланысын жалғастыруына себепкер болды. Газет материалдарын жауынгерлер жеке- жеке де, кейде бәрі отырыса қалып, бірігіп оқып, қызу талқыласқан. Орыс тілінде шығатын басылымдарды қазақ жауынгерлерінің бәрі бірдей оқи алмағандықтан, «Отанды қорғауда» газетінің сол жағынан да көмегі болған. Газет беттерінде мыңдаған жерлестеріміздің әртүрлі ерлік пен батылдыққа толы істері үзбей жарияланып тұрған. «Отанды қорғауда» бір нөмірі [[Кеңес Одағының Батыры]] аға сержант [[Сұлтан Баймағамбетов]]тың ерлігіне арналды. Соғыс кезінде қазақ тілінде жарық көрген майданындық 26 газеттің арасында «Отанды қорғауда» ең үздік басылым деп танылды. «Социалистік Қазақстан» газеті сонау сұрапыл соғыс жылдарының өзінде-ақ бұл басылымды негұрлым толық газет деп бағалаған. Басқа газеттер көбінесе жауынгерлік параққа ұқсайтын да және үнемі шығып тұрмайтын делінген. Басылымның ең басты құндылығы - материалдарының соғыстағы өмірдің өзінен алынған шындығында, деректігінде. Әскери журналистер мыңдаған беттік тұтас соғыс [[энциклопедия]]сын жазып шықты. Онымен қоса газет беттерінде жарияланған алты жүз фотосуреттердің әрқайсысы да маңызды әрі тарихи құндылығын ешқашан жоғалтпақ емес.<ref>А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.
ISBN 9965-893-73-Х</ref>
	
== Дереккөздер ==
<references/>

{{wikify}}

[[Санат:Газеттер]]


{{stub}}