Калесник мұздығы

Калесник мұздығы, Колесников мұздығы – Іле Алатауының солтүстік беткейіндегі аңғарлық мұздық.

Аумағы, жер бедері

Іле алабындағы Солтүстік Талғар өзенінің бастауында, 4580 м биіктіктен басталып 3400 метрге дейін созылып жатыр. Оған белгілі кеңес географы, С.В.Калесниктің есімі берілген. Ұзындығы 4,3 км (оның ішінде ашық жатқан бөлігі 3,8 км), жалпы аумағы 6,6 км², фирн алаңы 4,4 км³. Орташа қалыңдығы 40 м. Мұз көлемі 0,24 км₃. Мұздық тілінің ашық бөлігінің ауданы 2 км₂, оның 0,2 км₂-і борпылдақ жыныстармен көмкерілген. Калесник мұздығы еріп жылдан-жылға қысқарып келеді. <ref name="test">Қазақстан Энциклопедиясы</ref>