Жайық-Көшім суғару-суландыру жүйесі
Жайық-Көшім суғару-суландыру жүйесі, Жайық алабында, Батыс Қазақстан облысының Зеленов, Жаңақала, Ақжайық аудандары жерінен ағып өтеді. Егістік суғару және жайылымды суландыру үшін 1961 – 1974 жылдары іске қосылған. Бастаулық қондырғысынан 325 м3/с су алынады, бұның 125 м3/с тікелей жүйеге таралады. Каналдары мен тармақтарының жалпы ұзындығы 2904 км (басты каналы 250 км). Жүйе құрамына Бітік, Дөңгелек, Киров және Пятимар бөгендері кіреді. Жайық-Көшім суғару-суландыру жүйесі 10 мың га-дан астам егістікті, 100 мың га шабындықты және 2 млн. га-дан астам жайылымды суғаруға және суландыруға пайдаланылады. Алаптағы жер асты суы 4 – 7 м тереңдіктен шығады. Егіс айналымында астық, мал азықтық, техникалық және бақша дақылдары, көкөніс, картоптың үлесі басым.<ref>Қазақ Энциклопедиясы</ref> Жүйе көмегімен жылына 99,0 мың га жер суарылып, 1216 мың га жайылым суландырылады. Суарылатын шабындық өнімділігі гектарынан 17 ц-ге дейін.<ref>Қазақ тілі терминдерінің салалық ғылыми түсіндірме сөздігі. Су шарушылығы. – Алматы, Мектеп, 2002.</ref>
Дереккөздер
<references/>