Людмила Вячеславовна Прокашева

Людмила Вячеславовна Прокашева - 1969 жылы 23 қаңтарда Павлодар қаласында туған. Орыс.

Әкесі - Прокашев Вячеслав Спиридонович, зейнеткер, слесарь-баптаушы болып жұмыс істеген. Анасы - Прокашева Надежда Даниловна, зейнеткер, санитар болып жұмыс істеген.

Павлодар педагогикалық институтының дене тәрбиесі факультетін бітірген (1990), дене тәрбиесі пәнінің мұғалімі.

«Нұр Отан» ХДП мүшесі (2004 жылдан).

1983 жылдан - спорт нұсқаушысы.

КСРО абсолютты чемпионы; Конькимен жылдам жүгіруден әлем чемпионатының күміс жүлдегері (1987); 500 м қашықтыққа конькимен жылдам жүгіруден қысқы Олимпиада ойындарының қола жүлдегері (Нагано, 1998); 1500 м қашықтыққа конькимен жылдам жүгіруден III қысқы Азия ойындарының чемпионы (1998).

«Құрмет» орденімен (2000); «Ерен еңбегі үшін» медалімен (1994) марапатталған.

Әскери атағы - ҚР ІІМ подполковнигі.

Саяси қайраткер ретіндегі идеалы - А.С. Павлов.

Қазақстанның болашағы туралы болжамы - «Жарқын, бейбіт болашаққа үміттенемін».

Хоббиі - коньки спорты.

Сүйіп оқитын әдебиеті - романдар.

Тұрмыс құрмаған.<ref>Қазақстан Республикасында кімнің кім екені . Екі томдық анықтамалықаласы Алматы, 2011 жыл. ISBN 978-601-278-473-2</ref>

Дереккөздер

<references/>