Шығыс Анд кордильерасы бетінің бастапқы мәтінін қарау

[[File:Cordillera de los Andes argentinos.jpg|thumb|left|Анд тауы]]
'''Шығыс Анд кордильерасы''', Шығыс Кордильера ({{lang-en|Cordillera Oriental}}) - [[Анд]] тау жүйесінің шығысындағы тау жоталарының тізбегі. Орогр. жағынан бір текті жота емес, ал құрылымдық ерекшеліктері жөнінен герциндік ядросы бар Орталық Кордильера тау жоталарымен бір тұтас антиклинорий жүйесін құрайды. 
== Сипаттама ==
[[File:Eastern cordillera of the Andes.jpg|thumb|Мастштабты бейнесі]]
Шығыс Колумбия Кордильерасы биіктігі 5493 метрлік (Ритакува) көлемді тау жотасын құрап, 1˚30' және 9˚ солтүстік ендік аралығына созыла орналасқан. Шығысқа – [[Ориноко]] жазығы мен [[Гвиана]] таулы үстіртінің батыс жиегіне және бастысқа – Магдалена өрісі ойысына тік құлама жар жасап тіреледі; орталығындағы неғұрлым кең (270 км-ге дейін) бөлігіне биіктіктері 2500 – 3500 метрлік тау аралық кең жазықтар мен қазан шұңқырлар тән. Солтүстік (Сьерра-де-Периха) және оңтүстікте (Орталық Кордильераға ұласар жері) ені күрт тарылады және аласарады. Соңғысының (Шығыс Кордильера) [[Экуадор]] жеріндегі тармағы Кордильера – [[Реаль]] деп аталады. Шығыс Экуадор Кордильерасы жекеленген тармақ және массивтермен шығыста [[Амазонка ойпаты]]на ауысады. Жрылыс сызығы бойында биіктігі 5897 метрге дейін баратын (Котопахи вулканы) бірнеше сөнген және әрекетті вулкандар шоғырланған. Оңтүстікте 4-6˚ оңтүстік ендік аралығындағы Шығыс Анд кордильерасының орогр. элементтері айқын ажыратылмайды. Оның құрылымдық элементтері Орталық Кордильераның және [[Боливия]]ның Кордильера – Реалінде қайталанып келеді.
== Климаттық жағдайы ==
[[File:Cordillera de los Andes.jpg|thumb|left|Анд жоталары]]
Шығыс Анд кордильерасының шығыс беткейлері жел жақ беткейге жатады (жылдық жауын-шашын мөлшері 4-5 мың мм), өзен аңғарларымен күшті тілімделген, биіктік зоналық айқын ажыратылатын мәңгі жасыл ормандармен жабылған; тек қана неғұрлым қуаң солтүстік және оңтүстік жиектері мен батыс беткелерінде жапырағын түсіретін мәңгі жасыл орман және сирек орман өседі. Қар сызығы 4,4 – 5 мың метр биіктікпен өтеді. <ref> Қазақ Совет Энциклопедиясы, Алматы, 1976ж., 8  том</ref>

==Дереккөздер==
<references/>

[[Санат:Солтүстік Америка таулары]]