Газ хроматографиясының схемасы бетінің бастапқы мәтінін қарау

Қазіргі кезде іс жүзінде жиі қолданылып, кең таралған газ [[хроматография]]сының негізгі бөліктері мен тораптарының [[схема]]сы 15.3-суретте көрсетілген. Мұнан басқа да ғылыми зерттеу бағытында және сериялы талдауда арналған газ хроматографиясының негізгі тораптарының түрлері көп. Балоннан шыққан [[газ]] тасымалдауыш тұрақты жылдамдықпен хроматографиялық жүйе арқылы өтеді. Сынаманы хроматографияланатын заттың толық булануына қажет болатын [[температура]]ға дейін қыздырылған буландырғышқа енгізеді. Талданатын [[қоспа]] буын газ-тасымалдаушы ағашымен ілестіре кетіп, оны [[термостат]] әдістеме бойынша қажет температурадағы термостатқа орнатылған бағана жеткізеді. Бағанадағы талданатын қоспа құрамдас бөліктерге жіктелінеді де, олардың әрқайсысы жеке-жеке детекторға енеді. Детектордың [[сигнал]]ы әуелі тіркеліп, интегратормен не [[микропроцессор]]мен өңделінеді.
==Бағаналар==
Аналитикалық газ хроматографиясына арналған хроматографиялық бағаналарды ішкі диаметрі 1-6 мм, шиыршықталған немесе тағаша иілген [[болат]], [[мыс]], [[жез]], [[шыны]] не [[кварц]] түтікшелерінен әзірлейді.
[[Сурет:Газдық хроматографтардың блок-схемасы.jpg|right|200px|thumb]]
[[Сурет:Газдық хроматографтың схемасы.jpg|left|200px|thumb]]

Диаметрі 1-3 мм, ұзындығы 1-3 м бағаналар жиі колданылады. Қозғалыссыз сұйық [[фаза]] үшін жіңішке өзекшенің ішкі қабырғасының беткі ауданы төсеніш міндетін атқаратын капилляр бағаналар жиі қолданылады. Мұндай капиллярдың типтік өлшемі ішкі диаметрі 0,2 мм, ал ұзындығы 50 м-ден 100 м-ге дейін болады. Бұлардың тиімділігі өте жоғары, мысалы, ВТТ бір миллиметр шамасында, ал теориялық табақшалар саны стандартты бағаналар үшін 5 мың болса, осы түтікшелер үшін бес жүз мыңға жетеді.

[[Капилляр]] бағаналар аса күрделі құрамды қоспаларды жеке бөліктерге бөлуде пайдалы, мысалы, ол 15.4-суретте көрсетілген. Олардың көмегімен әр түрлі қош иісті құрамдас бөліктердің темекі түтінін, ұнамсыз иістерді жіктеуге мүмкіндік болады. Капилляр бағаналармен [[жұмыс]] әдістемесіне сәйкес талдау ерекше ұқыптылықты қажет етеді.<ref>Құлажанов Қ.С.Аналитикалық химия: II томдық оқулық . II - том. Оқулық. Алматы:«ЭВЕРО» баспаханасы, 2005. - 464 б. ISBN 9965-680-95-7</ref>

==Дереккөздер==
<references/>

{{wikify}}

[[Санат:Аналитикалық химия]]
[[Санат:Химия]]
[[Санат:Ғылым]]