Қанат Орынтайұлы Оразов

1969 жылы Батыс Қазақстан облысы Қаратөбе ауданы Ханкөл ауылында туған. Кескіндемеші. 1992 жылы Н.В.Гоголь атындағы Алматы көркемсурет училищесін және 2009 жылы М.Өтемісов атындағы Батыс Қазақстан мемлекеттік университетінің «Бейнелеу өнері және сызу» мамандығын бітірген. Суретші Қанат Оразов өз шығармаларын қазақ халқына жақын тақырыптар аясында салады. Жұмыстарында ұлттық колоритті көрсетіп, шығарма желісіне бояу түстері әсерінің қатыстылығын байқатып және олардың гаммалық сипатын сақтап қалуға көңіл бөледі. Қазір Орал қаласындағы облыстық дарынды балаларға арналған мамандандырылған №11 С.Сейфуллин атындағы қазақ мектеп интернат кешені жанындағы «Өнер» мектебі көркемсурет сыныбының мұғалімі болып еңбек етеді.

Әдебиет

Жазира Жайық. Батыс Қазақстан сүретшілері.-Орал,2010. - 124б.