Халиламбекова Хорлан
Қазақстан Энциклопедиясы жобасынан алынған мәлімет
Әнші (лирикалық - колоратуралық сопрано). Қазақстанның халық артисі. 1945 жылы Балхаш қаласында туған. Қарағанды музыкалық училищесін, Құрманғазы атындағы Алматы мемлекеттік консерваториясының вокал факультетін (Н. Д. Юмашеваның класы) бітірген. 1977-1978жж.. Болгарияның халық артисі, профессор А.Найденовтың басшылығымен София мемлекеттік халық опера театрында кәсіби шеберліктен өтеді. X. Халиламбекова Абай атындағы Қазақтың мемлекеттік академиялық опера және балет театрының солисі, ол П. И. Чайковскийдің "Евгений Онегин", "Иоланта", Дж Вердидің "Травиата", Дж. Пуччинидің "Чио-Чио-Сан", Е. Рахмадиевтің "Қамар сұлу" және "Алпамыс" операларында бас партияларды орындады. Хорлан Халиламбекова - Қати мен Ақтоқты партияларын (С. Мұхамеджанов "Ақан сері - Ақтоқты") тұңғыш рет орындаушы.
Дереккөздер
<references/>
1. Әнші бұлбұл кітабы, 2007 ж, 68 бет
