Николай Алексеевич Кузьмин
Қазақстан Энциклопедиясы жобасынан алынған мәлімет
Кузьмин Николай Алексеевич - Қаржы және бюджет комитетінің мүшесі
1956 жылы Өскеменде туған. Өскемен құрылыс техникумын, Қазақ ұлттық техникалық университетін бітірген.
1973-1974 жылдары Өскемен титан-магний комбинатында (бұдан әрі - ӨТМК) слесарь, жүргізуші болып жұмыс істеді.
1974-1976 жылдары Кеңес Армиясы қатарында әскери борышын өтеді.
1976-1987 жылдары - ӨТМК-ның слесары, жүргізушісі.
1987-1991 жылдары - ӨТМК-нің экономисі, бөлім бастығының орынбасары.
1991-2012 жылдары - «Титан» «Өндірістік-коммерциялық фирмасы» ЖШС-нің директоры, бас директоры.
2012 жылғы қаңтардан бастап - бесінші сайланған Қазақстан Республикасы Парламенті Мәжілісінің депутаты, «Нұр Отан» Халықтық Демократиялық партиясының мүшесі.
«Құрмет» орденімен, «Шапағат», «Білім беру саласының меценаты» медальдарымен марапатталған.
Үйленген, екі баласы бар.
