Алмаз Тұрдыметұлы Ибрагимов

Алмаз Тұрдыметұлы Ибрагимов 1948 жылы 26 мамырда Қырғыз КСР Ыстықкөл ауданының Ананьево ауылында туған.

Халықтар достығы орденді Ташкент халық шаруашылығы институтын (1977) экономист мамандығы бойынша; Мәскеу осы заманғы бизнес институтын (1999) менеджер мамандығы бойынша; Бүкілресейлік алюминий-магний институтының (Санкт-Петербург қ., 1994) мамандану курсын бітірген. Ресейдің экономикалық ғылымдар және кәсіпкерлік қызметі академиясының коммерция докторы (1998). ҚР Минералдық ресурстар академиясының қүрметті академигі (1998).

«Лигнит бокситтерін енеркәсіпте пайдаланудың болашағы» (2005); «Төмен сортты бокситтер кен орындарын кешенді игеру» (2005) жарияланған мақалаларын; «Патенттік,өнертапқыштық және өнертабыстық қызмет - «Қазақстан Алюминийі» АҚ инновациялық саясатының негізі» (2005) баяндамалар жинағының, «Қазақстан Алюминийі» АҚ-та ұнтақтардың шикі құрамдарының жентектелу үдерістерін күшейту» (2006) ғылыми мақалалар жинағы, «Алюминий тотығы өндірісін қойылтқыш заттарын жетілдіру» (2007) баяндамалар жинағының авторы.

1966-1967 жылдары - Қырғыз КСР-і Ыстықкөл облысының «Бірінші мамыр» кеңшарының жұмысшысы. 1970-1985 жылдары - «Бірінші мамыр» кеңшарының слесары, жабдықтау женіндегі инженері, инженердің орынбасары.1990 жылдан - «Полимер» зауытының (Алматы облысы, Қаскелең қ.) директоры. 1994 жылдан - Павлодар алюминий зауытының бірінші вице-президенті. 1995 жылдан - Павлодар алюминий зауытының бірінші вице президенті - бас директоры. 2001 жылдан - «Қазақстан алюминийі» АҚ (Павлодар қ.) президенті. 2005 жылдан бері - «Қазақстан электролиз зауыты» АҚ (Павлодар қ.) президенті.

«Құрмет» (2001), «Отан» (2007), «Достастық Жұлдызы» (2007) ордендерімен, II дәрежелі Халықаралық Жаңғыру орденімен (2007), «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005); 3-ші (2002), 2-ші (2003), 1-ші (2006) дәрежелі «Еңбек даңқы», «Облыс алдыңцағы еңбегі үшін» (2004) белгілерімен марапатталған. Академик Е. Бөкетов атындағы сыйлықтың лауреаты (2006).<ref>Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2</ref>

Дереккөздер